AYUB 36:22 - ALLAH NIHYET MEM TUNGWATU NYA

²² Ma ayok ngon kep bipia Allah ne Allah di sindem bibor ri. Guru di mipbor ngat noyam kin Noni hi ningat rinaha e?

AYUB 36:22 ပူးပေါင်းရင်းမြစ်များ

LUKAS 1:52

Noni njei nibou ndig nya leu ide banggo dip leu api kon yo di tungwatu nya ingwes pri gau yok binyeng jei.

ROMA 13:1

Suar bikwop tungwagom-gom bit nibou pemerinta nya ighyet. Allah Nongkom bindei ba, nibou nya ibindei mbut ide ninyeng tak kepti. Allah ta yok bit leu ningon kanti.

YESAYA 48:17

Je di mben Israel jide Allah di kwes-kwau di teu je ba, jingwes ngun pai “Dani ne jide tuhan Allah ri. Dingginau je tut mun di bon ninyeng mem je ba, di bie tut je kak puig di suar jimbut kak cem.

DANIEL 5:18

Allah Di Ninyeng Jei Bibor ta acig Nebukadnezar nok nibou ndig di ninyeng jei bibor bisindem bibor cem ba, tungwatu nya yahagom ikuk yok bak.

DANIEL 4:32

Tungwatu mijji na ug ei minu ting leu yok leu api abong bit mindhe-ndhe di tungwatu nya ipijuk bi nya. Ayem mintu-minta dem kep nok sapi nya kikau mem ari bingwam muhwindacan. Gima leu api angon hukti bipia Allah Di Ninyeng Jei Bibor sindem tut nibou ndig nya bitut ide ninyeng tak kepti nya hagom ba, Nongkom he rino ta nibou nya bit leu Nonti ningon kanti.”

DANIEL 4:25

Tungwatu mijji nani ug ei minu ting leu yok leu api abong bit mindhe-ndhe di tungwatu nya ipijuk bi nya. Ayem mintu-minta dem kep nok sapi nya ba, abong bas hak. Nggou kui nati cem kikau mem ari bingwam muhwindacan. Mpe dima lene angon jo kep bipia Allah Di Ninyeng Jei Bibor sindem tut nibou ndig nya bitut ide ninyeng tak kepti nya hagom ba, Nongkom he rino ta yok bit leu Nonti ningon kanti.

YEREMIA 31:38

tuhan pai “Ei nidipti bu ne tungwatu nya miwin Ditde minu ndig Yerusalem hanyen ei ig di bon ninggre di jo-jo yam dip di ninyeng Hananeel ei nungug tig dip kikau ug bipek kin Dimbou Pmem Huisi ba,

YESAYA 54:13

Ade limwa nya yahagom minok munggwom di icoi pikor leu api dingginau yok. Yoni minyeng tut mun di bindei ba, ibong kei igwam kei.

YESAYA 14:5

tuhan bindei ba, nibou ndig di isibut nya ide nisindemti kin inyeng njeisi kes hon tu.

MAZMUR 94:12

tuhan e, yo di angginau yok tut Ade niggai serti nya ingon llei bibor.

MAZMUR 94:10

Noni rino ngginau ngkiai nya. Bit bon Noni kes hukum ei yok dip kan bi e? Noni ne guru mem yo dima yahagom ri. Bit bon Noni ningon dorti tut mun nyeng hagom kan bi e?

MAZMUR 75:7

Lewo hukum di micut igkep tungwatu nya mikwei leu mpia nipriti kin mpia nicutti bi. Mikwei leu mpia nijjai kin mpia nibiho cem bi.

AYUB 35:11

Lene yahara No di yai ningon di ki biyok dor njiriek gi Noni yai bak ha nya kin mindhe-ndhe nya ei dihyeisi dini cem bi.

YOHANES 6:45

Bit leu nok gi ipas ei Srat Nabi nya nibokti ‘Allah ngginau tungwatu nya yahagom ingonti.’ Bikwop no di miap Dicig nihyet biningon dorti tut ne no dima nggre kin Da.

AYUB 21:22

Bit bon tungwatu nya ingginau Allah kan bi. Noni rino mbus Nide awak di ingat rin ei gwamti nya ingonti.

AYUB 33:12

Ayub e, angon kanti dima tunggwei bibor. Lewo Allah nindig njiriek tungwatu leu gi simbot kep mun nyeng hi bit tungwatu nya.

MAZMUR 25:5

Angginau da ba, abie tut da cem leu binhyepo didimig diyaijoti bit leu angon kanti mem da. Lewo Nani ne Allah di teu da bidingwes ngun leu ditde siceu nya ri. Diba dingon com Na kikau.

MAZMUR 119:102

Disindui sut Ade nipingok dati nya bi lewo Nangkom ne guru di bie tut da ri.