AYUB 34:21 - ALLAH NIHYET MEM TUNGWATU NYA

²¹ Allah nyohou ngig niyai kep tungwatu nya igyai munti nya bingat bidem imbutti-igwamti hagom.

AYUB 34:21 ပူးပေါင်းရင်းမြစ်များ

NIPINGOK NINGONTI 15:3

Mun di pek kep bidem mpia ttou nsi hagom jo nibreisi bou tuhan niyai him. Noni yok ngon kep niyai munti di kei kin gi kinei nya hagom.

AYUB 31:4

Allah kan bidem tut diyai munti nya hagom. Noni ngig niyai kep dimbutti nya hagom.

YEREMIA 16:17

Dingat mun nyeng hagom di ibon nya bou diyai him. Hi di jo nding leu Da bi. Dingat ide sisar nya tu.

NIPINGOK NINGONTI 5:21

tuhan ngat bidem tungwatu nya igyai munti nya hagom. Noni ngig niyai kep imbutti nya hagom.

YEREMIA 32:19

Angon kanti di akos tut ei nya bibon ninggap leusi ba, Ade nibon munti nya mindur. Angat bidem mun nyeng hagom di tungwatu nya ibon ba, abirop biyok dem igbit ide nibon munti nya.

MAZMUR 139:23

Allah e, anggok tut dingon mien. Ambus dingonti ba, asigbou da cem leu binhyepo angon dorti tut dingon kanti nya.

NITRITI 16:13

Lene Hagar hig ningon eisi bikan “Singat Allah bou siyai him tu lo, simai bigyo!” Gima rino noni jem tuhan di mbrap bit noni pima ninyeng Allah Di Ngig Niyai Kep Da.

YEREMIA 17:10

Da di tuhan rino diput ser tungwatu ingonti nya. Dibingon mun di jo ingon bei cem. Dibirop bak tungwatu nya bit leu igyaijoti. Dibibon yoni bit leu igyai munti di igyai kep nya.”

MAZMUR 34:15

Suar mbres nonti leu sisar biyai kep niyai munti di kei nya ba, bingon tut ningon jo nyahanti kikau cem.

NIBOHON MBEN ISRAEL GI NICAN 16:9

tuhan yok niyai kep tungwatu bidem dihyeisi dini titut yam leu binhyepo kwas Nide nisindemti tut yo di iba ingon gom bibit Noni kikau. Noro aba angon di mbum bibon mun tu. Gima rino hon kep ammani kui lene mporo acut ei nijam nikon pranti kikau.”

AMOS 9:8

Da di tuhan Di Dinyeng Jei Bibor diyok diyai kep je di mben Israel di jibon sisar leu api midibindei ba, jitimek bijingwig leu dihyei njek dip. Noro dibindei ba, yo di intun Yakub him yahagom imai bingwig bi. Da di tuhan disimbot dat tu.

AYUB 10:4

Angig ayai kepti noyam kin tungwatu ingig igyai kepti bi.

AYUB 11:11

Allah ngat igbit yo di iris mun igkei nya ba, ide nibon mun di kinei biborti jo nding leu niyai him bi.

AYUB 13:16

Hi rima gi dibrim dingkek biduug ndam Noni dima mibindei ba, dingwes ngun lewo ningat ne no di sibut mibrim ningkek buug ndam Allah bi.

AYUB 14:16

Mpe dima lene mporo ma anyohou da kak dimbutti nya hagom lo, akwop kep ditde sisar nya bu bi.

AYUB 24:23

Mbro nok gino Allah sindui sut ba, no di sibut bong kei gwam kei lo, Noni ngig niyai kep yok bijo kikau.

MAZMUR 33:15

Noni pijuk yahagom ingonti biyai nisindemti biyok leu binhyepo ikan-kan nyen. Noni kan bidem tut igyai munti nya hagom.

YEREMIA 23:24

Bit bon hi ku no nyahan nding leu diyai him kan bi. Lewo dingat rin ei gwamti kin dihyeisi dini cem nisurti-nipekti.