AYUB 32:8 - ALLAH NIHYET MEM TUNGWATU NYA

⁸ Noro Allah Di Sindem Bibor de Ninnei he rino yai ningon ki bak tungwatu nya.

AYUB 32:8 ပူးပေါင်းရင်းမြစ်များ

NITRITI 41:38

Leu api Firaun pai biyok “Bit bon inggok bingat no di ningon ki dor njiriek Yusuf kan bi lewo Allah Ninnei bie tut noni.”

NITRITI 41:39

Gima rino Firaun pai bak Yusuf “Allah mbot kep tut mumpriem dini hagom bina tu. Jo nibreisi bipia angon ki ba, angon gom dor njiriek yo di nindigsi nya yahagom.

NIBOU NDIG NYA GI NIGOM 3:12

Gima rino midibuhup ade nahara Dati. Midibindei ba, angon ki ba, antin kimbo dor njiriek tungwatu nya di igyaijo ei nijam di nipou kin nijam di nidipti bu cem.

NIBOU NDIG NYA GI NIGOM 3:28

Tirigi mben Israel imiap tut notou Salomo kos tut munhyet di buhun dima lene yahagom inggap leu nindig bibor. Jo nibreisi mem yok bipia Allah yai ningon di ki bak Salomo leu binhyepo ba ningon di sren kei bikos tut munhyet nya.

NIBOU NDIG NYA GI NIGOM 4:29

Allah bindei ba, Salomo ningon ki ba, kan tut mun nyeng hi di mipbor ngat nya cem lene ningon hukti di jut bibor. Bit bon tungwatu nya inai ningon kiti ninyanti kin nijeisi kan bi.

NIBOU NDIG NYA GI NIGOM 5:9

Yoni mibei buom ut dima leu Libanon kikau ug bipek muk nintig dip leu api mingot kin yam nok arreren ei muk ngwa dip leu binhyepo ibri bigwam dip lene itig minyei tut kikau ug ei muk nuhuisi di ando binye. Tirigi yoni yuug krau mpia dima bikwek kuk leu buom arreren ut dima lene ade limwa nya mikinyon ei midyai nimbut tutti. Diba dingon com na di Andigpoi tut njita mem ditde limwa nya igyem mem nijam di impu na di Andigpoi.”

AYUB 12:16

Allah sindem ba, mimbri kui ningkek apino bindei cut Nide siceu nya! No di ris mun igkei kin no di cut bak no di ris pima yahacem ingat rin ei Allah ninda behei.

AYUB 27:3

ninyeng bipia ei nijam di Allah yai dinnei leu da bigyo yo di dinnei no jo da him yo dini,

AYUB 33:16

Noni bidip huk yok leu binhyepo ingig itingou mem nihyet apino idrui sut bikiju.

AYUB 33:4

Allah de Ninnei pai tes da ba, No Di Sindem Bibor hi ninnei ei dihwap nsi.

AYUB 35:11

Lene yahara No di yai ningon di ki biyok dor njiriek gi Noni yai bak ha nya kin mindhe-ndhe nya ei dihyeisi dini cem bi.

AYUB 38:36

Tou ritri tut tto bou mem Minyei Nil su nindig bibor bak ha ibis i? Tou ritri tut tto bou mem mpia nibut kweisi bak hacig i?

NIPINGOK NINGONTI 2:6

tuhan Nongkom kwas ningon kiti kin nintin kimboti kin ningon di dor niti tut tungwatu nya.

NIPINGOK NINGONTI 20:27

Ningon mien ne ninjeng di tuhan pai tes ei mem gima piga digai ningon kanti nya hagom ri.

NIBA NINGON SRIP HUKTI 2:26

Allah yai ningon kiti kin nintin kimboti kin ningon nggei-hi-nggeisi bak no di pwoi Allah ningona. Noro Noni cuk yo di ibon sisar nya igyai midyai ba, inggok njita bigyai ningat keyam kui ig gudan mem gima ikes bak no di pwoi Allah ningona. Gima hagom ne mun di bit bon dingon dorti tut kan bi rin ba, dem kep nok niyon igkep hou nimig.

YESAYA 28:26

Noni yai midyai dima kan lewo nide Allah ngginau noni.

DANIEL 1:17

Allah bindei ba, pinai pilei ibou bitai dima ingon ki tut mun nyeng hagom. Noni bindei ba, Daniel ne nimbot kep ningat-hi-ngat cig kin mumpriem cig ri.

DANIEL 2:21

Ninyeng tak kep bed di biang hou kin bed di biang mpia ngeisi cem kin nijam nya hagom cem. Noni ta nibou ndig nya leu api cug inyeng di jei hanyen leu yok. Nongkom bindei ba, tungwatu nya ingon ki ba, ingon dorti.

KORINTUS GI NIGOM 12:8

Allah Ninnei yai nisindemti hi bak tungwagom leu binhyepo tungwagom dima ba ningon di ki bitri tut nihyet. Allah Ninnei gom ndia yai nisindemti hi bak tungwa hiter bu leu binhyepo tungwa hiter dima ba ningon di dorti bindim ningan bram.

2 TIMOTIUS GI NICAN 3:16

Allah nihyet titut yam tibim kwei leu Allah niji him ba, bon ninyeng mem gima bingginau tungwatu nya tut nijit-jausi kin nisok kep tungwatu nya tut sisarti kin nimbus tungwatu ingonti tut igyai munti di tunggwei nya kin nipingok tungwatu nya ingonti tut igyai munti di kei bibor nya.

YAKOBUS 1:5

Gino jigom ningon ki haigtu bi lene ma hara Allah tut leu api Noni miyai ningon di ki bak noni. Lewo Allah singat tut nye biyai ningat di kei ninyeng hagom bak tungwatu nya yahagom tug hon ningondut nyeti.