AYUB 41:28 - ALLAH NIHYET MEM TUNGWATU NYA

²⁸ Bit bon tungwa hi ba hampiap bijji noni kan bi. Gino hi ba tig bihwen noni lene noni ngat tig dima noyam kin mahai lep he.

AYUB 41:28 ပူးပေါင်းရင်းမြစ်များ

AYUB 39:7

Keledai dima yok yoom yo nyahan ei minu ting bibor leu minu ndig nya di bon nilueng kwopti. Tungwa hi dima pijuk yok bimuhup lene ba yok biyai midyai bi sren.

AYUB 41:27

Lewo noni bibon ngkimom nitu noyam kin mintu-minta di mui ba, ngkimom-tembaga noyam kin biei di nggun cem.

AYUB 41:29

Gino hi ba tom bibui lene noyam kin ba sinai meng gom bibui. Tungwatu nya iba micim bidat noni noro noni pa ndip yok.

HABAKUK 1:10

Tentara Babel iba ighyet bicig nibou ndig nya lene iba yo di inyeng jei nya bikek. Ingwes pri gau bikwop minu ndig di bon tentara nibousi ser yo dima yahagom ikweisi. Tentara dima yok iroi dihyei keyam bikui sur ngug tig nya lene ikui bibindei minu ndig dima timek bingwig.

ZAKHARIA 9:15

tuhan Di Sindem Bibor miya srak ko hagau Nide limwa nya bibindei ba, ihwen bitimek ide siceu nya yahagom. Tirigi ikon pran bit ide siceu nya ne ighyet misra tut pran noyam kin yo di pes pu yok. Ide siceu nya inggrom silipti ingkek noyam kin ninggrom midut di imam nya isiber ug ei nimbar hum dokti nisiliptiti.