AYUB 34:29 - ALLAH NIHYET MEM TUNGWATU NYA

²⁹ Gino Allah kos tut bipia Noni migwam bimmou hak bibon mun nyeng hi bi lene bit bon tungwa dima ba nihyet yai Noni kan bi. Gino ku niimaisi leu yok lene bit bon tungwa hi dima ngat Noni kan bi.

AYUB 34:29 ပူးပေါင်းရင်းမြစ်များ

YESAYA 26:3

tuhan e, ayai ningon kwes kin yamti bak yo di ingon nddong lewo iba ingon com Nani.

AYUB 23:13

Allah giluei ningonti bi sren. Bit bon hi di hwen bit Allah kan bi. Noni bon mun bit leu Nonti ningon kanti.

YOHANES 14:27

Diyai ningon di jo nyahan bije. Ningon di jo nyahan dima ne Ditde rin ba, dikwas ndrim hi tut je. Ningon di jo nyahan di diyai bije noyam kin ningon di jo nyahan di tungwatu dihyeisi dini igyai bije bi. Ma jingon bos-bos nyen ba, jingon digit cem au.

YESAYA 32:17

Tungwatu nya igyai munti di igbit hagom mibindei ba, yahagom ingon kwes kin yam ba, ibong kei igwam kei.

MAZMUR 27:9

ma aku Nanti nyahan leu da au. Anghek da ba, akou sut da cem au. Lewo Nani rino ampu da. Allah e, ateu da leu sisar ba, ayai niyaijo nijep bida tu. Gima rino ma akes da ei au.”

FILIPI 4:7

Gima mibiyai ningon di jo nyahan di kwei leu Allah di bit bon tungwatu nya ingon dorti tut kan bi ya bingkiem ser jingonti kin jibou ngwakti di nok gom kin Kristus Yesus.

YEREMIA 27:8

Gino ngkiai nya hi kin nibou ndig hi miyoom yok bak Nebukadnezar bi lene midiba pran kin ninggum kin nsuwer ajar bikes hukum ei yok dip kikau bibou mben dima yoom yok bak ug e.

MAZMUR 143:7

tuhan e, abipbur ba, abuhup dihyet lewo dingon wei bibor. Ma aku Na bijo nding leu da au. Leu gi nok ne didem kep yo di ijuk ug ei minu nimai ide.

MAZMUR 30:7

Mpe di po dibong kei digwam kei lene dikan “Hi di mibindei timek da bi!”

MAZMUR 13:1

Doia Daud mem no di bie tut doia nimpung

AYUB 12:14

Bit bon hi ngot mun di Noni nggek bingwig hanyen kan bi. Bit bon hi kwek no di Noni bindei sima hanyen leu ig bui nsi kan bi.

SAMUEL GI NICAN 7:1

Mpe dima lene Nibou Ndig Daud bong kei gwam kei ei nide ig nibou ndig ba, tuhan cuon niyaisi binyohou noni leu nide siceu nya yahagom cem.

AYUB 34:28

Yo dima ibindei ba, yo di yuhui mbum nya yahara Allah leu api Noni miap ide nahara Noti.

AYUB 34:30

Noni dimig yo di ikou sut Noni ei bibindei ba, ide limwa nya israwir. Ba, Noni ta yok binok nibou ndig nya di inyeng tak kep tungwatu nya.

MAZMUR 94:13

Abindei ba, ingon jo nyahan mpe di yuum mun di buhun kikau bibou atig jui mem yo di isibut nya ug e.

NEHEI LEUSI 33:14

Lene tuhan buhup “Midinyohou nani leu binhyepo anyeng mitak kep minu po dipreu sut ei su pima.”

SAMUEL GI NICAN 7:11

Mbro nok gino didimig nibou nya di ibie tut yok ei apino yo di isibut nya ihwen bit yok kikau kwei bipek ammani kep lo, midicuon ser ayaisi lene midibindei ba, ade nintun him di bram yam nya imang bibor cem.

NIBOHON MBEN ISRAEL GI NICAN 20:30

Gima rino Yosafat ninyeng tak kep mem nijam di mpia mbum-bra dima. tuhan bindei ba, timiei Yehuda nya ibong kei igwam kei bidem minu di Yosafat ninyeng tak kep nisurti-nipekti hagom.

MAZMUR 94:10

Noni rino ngginau ngkiai nya. Bit bon Noni kes hukum ei yok dip kan bi e? Noni ne guru mem yo dima yahagom ri. Bit bon Noni ningon dorti tut mun nyeng hagom kan bi e?

YEHEZKIEL 34:15

Midibon Danti bidinok gembala mem Ditde domba nya. Miditin ei mpia ttou nsi mem gima ibong kep inghuisi eisi. Da di tuhan Di Dinyeng Jei Bibor disimbot dat tu.