Noro gima yok hagom ne mun di biyai hamem ingonti tut Nide nisindemti ri. Gima ne nahamuisi he di tibim ei nyeni itingou nsi ri. Nyeni ingon di huk niti tut Allah kin Nide nisindemti di nindig bibor poi mien bibor he!”
Ari bingwam di Nibou Ndig Uzia mai eisi ne dingat-hi-ngat bidingat tuhan. Noni gwam ei Nide banggo mbrei di jo nai ba, kei-kau-kei. Nide sinsun ninda jei nggai kep tuhan De Ig ninsi titut yam.
Lene dikan “Buhun bibor! Bit bon singwes ngun kan bi! Lewo side sisar ribindei dino map kui sihyet di tibim ei suhui him hagom ba, sibong bit yo di ighyet wer mpiahi tut tuhan. Mbro nok gima lo, singat Nibou Ndig bou siyai him tu ba, Noni ne tuhan Di Sindem Bibor ri.”
tuhan e, dimiap tut Ade midyai nya leu api dinggap leu tut nindig bibor. Nnaba ayai kep midyai di nindig bibor pima hanyen mem nijam dini. Mbro nok gino nibindei ba, angon sibui sut nye lo, ma angondut nye.