AYUB 36:10 - ALLAH NIHYET MEM TUNGWATU NYA

¹⁰ Noni wit huk yok leu binhyepo imiap kep nisok kep yokti ba, ikes hon ide nisibutti.

AYUB 36:10 ပူးပေါင်းရင်းမြစ်များ

MATIUS 3:8

Ma jiba jiyai munti bindo bipia jittin ser jide sisar bijikiek ndam Allah tu.

AYUB 36:15

Allah ba ninghuisi wei bingginau tungwatu nya. Noni ba mun di buhun biyai ningon huk niti biyok cem.

YESAYA 50:5

tuhan yai ningon di dorti bida. Ditte tut Noni bidiba dingha bak bi.

YESAYA 48:17

Je di mben Israel jide Allah di kwes-kwau di teu je ba, jingwes ngun pai “Dani ne jide tuhan Allah ri. Dingginau je tut mun di bon ninyeng mem je ba, di bie tut je kak puig di suar jimbut kak cem.

NIBOU NDIG NYA GI NICAN 17:13

tuhan pinak Nide awak nya kin Nide nabi nya cem ndam limwa Israel kin timiei Yehuda nya leu binhyepo isok kep yok “Ma jikes hon jibon munti di kinei nya lene ma jibit dicuk jeti nya kin dikos tutti nya di diyai bak jidigup bat-jidigai bat nya ba, diyai bak jeni cem tug hon Ditde awak di nabi nya dima.”

YAKOBUS 4:8

Ma jidideu Allah leu api Noni dideu je. Je di jingon rom e, suar jipiap jinda leu ba, je di jingon mang e, suar jipindi jingon bikwes.

KISAH 17:30

Allah ba niyai ngat nijam ndi po tungwatu nya ingon mbum pima. Noro tini bu ne Noni cuk tungwatu nya ‘Ma yahagom ittin ser ide sisar bikiek ndam Allah hak.’

KISAH 16:14

Lidia di sop gom leu minu ndig Tiatira no rima bintu kep nihyet di nitri tut biyok. Sop dini tri minyas nghei nta di nibok kui bipek mitiei ba, kuk no kikep bak Allah cem. Tuhan bindei ba, Lidia ningon llei sut Paulus nihyet leu api ningon jo kep.

KISAH 3:19

Gima rino disut bat jen, ma jittin ser jide sisar bijikwei hanyen ndam Allah leu binhyepo Noni ciu ser jide sisar.

HOSEA 14:1

Midikes hukum ei mben Samaria dip drek dip gi ikiek imig jou tut Da. Timiei minu dima ikon pran noro mitug ndei nimai. Ide siceu nye minjei ningwoi-ngwoi nya hagom ug ei pimbien behei bimai leu lene iriu sop di inghop tu nya yahagom ba, inghop tigwau bitau ug.”

YESAYA 48:8

Dikan tut bipia bit bon hi ba ningon com je bi. Lewo habiei ei nimbie him yahagom ikan tut bipia jinok yo di itunggwei sut yam hyet. Gima rino jigikan tut bi a. Nihyet ninnir ndia gom cem gitibim ei jitingou nsi bi sren.

MAZMUR 40:6

tuhan e, abon mindur nya mang bibor mem nye tu. Nyende tuhan Allah e, hiter inyeng jei sur anyeng kan bi! Atin ei angon kanti di mindur mang bibor mem nye tu. Bit bon dikwop mun di mindur dima yok nimangti kan bi.

AYUB 36:21

Ma asok kep nanti ser nhyema aba angha bak nihyet ba, aham ambuk kep au. Lewo Allah ba ninghuisi wei dima bibindei ba, akes hon ade nibon munti di kinei.

YUNUS 3:8

Ma tungwatu nya kin mindhe-ndhe nya cem yahagom ijuk sinsun kron leu api yuhuk nadi bak Allah bikiek leu igyai munti di kinei bibor nya bittin ser ide sisar cem.

ZEFANYA 3:7

Dikan ‘Nogindini Side limwa nya ibou cut biSa leu api iba ibou coi mem sipingok yokti bibit leu api igyok ngon kep mun nyeng hagom di sibingginau yok nya.’ Lo, ningat ne ibrim ingkek tut ide nibon mun di kinei biborti bidor tunggwei igyai munti di nipou nya bu.