AYUB 36:7 - ALLAH NIHYET MEM TUNGWATU NYA

⁷ Noni nyohou ngig niyai kep yo di ingon gom nya lene bindei ba, inyeng tak kep limwa nya noyam kin nibou ndig nya cem leu api tungwatu nya inggei sut yok bijo ninno bijo kikau.

AYUB 36:7 ပူးပေါင်းရင်းမြစ်များ

NITRITI 23:6

“Andigpoi e, nipai ningon kanti gom bina. Niba nibou di cut bak na di Andigpoi lewo anok nibou di sindem bibor. Gima rino ma atig atnem ningut ei nyende jui nsi gi hi di kei bibor kei bit leu angon kanti hak ug. Bikwop nyeni nahagom ningon llei sut gima nitin ei nyende jui nsi gom mem gima atig atnem ningut eisi.”

NITRITI 41:40

Gima rino dikon nani nok nibou ba, anyeng mitak kep midyai nya ei minu dini hagom. Suar ditde limwa nya yahagom ibit acuk yokti nya hagom. Dangkom dinyeng jei dor njiriek na.

NIBOHON MBEN ISRAEL GI NICAN 16:9

tuhan yok niyai kep tungwatu bidem dihyeisi dini titut yam leu binhyepo kwas Nide nisindemti tut yo di iba ingon gom bibit Noni kikau. Noro aba angon di mbum bibon mun tu. Gima rino hon kep ammani kui lene mporo acut ei nijam nikon pranti kikau.”

ESTER 10:3

Mordekhai di mben Yahudi yai ninyeng di jei ba, noni ne no di ya kui Nibou Ndig Ahasyweros binok nide wakil mem nijam di nibou ndig ninyeng tak kepti ri. Limwa Yahudi nya ingon kei sut Mordekhai ba, ibou cut binoni cem. Noni brim ningkek bibindei ba, nide mben ingwes ngun leu mun di cut igkep yok ba, ibong kei igwam kei cem. Ba, noni yai igbit niyaisi dima tut ide nintun him yamti di bram yam nya cem.

AYUB 1:3

Noni nyeng tut domba nya ningut sribu muhwindacan kin unta nya ningut sribu ningai kin sapi nya ningut sribu gom kin keledai nya ningut sratus muhwi. Nide awak nya cem imang bibor. Gima rino Ayub nyeng tut ndigban nindig bibor dor njiriek yo di nindigsi di ibong ei hanjop bei mpia nipriti nya yahagom.

AYUB 22:29

tuhan cut yo di ikon yonti inyeng noro teu yo di iba ibou coi mem yam bingwes ngun.

AYUB 31:4

Allah kan bidem tut diyai munti nya hagom. Noni ngig niyai kep dimbutti nya hagom.

AYUB 4:7

Ma akan-kan nyen tut gini ug e. Mun di buhun bibor hi cut igkep tungwa di ningon sren tu e?

AYUB 42:12

tuhan bindei ba, Ayub ningon nggei-hi-nggei nindig bibor ei ningwigsi dor njiriek ningon di nggei-hi-nggeisi nipou pima. Tini bu ne noni nyeng tut domba ningut sribu simnaibrimigtai kin unta ningut sribu muhwindagom kin sapi ningut sribu can kin keledai ningut sribu gom.

AYUB 5:11

Noni ne Allah gom ngat di bindei ba, yo di igyai mun mmuti itug ndei inyeng di jei ba, yo di ingon ngguk bibor nya igyai nillei.

MAZMUR 33:16

Nibou ndig bindei timek nide siceu nya bingwig tug hon nide tentara ide nisindemti bi. Bit bon nikon kep pran cig hwen nide siceu tug hon nide nisindemti cem bi.

MAZMUR 33:18

tuhan nyohou yo di ikuk yok biNoni kin yo di iba ingon com ningon ngakei yokti di jo ninno bijo kikau.

MAZMUR 34:15

Suar mbres nonti leu sisar biyai kep niyai munti di kei nya ba, bingon tut ningon jo nyahanti kikau cem.

MAZMUR 34:16

tuhan nyohou yo di ingon sren bingig nitingou mem ighyet tirigi yahara Noni.

MAZMUR 41:12

Gino ditde siceu nya ibindei timek da bi ne midikan tut bipia angon ngakei da.

YESAYA 22:23

Midiyai nide ninyeng jeisi di ngkiem kei bak noyam kin keu nindig di kinai ngug tigti bingkiem kei. Noni rinok nibousi di bindei ba, tungwatu nya minggei sut noni kin nide ig bei nsi nya yahagom a.

ZEFANYA 3:17

Jide tuhan Allah di sindem bibor nyohou je. Joom kep mun nyeng hagom tug hon Nide nisindemti. Ningon nggei-hi-nggei ba, nillei ngwig sut je. Noni ba Nide ningon ngakei jeti biyai niyaijo nijep bije.

TESALONIKA GI NICAN 3:3

Noro Tuhan ningon gom. Noni misindem tut je binyohou je leu No Di Ba Nitok Bak Allah.

PETRUS GI NIGOM 3:12

Lewo Allah nyohou yo di ibit ningon kanti bingig nitingou mem ide nadi. Noro Noni tte tut yo di isibut di ibon mun di mbuk nya.”

SAMUEL GI NIGOM 2:8

Noni kon yo di yuhui mbum nya leu mun di bindei ba, ingon buhun. Noni brim yo di indwau nya leu mun di cut igkep yok leu api bindei ba, ihig isut bit yo di inyeng jei nya leu api igyai inyeng di jei apino hiter inggei sut yok. tuhan ninyeng tak kep cou pmem ei dihyei nikiou nya leu api pai tes mun di jo ei ninjek dip eisi.