AYUB 40:11 - ALLAH NIHYET MEM TUNGWATU NYA

¹¹ Angig ayai kep yo di ingon jei nya leu api anden kau tut ade ningon sibui sut yokti leu api abindei ba, ikuk yok binani hak ug.

AYUB 40:11 ပူးပေါင်းရင်းမြစ်များ

AYUB 20:23

Tirigi nibou sibui sut giba njita boom ninghop lene Allah migga noni bikes hukum ei noni dip.

AYUB 21:30

Yoni ipai “Njap dino Allah ba nigga biborti bikes hukum ei tungwatu nya dip lene yo di isibut nya mingwes ngun.”

AYUB 27:22

Mun dima yok mingondut noni bi noro micut igkep noni ba, suar nang binggok tring behei biya nding.

AYUB 4:9

Allah ningon sibui sut yok noyam kin sigau di yem tungwatu nya bingwig.

AYUB 9:5

Allah sindem mem gima son nungug leu nijoti ba, tri tut niyai munti dima nipou bak tungwatu nya bi. Noni ba ningon sibuisi kin nigga biborti bikiek nungug nya binggek ningwig.

MAZMUR 144:6

Acom Ade kigyei kep Ade siceu nya leu binhyepo abintek gimahap yok binang. Akri Ade tibor ba, akes igkep yok leu binhyepo idrui sut.

MAZMUR 94:2

Na di Nikei mem tungwatu dihyeisi dini hagom e, akiju ba, akes hukum ei yo di ingon jei nya dip sur yam kin ide nibon munti nya.

NEHEI LEUSI 15:6

tuhan e, Ade nisindemti di nindig bibor bindei ba, nahagom ninga leu sut bijo ninno. Lewo atam Ade siceu nya binnir-wap tug hon Ade nisindemti tu.

NEHEI LEUSI 18:11

Nogindini dikan tut bipia tuhan sindem bibor dor njiriek kwar di ngkiai ikuk yok bak hagom lewo Noni yai mindur dima yok hammi tirigi mben Mesir iba ingon di jei bibor bico kep je di mben Israel.”

YESAYA 2:17

Yo di inggei sut yonti inyeng micut ba, yo di ingon jei mikuk yok bak tuhan lewo suar tungwatu nya yahagom ikon Nongkom ninyenga.

YESAYA 22:19

Gima rino midicut na leu ade midyai di ayai kep ba, midibindei juk na leu ade ninyeng jeisi.

YESAYA 23:9

tuhan Di Ninyeng Jei Bibor rino kos tut ningon kanti dima. Noni kos tut mem gima bicut limwa nya ingon di jei drek dip ningat di itug ndei ba, om kep yo di inyeng jei ei dihyeisi dini cem.

YESAYA 25:11

Timiei minu Moab nya misu inda bidem kep yo di yaha minyei noro tuhan micut ide ningon jeisi leu yok apino isindem bu bi.

YESAYA 26:5

tuhan cut yo di ingon jei inyeng ba, bindei timek minu ndig di ide nya di bon ngug tig cem ba, nggek bisur yam kin dihyei ninjek dip.

YESAYA 42:25

Gima rino Noni kes nigga biborti ei nyeni dip apino itug ndei niwei kin nidut ei pran dicut igkep nyeti. tuhan de nigga biborti noyam kin hum di cig-cai bidem minu Israel nisurti-nipekti. Noro nyeni ingon gidorti tut mun di cut igkep nye nya di bipingok ingonti bi.

YEREMIA 48:29

Jingon jei bibor! Dimiap tut gi jinggei sut jenti kin jingon di jei bibor cem ba, jikon jenti bijillei-lau sut jenti cem!

YEHEZKIEL 28:2

“Na di tungwatu di ayaijo kikau bi e, ma atri tut mun di Da di tuhan Di Dinyeng Jei Bibor dipai bak nibou ndig Tirus bipia aba angon di jei bikon nanti ba, agwam ei banggo mbrei dip ei muk ningwa dip leu api ade limwa nya ikuk yok bina. Abon nanti nok no di ikuk yok bak ug lo, ma ayok ngon kep bipia nani ne tungwatu nitu he ri.

DANIEL 4:24

Andigpoi e, dipai ningat bina. Allah Di Ninyeng Jei Bibor kos tut mun di micut igkep na.

DANIEL 4:37

Gima rino nogindini da di Nebukadnezar dinggei sut Allah Di Ninyeng Tak Kep Gwamti. Dikuk da bak bidikon ninyeng bijo nai bibor. Niyai munti nya hagom kei-kau-kei bikwes-kwau cem ba, Noni sindem mem gima om yo di ingon jei nya ei nimig him.

NAHUM 1:6

Gino tuhan gga bibor ne tou rino ya ngkiem i? Hi di ningwes ngun leu nigga biborti bi. Ba, Noni bindei mbut niggati di cig-cai di bindei ba, tig nya timek binok dihyei ndung ei Noho bei.

NAHUM 1:8

Nibindei timek Nide siceu nya dem kep minyei di su nindig bibor di hwen tungwatu bicom yo di ibrim ingkek kep Noni di ihwen bit Noni yahagom ug ei minu nimai nya ide bisar hak.

MALEAKHI 4:1

tuhan Di Sindem Bibor pai “Njap dima ne tto bou midem mem hum yem yo di inggei-nggwang tut yonti nya kin yo di imbuk nya yahagom dem kep hum di yem mintu-minta di mui su. Hum miyem yok bihigom ei njap dima leu api ipror bingwig.

LUKAS 18:14

Ma jingon jo kep bipia tirigi no dini ngkwei hanyen ug ei ig bei lene Allah cigit noni noro cigit Farisi pima bi. Lewo Allah moom kep bikwop no di joi sut ninyeng jei noro Noni mikon bikwop no di om kep ningonti dima ninyeng.”

NINDAT KEP TUHAN NICUKTI NYA 32:22

Dingon di sibui sut yok micig-cai dem kep nok hum njeng biyem dihyeisi kikau ug bipek gumihyep nimai. Hum dima miyem dihyei kin mun di joti nya hagom ba, yem nungug kikau nitriti nya.

YAKOBUS 4:6

Mbro nok gima lo, nisingat tutti di Allah yai binye sindem bibor dor njiriek bu. Bit leu nok gi ipas ei Allah nihyetti “Allah timbe tut yo di ingon jei noro singat tut yo di iba ibou coi mem yam.”