AYUB 35:11 - ALLAH NIHYET MEM TUNGWATU NYA

¹¹ Lene yahara No di yai ningon di ki biyok dor njiriek gi Noni yai bak ha nya kin mindhe-ndhe nya ei dihyeisi dini cem bi.

AYUB 35:11 ပူးပေါင်းရင်းမြစ်များ

MAZMUR 94:12

tuhan e, yo di angginau yok tut Ade niggai serti nya ingon llei bibor.

AYUB 36:22

Ma ayok ngon kep bipia Allah ne Allah di sindem bibor ri. Guru di mipbor ngat noyam kin Noni hi ningat rinaha e?

AYUB 32:8

Noro Allah Di Sindem Bibor de Ninnei he rino yai ningon ki bak tungwatu nya.

NITRITI 2:7

Mpe dima lene tuhan Allah kam dihyei ndung poi mien ba, op nok tungwatu leu api hi ninnei di bindei niyaijo ei nuhwap nsi apino tungwatu dima yai niyaijo.

NITRITI 1:26

Lene Allah pai bu “Nogindini ma ipai tes tungwatu nya noyam kin nyeni ba, idat nyeti. Leu binhyepo inyeng tak kep wau nya kin ha nya kin mindhe-ndhe nindigsi nya hagom. Gi hi di tungwatu nya ighyen kep kin gi hi di ibong bigbehei nya kin gi nindig nya kin nimien nya cem hagom.”

MATIUS 6:26

Ma jingat ha di idimba-dimba nyen nya di indim njita ngan bigyai njita ngat kwei binju hagom ei igudanti bi. Mbro nok gima lo, Jicig ei gwamti nyohou yok! Jibok kak bibor dor njiriek ha dima yok bu.

AYUB 21:22

Bit bon tungwatu nya ingginau Allah kan bi. Noni rino mbus Nide awak di ingat rin ei gwamti nya ingonti.

MAZMUR 94:10

Noni rino ngginau ngkiai nya. Bit bon Noni kes hukum ei yok dip kan bi e? Noni ne guru mem yo dima yahagom ri. Bit bon Noni ningon dorti tut mun nyeng hagom kan bi e?

YEREMIA 32:33

Mbro nok gino dingginau yok bijo ninno lo, igimiap kep dihyet ba, ingon guhuk niti cem bi. Apino iba inghim biDa.