AYUB 32:6 - ALLAH NIHYET MEM TUNGWATU NYA

⁶ bipai biyok “Dani ne pilei he yo noro jeni ne ndigpoi su. Gima rino apo dipai dingon kanti bi lewo didigit tut je ba, dihig dingon nyen cem.

AYUB 32:6 ပူးပေါင်းရင်းမြစ်များ

AYUB 12:12

Ipai bipia ningon ki no jo bak andig-ndau nya. Noro ningat ne ningon ki kin nisindemti no jo bak Allah Nongkom he. Ipai bipia ningon dor niti no jo bak yo di ide njap ug ninno tu. Noro ningat ne ningon dor niti kin nisindemti mem gima yai nibou tut mun nyeng hagom no jo bak Allah he!

AYUB 15:10

Niyai ningon ki leu ndigpoi di ibou tiei nya di ingat rin ei nipou tirigi acig srek bigyo.

AYUB 15:7

Akan bipia nangkom he rino tungwatu nimbie him ngat di apmem srek tut na e? Angat rin bit Allah ei mpe di po Noni pai tes nungug him nya e?

AYUB 32:2

Noro Elihu di Barakheel nipmot no ya nyen ei mpia dima. Elihu ntun Bus him binggre kin Ram ninsi de. Gi mbun noni om kep ningon di sibui drek dip Ayub di pai niji ngkiem tut nonti tut ningon srenti binjei kep Allah tut mun di cut igkep noni kan bi.

AYUB 32:5

Tirigi noni ngat lo, bit bon ibou ningai pima ibuhup Ayub nihyet kan bi lene ningon sibui sut bibor,

AYUB 34:1

Apo jingon tek ba, jingon ki cem bi e? Lene ma jintu kep dihyet.

AYUB 35:1

Ayub e, gino apai sut nanti bipia angon ngun ei Allah niyai him ne akiowi ei niti yo.

AYUB 36:1

Ayub e, mun di dimbrap tut no rinaha yo. Aom angon ba, angig atingou mem dihyet mbigom bu lewo diya hacan mem Allah.

IMAM NYA IDE MIDYAI 19:32

Suar jibou cut bak andigpoi nya bijikon inyenga. Suar jikuk je biDa ba, jingon digit tut Da lewo Dani ne tuhan bidinok jide Allah ri.

ROMA 13:7

Gima rino ma jirop ningwam di jibon biyok. Gino idahat je tut belasten ninyeng hi gom hi gom ne ma jigo belasten biyok. Ma joom jenti mem yo di inyeng jei nya bijikon inyenga.

TIMOTIUS GI NIGOM 5:1

Ma ahyet hwen bit andig-ndau nya ingonti au. Noro ma ambus ingonti dem kep nok ambus acig ningonti. Ma abibon pinjoi pilei nya dem kep nok akinjoi bat nya.

TITUS 2:6

Nok gima cem ma asok kep pinai wak cam nya leu binhyepo ingon nddong.

PETRUS GI NIGOM 5:5

Je di pinai pilei nya e, ma jibou cut bak andigpoi nya. Ma Allah de limwa nya yahagom iba ibou coi mem yam ba, inok awak mem yam. Bit leu nok gi ipas ei Allah nihyetti “Allah hwen bit yo di ingon jei nya noro singat tut yo di iba ibou coi mem yam.”