AYUB 40:8 - ALLAH NIHYET MEM TUNGWATU NYA

⁸ Abingon mem gima acuon ser Ditde ningon sren-srausi e? Ambrap gau nanti angon di sren lo, anjei mun di kinei kep Dani e?

AYUB 40:8 ပူးပေါင်းရင်းမြစ်များ

AYUB 10:3

Nggon rino aba nico kep dati kin nicom da di Nanti abon bou anda him i? Nggon rino ausap yo di isibut nya ingon kanti kin ikos tutti nya i? Gima yok bon ninyeng e?

AYUB 10:7

Ningat ne akan tut ba, angon huk niti cem bipia dibon mun di igbit he bidiyai mun tunggwei bi. Akan tut bipia bit bon hi dima sindem mem gima teu da leu anda nsi bidingwes ngun kan bi.

AYUB 13:18

Ditin ei mem gima dimbrap gau munhyet di bitut danti. Dikan tut bipia bit bon Allah pai kep da drek dip kan bi!

AYUB 16:11

Allah kes da ei yo di isibut nya indati. Lene bicut da ei yo di ibon mun hacican indati cem.

AYUB 19:6

Ningat ne Allah bibon da nok gini. Noni ndin bon bibisrou da.

AYUB 32:1

Ayub niji ngkiem tut nonti tut ningon srenti. Gima rino nisut bat ibou ningai pima ikou ser ba, igibuhup nihyet bu bi.

AYUB 32:2

Noro Elihu di Barakheel nipmot no ya nyen ei mpia dima. Elihu ntun Bus him binggre kin Ram ninsi de. Gi mbun noni om kep ningon di sibui drek dip Ayub di pai niji ngkiem tut nonti tut ningon srenti binjei kep Allah tut mun di cut igkep noni kan bi.

AYUB 34:17

Anjei kep Allah di ningon gom ba, sindem bibor cem dima e? He ma akan bipia Allah ningon mpo tut giba ningon di gom bimbus tungwatu nya ingonti e?

MAZMUR 51:4

Apiap da leu mun di kinei di rap da lene abindei ba, ditde sisar di noyam kin map cug leu da.

YESAYA 14:27

tuhan Di Ninyeng Jei Bibor kos tut mem gima bon mun dima yok tu. Noni su ninda mem gima kes hukum ei tungwatu nya dip ba, hi dima ggai ser Noni tut bi.

YESAYA 28:18

Mididip tut jide nipreu ei bit nimai kin jide nipreu ei bit minu nimai nya ide cem apino mun di buhun bibor micut igkep je.

YESAYA 43:26

Ma jiyok ngon kep Da lene ma jikwei ba, yuug ya ei nikei noho bei. Ma jisimbot dat jide munhyet ei nikei noho bei nok mun di bindo bipia jiyai mun di igbit.

YESAYA 45:9

Buhun bibor mem no di tte tut tuhan di pai tes noni. No dima noyam kin dibijig gom di srep tut no di bibon noni tu. Igtuyap hig ser noni “Aba da bibon mindei i?” Dibijig nso tut noni bipai “Angon mbum ba, abon da kan bi e?”

ROMA 3:4

E bi! Mbro nok gino tungwatu yahagom ibicum kikep lo, ma jiyok ngon kep bipia Allah Nihyet tibim tut mun di nijit-jau hak. Lewo Allah Nihyet pai, “Ahyet ndo bindo brei bak tungwatu yahagom bipia angon sren-srau yo. Gino aya ei nikei noho bei ne abindei cut yo di ipai kep Nani yo.”

GALATIA 3:15

Disut bat jen, dindo bindo leu nye di tungwatu nya igyai kepti nya. Gino ibou can ipreu ei mem yam tut ide nikos tutti gom bitak buk ser tu lene bit bon hiter nggek tut nikos tutti dima ba, ba mun nyeng hi bikum eisi cem kan bi.

GALATIA 3:17

Gi dipai sut dima rinok gini. Allah preu ei mem Abraham ngkiem bitak buk ser nipou su. Gima rino bit bon niggai serti di Allah yai bak mben Yahudi ari bingwam sratus bitai ningot ningai niabiati bu dima binggek tut mun di Noni preu ei mem Abraham ngkiem biciu ser kan bi.

IBRANI 7:18

Gima rino nidimig sutti timiei cut lewo sindem ba, bon ninyeng bu bi.