AYUB 37:23 - ALLAH NIHYET MEM TUNGWATU NYA

²³ Ide Allah de nisindemti nindig bibor. Isindem mem gima idideu Noni bi. Ningon sren-srau lene ba ningon di gom bibon tungwatu nya bijo ninno bijo kikau. Noni co kep tungwatu nya bi sren.

AYUB 37:23 ပူးပေါင်းရင်းမြစ်များ

AYUB 11:7

Bit bon akan bidem tut Allah ningon bei kanti nya kan bi. Angon huk niti tut Nide nisindemti cem kan bi.

AYUB 11:8

Nisindemti dima jo anai dor njiriek mpia-bbed him ba, dem tut asu anda ba, akrau cem bi. Nide nisindemti jut bibor dor njiriek minu nimai nya ide ei dihyei jou cem. Bit bon angon huk niti tut kan bi.

AYUB 26:14

Noro gima yok hagom ne mun di biyai hamem ingonti tut Nide nisindemti ri. Gima ne nahamuisi he di tibim ei nyeni itingou nsi ri. Nyeni ingon di huk niti tut Allah kin Nide nisindemti di nindig bibor poi mien bibor he!”

AYUB 36:26

Allah dia-diau jit ba, bit bon nyeni ingon dorti tut Noni kan bi. Bit bon ikwop Nide ari bingwam nimangti cem kan bi.

AYUB 36:3

Diba ditde nikan tutti di nindig bibor bindo brei bipia No di pai tes da ningon sren-srau.

AYUB 36:5

Allah ne Allah di sindem bibor ri! Ningon dorti tut mun nyeng hagom. Ningwes om tungwatu nya igom cem bi.

AYUB 37:19

Angginau nye tut mun di suar nipai sut bak Allah. Mun di nipai sut bak hi bi lewo nyeni ningon mbum he.

AYUB 37:22

Nipigati di piga kei dem kep mas mbrawin tau hak ei nite bei mpia nijjai. Allah de nikei-kau-keisi bindei ba, nyeni inggap leu.

AYUB 8:3

Allah ba ningon can bikes hukum ei tungwatu dip bi sren. Noni tunggwei sut gi bon mun di igbit bi sren.

AYUB 9:19

Gino diba ditde nisindemti bikui dip Noni lene Noni buhup hak yo, dingat rigini. Gino dipai kep Noni drek dip munhyet gom ne tou rimbrap gau da bijem Noni kwei ei nikei noho bei i?

AYUB 9:4

Tut Allah ne ningon ki bibor ba, sindem bibor cem. Tou rino sindem mem gima kui dip Noni i?

MAZMUR 145:3

tuhan ninyeng jei bibor. Gima rino ma tungwatu nya inggei sut Noni nindig bibor. Bit bon nye di tungwatu ingon dorti tut ninyeng jeisi kan bi.

MAZMUR 30:5

Je di limwa di jiba jingon gom bibit tuhan e, jikwei ba, ipai doia nibinggei sut tuhan a. Ma jipai sigyo bak ba, jiba jingon srip bram bipia Noni ne No Di Kwes-Kwau ri.

MAZMUR 62:11

Ma jiba jingon com mun di jiyai leu nico kep tungwatuti au. Ma jiyok jingon mem mun di jitug ndei tug hon ndigban di jipos nya au. Mbro nok gino mun di jinyeng tut nya kum eisi lo, ma jiba jingon com ndigban dima au.

MAZMUR 62:12

Dimiap Allah nihyet di pai poi su bipia ninyeng tak kep nisindemti titut yam ba,

MAZMUR 65:6

Angig atingou mem nyeni nihyet tirigi abindei ba, nihwen nyende siceu nya bingwig. Aba mindur mang bibor biteu nye leu nikineisi. Ngkiai nya yahagom kin yo di ibong ei muk ngeisi nite dima ug iba ingon com Na.

MAZMUR 66:3

Jipai bak Allah “Abon munti bibon ninggap leusi nijit-jau a! Ade nisindem biborti mipbor ngat. Gima rino Ade siceu nya iba ingwak bikik dihyei ba, idigit tut Na bibor.

MAZMUR 93:1

tuhan ne Nibou Ndig ri. Ninyeng di jei kin nide nisindemti dem kep nok sinsun nibou ndig di Noni juk. Noni kes dihyeisi dini ei nijoti bibindei nddong kei ba, bit bon ugwa-kwei kan bi.

