AYUB 42:12 - ALLAH NIHYET MEM TUNGWATU NYA

¹² tuhan bindei ba, Ayub ningon nggei-hi-nggei nindig bibor ei ningwigsi dor njiriek ningon di nggei-hi-nggeisi nipou pima. Tini bu ne noni nyeng tut domba ningut sribu simnaibrimigtai kin unta ningut sribu muhwindagom kin sapi ningut sribu can kin keledai ningut sribu gom.

AYUB 42:12 ပူးပေါင်းရင်းမြစ်များ

NITRITI 24:35

tuhan njei mun di kei nindig bibor bak andigpoi ba, noni nyeng bibor. tuhan yai mun nyeng hagom binoni nok domba nya kin kambir nya kin sapi nya kin unta nya kin keledai nya kin perak kin mas cem nindig bibor kin awak pinai nya kin sop nya hagom cem.

NITRITI 32:14

Noni dimig kambir niwek ningut sratus can kin nikre ningut ningot can kin domba nya niwek ningut sratus can kin nikre ningut ningot can,

AYUB 1:10

Anyohou noni kin nide bat nya bitut nide ndigban hagom cem bikwop mmun-njap. Asindem tut noni mem nide midyai nya hagom ba, ayai mindhe-ndhe nok gi dem mem ikieng kep minu nisurti-nipekti binoni tu.

AYUB 1:2

Noni yai nipmot bat nya ibou muhwindacan kin nipmisop bat nya ibou ningai.

AYUB 1:3

Noni nyeng tut domba nya ningut sribu muhwindacan kin unta nya ningut sribu ningai kin sapi nya ningut sribu gom kin keledai nya ningut sratus muhwi. Nide awak nya cem imang bibor. Gima rino Ayub nyeng tut ndigban nindig bibor dor njiriek yo di nindigsi di ibong ei hanjop bei mpia nipriti nya yahagom.

AYUB 8:7

Mun di anyeng tut di sar tu pima bon ninyeng bi gino ibinai kin mun di mporo Allah miyai bina ei nidipti bu.

MAZMUR 107:38

tuhan singat tut yok bibindei ba, idigek kep mpia ba, ide mindhe-ndhe di ighyen kep nya ibep hanyen nok gi dem cem.

NIPINGOK NINGONTI 10:22

Tungwatu nya inyeng tut ndigban tug hon ningat di kei di tuhan njei bak yoni. Bit bon nicom nahanggwap tut midyaisi bindei ningat di kei kum eisi bi.

NIBA NINGON SRIP HUKTI 7:8

Midyai di igyai biput tu kei dor njiriek nikinyon ei nimbie himti. Noom kep ningonti kei dor njiriek ningon jeisi.

YEHEZKIEL 36:11

Midikum ei jide limwa kin jide mindhe-ndhe nyati ba, imang bibor dor njiriek nimangti ei nimbie him pima. Ba, ide nintun him yokti nya imang bibor. Midisindui sut ba, ibong nyahan ei minu dima noyam kin gi nipou hanyen. Midibindei ba, jiyemti kin jimati dem mem je dor njiriek gi juum nipou yo a. Apino yoni mikan tut bipia Dani ne tuhan ri.

NINDAT KEP TUHAN NICUKTI NYA 8:16

Noni yai manna di nok njita bije ei iggum ndigsi. Hon kep mpe dima nimo jug ne jidigup bat-jidigai bat nya igyem njita nok gima hi bi sren. Noni ba mun di buhun bibor bibingon je leu binhyepo bikan tut jingon kanti nya. Gima hagom nok leu binhyepo Noni miyai gi kei bije ei nidipti bu.

TIMOTIUS GI NIGOM 6:17

Ma asok kep yo di inyeng tut ndigban di mipror yon mem nijam dini. Ma ingon jei sut biba ingon com mun di inyeng tut au. Noro ma iba ingon com Allah di yai mun nyeng hagom binye leu binhyepo ingon kei drek dip.

YAKOBUS 5:11

Ipai sut yok bipia ingon nggei-hi-nggei lewo ingon jo nyahan tut yo di ihwen bit yok. Jikan tut Ayub di ningon jo nyahan leu api Allah njei mun di kei bak noni drek dip ug e. Lewo Allah ngondut nye nindig bibor bisingat tut nye di tungwatu.