AYUB 36:3 - ALLAH NIHYET MEM TUNGWATU NYA

³ Diba ditde nikan tutti di nindig bibor bindo brei bipia No di pai tes da ningon sren-srau.

AYUB 36:3 ပူးပေါင်းရင်းမြစ်များ

AYUB 32:2

Noro Elihu di Barakheel nipmot no ya nyen ei mpia dima. Elihu ntun Bus him binggre kin Ram ninsi de. Gi mbun noni om kep ningon di sibui drek dip Ayub di pai niji ngkiem tut nonti tut ningon srenti binjei kep Allah tut mun di cut igkep noni kan bi.

AYUB 32:8

Noro Allah Di Sindem Bibor de Ninnei he rino yai ningon ki bak tungwatu nya.

AYUB 34:5

Ayub pai ‘Dingon ngun noro Allah kou sut gima kos tut ditde munhyet.

AYUB 37:23

Ide Allah de nisindemti nindig bibor. Isindem mem gima idideu Noni bi. Ningon sren-srau lene ba ningon di gom bibon tungwatu nya bijo ninno bijo kikau. Noni co kep tungwatu nya bi sren.

AYUB 4:17

‘Tou ridem mem gima ba ningon di sren biya ei Allah Noho bei i? Tou ridem mem gima ba ningon di kwes biya ei Nipai Tes Cig Noho bei i?

AYUB 8:3

Allah ba ningon can bikes hukum ei tungwatu dip bi sren. Noni tunggwei sut gi bon mun di igbit bi sren.

MAZMUR 11:7

tuhan singat kei ba, ningon sren-srau. Ningon ngakei yo di ibon mun di kei nya. Yo di ingon sren kei nya mingat tuhan Ningat igbit.

MAZMUR 145:17

tuhan ba ningon di sren kin ningon di nggriu biyai kep Nide midyai nya hagom.

YEREMIA 12:1

tuhan e, gino dikon ditde munhyet bidikes ei Aho bei ne akos tutti nya rino igbit a. Noro suar dihig ser Na tut munhyet di bitut ningon gomti. Nggon rino yo di isibut nya inyeng tut mun di isuar nya hagom i? Nggon rino yo di ingon sren bi nya igyai bipek kep mun di ita ibou eisi i?

DANIEL 9:14

tuhan di nyende Allah e, atin ei hukum mem nye nipou su leu api abindei ba, hukum dima cut igkep nye lewo ayai munti nya hagom igbit ba, sren-srau cem noro nikou sut gi ningig nitingou mem ahyet.

DANIEL 9:7

tuhan e, ayai munti nya hagom igbit. Noro nye di timiei minu Yudea kin minu ndig Yerusalem kin mben Israel di abindei binintek gimahap ug ei ningkiaisi kin minu di dideu nya hagom drek dip ningon gom tut Na bisi lene gima bindei ba, nimmai sut nyenti.

MATIUS 12:42

Tirigi Njap ningwig honti dem lene nibou ndig sop di kwei leu mpia nibiho mikiju bit je di nijam dini leu api mipai kep je lewo noni jo leu nitimieisi ei minu ting bibor kwei lene ngig nitingou mem Salomo di ba ningon di ki bingginau tungwatu nya pima nihyet. Noro nogindini no di ninyeng jei dor njiriek Salomo no rinaha!”

ROMA 9:14

Nirop ninda ndigsi pai mindei binye i? Allah ningon srep e? E bi!

NINDAT KEP TUHAN NICUKTI NYA 32:4

tuhan rinok No di sindem di ya srak ko hagau je. Noni kei-kau-kei ba, ningon sren-srau cem. No di ninyeng tak kep je ningon gom ba, bit bon Noni ris mun kan bi. Niyai munti nya hagom kei bibor kei lewo ningon mang bi.

YAKOBUS 1:17

Mun di kei kin mun di dia-diau nya hagom ntun Allah him bisrek kwei leu Noni. Noni pai tes nipigati nya hagom ei mpia-bbed him. Noni luei ningonti bibindei ba, nidinditi nggai kep tungwatu nya bi.

YAKOBUS 1:5

Gino jigom ningon ki haigtu bi lene ma hara Allah tut leu api Noni miyai ningon di ki bak noni. Lewo Allah singat tut nye biyai ningat di kei ninyeng hagom bak tungwatu nya yahagom tug hon ningondut nyeti.

YAKOBUS 3:17

Noro ningon kiti di srek kwei leu gwamti bindei ba, ingon kwes-kwau bibie leu api ingon jo nyahan cem ingon nggriu cem ingon ngakei tungwatu nya cem ba, ningat di kei ntun nyeni him lene nok kikau. Nimig mbus tungwatu nyati kin ningon canti ntun him bi.

NINGAT-HI-NGAT NYA 15:3

Ba, ipai doia di Allah de awak di Musa pai kin Domba Pmot de doia cem di nibimbiti pai “Allah di sindem bibor e, Ade midyai nya kei bibor kei ba, mindur bibor cem! Na di Nibou Ndig di anyeng tak kep minu nya hagom e, ayai munti nya hagom sren-srau cem igbit cem.