AYUB 5:21 - ALLAH NIHYET MEM TUNGWATU NYA

²¹ Noni miteu na ba, angwes ngun leu yo di ikkin kep anghapti. Gino mun di cok tut tungwatu nya tau kwei lene Noni mibindei ba, attin tut bi.

AYUB 5:21 ပူးပေါင်းရင်းမြစ်များ

AYUB 5:15

Noro Allah teu yo di yuhui mbum nya bingwes ngun leu nimai ba, ingwes ngun leu yo di yoom kep yok indati.

MAZMUR 31:20

Ade nisingat tut tungwatuti di atin ei mem yo di ittin tut Nani dima nindig bibor! Tungwatu nya yahagom ingat Ade nisingat tut yo di igya coi Na.

MAZMUR 31:21

Aku yok ei anyehei behei ba, igwam nding leu yo di isibut di igyok ingon gom mem yok. Aku yok nyahan ei mpia di anyohou yok leu ide siceu nya ide nihyet nitigut yokti cem.

MAZMUR 55:21

Disut timiei pima kiju kep nisut bat nya bihwen yok. Nonti bikep ser nipreu eisi nya tu.

MAZMUR 57:4

Noni mibuhup dihyet leu gwamti biteu da ba, dingwes ngun. Noni mibindei timek yo di ico kep da nya cem. Allah mindo bipia ningon gom tut da ba, ningon ngakei da bikwop ug.

NIPINGOK NINGONTI 12:18

No di ba ningon di ko-ko wai bimbrap ne nihyet sibui hiter ningonti dem kep nok iba singau simeda bidat. Noro no di ba ningon di ki bimbrap ne nihyet di tibim ei nuhui him biyai ninghuisi di sindem bak hiter.

NIPINGOK NINGONTI 3:25

attin tut mun di buhun di kwei kros binok hou sigau di kwei hwen yo di isibut nya cem bi.

YESAYA 54:17

Noro bit bon minggwen di tukan nya ibon dima sindem mem gima tot na kan bi. Tirigi hi pai kep na ei nikei noho bei lene nihyet minok bu tan lewo ando bindo di bindo pia yai mun tunggwei bak. Midimbrap gau Ditde awak nya bidibindei ba, ihwen ide siceu nya bitimek.” tuhan simbot dat tu.

YEREMIA 18:18

Lene yo dima ipai biyam “Jikwei ba, igyok ingon gom mem gima ihwen Yeremia. Nongkom he rino tri tut Allah nihyet binye bi. Noro ide imam nya di ingginau nye kin ide andigpoi di ingon ki di ipingok nyeni ingonti kin ide nabi di itri tut Allah nihyet binye mingat rima mem nye kikau yo. Jikwei ba, ipai kep Yeremia ei nikei noho bei leu binhyepo noni bindin nye kikau bu bi.”