MAZMUR 99:4

Na di nibou ndig di asindem bibor e, angon ngakei Ade nikos tutti nya. Ata ningon sren-srausi kin nicukti nya kin nisingat tut yamti ba, abipingok kep Ade limwa nya ingonti leu binhyepo ibon mun di igbit ningkom.

NIBA NINGON SRIP HUKTI 3:11

Noni bon nituti di kei mem mun di pek kep nya hagom. Noni bindei ba, illei sut gino ikan bidem tut mun di mipek kep ei nidipti bu noro bit bon nyeni ingon dorti tut Nide niyai kepti nya ei nimbie him kikau ug bipek ningwigsi kep kan bi.

NIBA NINGON SRIP HUKTI 7:24

Tou rino ningon dorti tut tungwatu nya ide niyaijoti i? Munhyet dima jut bibor ba, dem mem gima ingon huk niti kan bi.

YESAYA 45:21

Ma jikwei ya ei nikei noho bei bijisimbot dat jide munhyet ba, yo di ibicom yam nya isimbot kep biyam tut. Tou ripai nisinati ei nimbie him tut mun di cut igkep je i? Dangkom di Allah rino dipai sut bi e? Lewo kwar di ikuk yok bak ne allah nijit rin bi. Dani ne Allah di kwes-kwau rin ba, diteu Ditde limwa nya bingwes ngun. Dangkom ngat he rino Allah!

YESAYA 63:9

leu mun di buhun di cut igkep yok hagom. tuhan cuk malaikati hi kin no di ya hacan hi ndam yok bi noro Nonti kwek yok lewo ngondut yok ba, ningon nggriu sut yok. Noni nyohou yok ei nimbie him kikau kwei bipek njap dima kep.

YEHEZKIEL 18:23

Akan bipia Da di tuhan Di Dinyeng Jei Bibor dingon llei sut gino no di mbuk tug midut e? Nok gima bi sren! Dingon llei sut gino noni ttin ser nide sisar behek tut niyaisi.

YEHEZKIEL 18:32

Dingon llei sut gino tungwatu nya igyai nimai bi. Ma jittin ser jide sisar ba, jehek tut jiyaisi. Da di tuhan Di Dinyeng Jei Bibor disimbot dat tu.”

YEHEZKIEL 33:11

Ma apai biyok bipia deheng bitug hon Danti di tuhan Di Dinyeng Jei Bibor cem Allah di niyaijo cem dinyeng bipia dingon kei drek dip no di mbuk nitug midutti bi. Noro dijoi sut gino noni ttin ser nide sisar leu binhyepo hek tut niyaisi. Je di mben Israel e, ma jimbres jenti leu sisar hagom. Nggon rino jingon llei sut gi jitug ndei nimai i?

MATIUS 6:13

Asindui sut nye ba, ningkwei hanyen tirigi nibiam mun di srou nye au. Noro anyohou nye ba, ningwes ngun leu Bilis de nisindemti. [Lewo Nani ne Nibou Ndig rin ba, nisindemti kin nikei-kau-keisi hagom jo biNa kikau. Igbit ri.]’

LUKAS 10:22

Dicig kes mun nyeng hagom ei dindati tu. Dicig Nongkom kan igbit tut Nipmot ba, Nipmot kan igbit tut Nicig. Gino Nipmot ndo Nicig brei bak tungwatu nya lene yo dima cem mikan igbit tut Noni.”

ROMA 11:33

Allah nisingat tut nye di tungwatuti kei ngat kei! Ningon kiti cem tot buti! Noni kan tut mun nyeng hagom. Bit bon tungwatu nya igyok igyai kep Allah nikos tutti ba, ingon dorti tut Allah niyai kepti nya kan bi!

TIMOTIUS GI NIGOM 6:16

Nongkom niyaijo kikau. Noni ningat rin ei nipigati di sieng-siau kei di bit bon tungwatu nya icem kep kan bi. Hi ngat Noni bou niyai him bi sren lene bit bon hi ngat Noni kikau bi sren. Tungwatu nya yahagom mikon ninyeng ba, Nide nisindemti ug hon nohonti bi sren! Igbit ri.

IBRANI 12:10

Icig bat dihyeisi dini ittem kep nye bit leu ingon kanti mem nijam di imahan bigyo. Noro ma isindui sut Allah bittem nye bipingok kep ingonti lewo gima kei mem nyenti leu binhyepo ingon kwes-kwau noyam kin Noni.