AYUB 42:8 - ALLAH NIHYET MEM TUNGWATU NYA

⁸ Nogindini ma jijem sapi nikre ningut muhwindacan kin domba nikre ningut muhwindacan ba, jijem bak Ayub. Lene ma jibui mindhe dima hagom bijindig kep hum ei nimbar hum dokti drek dip jide sisar. Ayub mingat nadi tindei je lene midibuhup nihyet. Mbro nok gino jiji kipa tut Da bijipai mun di igbit bi lo, midibinim kep je ba, suar jibiang jipai munti nya nibuhunti bi. Noro Ayub pai mun di igbit tut Da.”

AYUB 42:8 ပူးပေါင်းရင်းမြစ်များ

NITRITI 20:17

Lene Abraham ngat nadi tindei yok apino Allah bindei ba, Abimelekh cem kei hanyen ba, bon nitnem kin nide awak sop nya cem yahagom inghop hanyen.

NITRITI 20:7

Noro suar atug noni hanyen bak nijjep nogindini. Lewo nijjep ne nabi rin ba, noni mingat nadi tindei je leu binhyepo jitug ndei nimai bi. Amiap e, gino atug noni hanyen bak nijjep bi lene nani kin ade limwa nya cem jahagom mijitug ndei nimai hak.”

NIBOHON MBEN ISRAEL GI NIGOM 15:26

Ibui sapi nikre ningut muhwindacan kin domba ningut muhwindacan ba, ibikuk yok bak Allah lewo Noni sindem tut Lewi nya ba, ittei Brua Gi Preu dima kwei su.

NIBOHON MBEN ISRAEL GI NICAN 29:21

Ibijem sapi nikre ningut muhwindacan kin domba nikre ningut muhwindacan kin domba pmot ningut muhwindacan kin kambir nikre ningut muhwindacan kwei mem gima ibibon midut nibiyai nikos ser sisarti gau nibou ndig nide bat nya kin limwa nya ide sisar ba, ibindei pwoi tuhan De Ig hanyen cem. Nibou ndig cuk imam di intun Harun him nya ibon midut nindig mindhe-ndhe dima yok ei nimbar hum dokti bak tuhan.

AYUB 1:5

Mpe di igyem pesta ba, ngwig binjap kep lene Ayub kiju mem ha yausi leu api bon midut nibiyai ningon kwesti mem nimunggwom bat nya bibindei ba, ingon kwes kin tuhan. Lewo noni kan bipia hi rima simunggwom gom bon sisar ba, nihyet wer mpiahi tut Allah e? Sikan tut bi.

AYUB 1:8

tuhan hig ser noni “Angig ayai kep Ditde awak di Ayub tu e? No dima ningon gom ba, ningon kwes dor njiriek tungwatu dihyeisi dini hagom. Noni kuk no biDa bimbres no leu mun di kinei hagom cem.”

AYUB 22:30

Noni miteu nani ba, angwes ngun gino abit ningon kanti ba, ambres nanti leu mun di kinei cem.”

AYUB 35:8

Noro ade sisar di abon nya he ribindin asut bat nya lene ade nibon munti di kei rino bimpu yok cem a.

AYUB 42:9

Elifas kin Bildad kin Zofar igyai hagom bit leu nok tuhan nicuk yokti leu api Noni buhup nadi di Ayub ngat kep yok.

MAZMUR 103:10

Noni kes hukum ei nye dip dem igbit ide sisar di ibon nya ba, birop binye dem igbit ide nitunggweisi nya bi.

NEHEI LEUSI 18:12

Lene Yitro jem mindhe-ndhe nya kwei bindig bihi kep hum titut yam lene srat bihi hacan ei nimbar hum dokti bak Allah. Lene Harun kin nibou mben Israel nindigsi nya yahagom induk yam kwei bigyem njita bit Yitro bou Allah niyai him.

YESAYA 60:14

Yo po ico kep na pima imunggwom bat nya mikwei kuk yok ei amig him bikon anyenga. Yo po ingwes om kep na pima yahagom miba ibiau bicom mpia ei aho bei binggei sut na. Yoni mijem anyeng ‘tuhan De Minu’ kin ‘Sion’ cem kin ‘Mben Israel Ide Allah Di Kwes-Kwau Nide Minu’ cem.

YEREMIA 14:11

tuhan pai bida “Ma ahara mem Da leu binhyepo dimpu yo dima au.

YEREMIA 15:1

tuhan pai bida “Mbro nok gino Musa kin Samuel ikwei ya Doho bei bimbrap gau yo dini lo, dingon nggriu sut yok kan bi. Ma ajji yok ug ei minu ting leu Doho bei hak ug.

YEHEZKIEL 14:14

Mbro nok gino Nuh kin Danel kin Ayub nya ibong ei mpia dima lo, ibou ningai dima ide nibon munti di kei teu yonti njem innei he ba, ingwes ngun. Da di tuhan Di Dinyeng Jei Bibor disimbot dat tu.

YEHEZKIEL 45:23

Ei ninsi njap muhwindacan di midut dima mbut lene suar noni bui sapi nikre ningut muhwindacan kin domba nikre ningut muhwindacan di bok-ba bi. Lene indig hagom titut ei humti bak tuhan bikwop njap-njap. Lene suar noni bui kambir nikre ningut gom cem mem midut nibiyai nikos ser sisarti bikwop njap-njap.

MBEN ISRAEL IMBUT-MBUT NYEN 23:1

Leu api noni cuk Balak bipai “Adingug tig bijo-jo yam dip nok nimbar hum dok ningat muhwindacan ei sirini. Lene ma ajem sapi nikre ningut muhwindacan kin domba nikre ningut muhwindacan kwei bida.”

MBEN ISRAEL IMBUT-MBUT NYEN 23:14

Lene Balak buwak noni ug ei briep Zofim ei Nungug Pisga ninggram him. Ei sirima cem noni dingug tig bijo-jo yam dip nok nimbar hum dok ningat muhwindacan bu. Lene noni bui sapi nikre ningut gom kin domba nikre ningut gom bindig kep hum ei nimbar hum dok muhwindacan dima gom-gomti.

MBEN ISRAEL IMBUT-MBUT NYEN 23:29

Lene Bileam pai bak Balak “Adingug tig bijo-jo yam dip nok nimbar hum dok ningat muhwindacan ei sirini. Lene ma ajem sapi nikre ningut muhwindacan kin domba nikre ningut muhwindacan kwei bida.”

MATIUS 3:17

Nihyet gom cem tibim leu gwamti bipai “No dini ne Dipmot rin ba, dingon ngakei Noni bidingon kei sut Noni cem.”

EFESUS 1:6

Jikwei ba, inggei sut Allah di ninyeng jei drek dip nisingat tut nyeti di Noni njei bak nyeni tug hon Nipmot di Noni ningon him ngi-ngat!

2 TIMOTIUS GI NICAN 4:14

Apo Aleksander di tukan ngkimom-tembaga mbuk tut da bibor noro Tuhan mibirop binoni hanyen drek dip niyai munti di kinei nya.

IBRANI 10:4

Lewo bit bon sapi kin kambir ninggrom piap sisar kan bi sren.

IBRANI 7:25

Gima rino Noni sindem mem gima teu tungwatu nya di ikwei kuk yok bak Allah tug hon Noni leu ide sisar biyai niyaijo nijep biyok bijo ninno-bijo kikau lewo Noni niyaijo kikau biya hacan mem yok ei Allah Noho bei.

YAKOBUS 5:14

Gino jigom nggwen lene ma noni hig nibou mbusyamei nya kwei leu binhyepo ingat nadi tindei noni. Leu api itin ampou tut mini bibidip noni tug hon Tuhan ninyenga.

YAKOBUS 5:16

Gima rino ma jipai jit jide sisar brei biyam leu api jingat nadi tindei yam leu binhyepo Allah bindei ba, jikei hanyen. Nadi di tibim ei no di ningon sren nuhui him sindem bibor.

YOHANES GI NIGOM 5:16

Gino jigom ngat nisut no di Kresten di bon sisar di bindei ba, nide niyaijo nijep di jo kikau srawir bi ne ma jingat nadi tindei noni apino Allah mitug niyaijo nijep hanyen binoni. Dipaisi dini bitut yo di ibon sisar di bindei ba, ide niyaijo nijep di jo kikau srawir bi nya. Noro sisar ninyeng gom bindei ba, niyaijo nijep di jo kikau pror hak leu tungwatu nya ba, israwir. Tut nadi di bitut sisar dima ne dipai bije tut bi.

YOHANES GI NIGOM 5:6

No di srek kwei ei dihyeisi dini ne Yesus Kristus rin ba, Noni kwei yai nitur No ei minyeiti ba, ninggrom siber tug hon nimaisi cem. Noni kwei sut minyei he bi noro kwei sut minyei kin ninggrom. Allah Ninnei ngat gini bou niyai him bitri tut bipia hagom ne nijit rin lewo Noni ris bi sren.

NINGAT-HI-NGAT NYA 3:9

Jimiap e, midibindei nimpung Bilis de limwa nya di iris-ris nyen di ipai sut yonti bipia yoni ne mben Yahudi rin dima yok bikwei kuk yok ei jimig him. Mijo nibreisi mem yok bipia dingon ngakei je.

SAMUEL GI NIGOM 25:35

Lene Daud yai mun di Abigail ttei kwei mem noni leu nindati bipai bak “Dwai! Angkwei hanyen ug ei ade ig hak ug lene ma angon mbut-mbut nyen tut au. Midiyai igbit mun di ahara da tut pima hagom binani yo.”