AYUB 31:7 - ALLAH NIHYET MEM TUNGWATU NYA

⁷ Gino disrawir leu puig di igbit cem diba doho rok mun di kinei cem sisar di nok map kui dindati cem lene,

AYUB 31:7 ပူးပေါင်းရင်းမြစ်များ

AYUB 16:17

Noro diba nisibutti bibon mun hi bi. Jo nibreisi bipia diba dingon sren bingat nadi bak tuhan.

AYUB 17:9

Yo di ipai sut yonti bipia isingat kei ba, ibon mun di igbit nya ingon hukti bipia igyai munti bipwoi Allah ningon bikum eisi kikau ba, iji ngkiem tut.

AYUB 23:11

Diba dingon gom bibit nihyet kikau. Dikriek leu Nide puig di kos tut ei mem da bi sren.

AYUB 27:5

Midipai ei duhui him bipia jibuhup bidati pima igbit bi sren. Midikrau kep dingon srenti kikau ba, duug bimai kep.

AYUB 27:6

Dimpig bou kep dingon srenti leu api midiluei dingonti tut hanyen bi sren. Dingon mien cem pwoi-pwau bikwop njap ngwa hagom.

AYUB 9:30

Bit bon sabun tibim tut ditde sisar di dibon nya kan bi!

MAZMUR 101:3

Midiba diyai ngat mun di kinei bi sren. Dingon mpo tut yo di ingkwei kep inghim dip hanyen ide nibon munti nya. Dikou sut gima ide mun di kinei rap dani cem a.

MAZMUR 7:4

Ditde tuhan Allah e, gino dingon koi ba,

NIBA NINGON SRIP HUKTI 11:9

Na di pinjoi pilei yo e, ma angat angwes ei nijam di apileiti! Ma ayai nillei mem nijam di apileiti. Ma abit ade ningon joi sutti nya kin mun di kei di ayai ngat nya hagom. Noro ma ayok ngon kep bipia Allah di ningat rin ei gwamti mimbus angonti drek dip ade ningon joi sutti kin ayai munti nya hagom.

YESAYA 33:15

Noro bon jingwes ngun gino jitri tut mun di nijit ba, jiyai munti nya hagom igbit. Ma jiris mitiei leu yo di yuhui mbum nya au. Ma jice tut hiter ngot kep je au. Ma jiyok jingon gom bit nihwen kep mun cig nya kin yo di ibon mun di sibut nya au.

YEHEZKIEL 14:3

“Na di tungwatu di ayaijo kikau bi e, yo dini ikuk yonti bak kwar nya apino icut ei sisarti tu. Leu api nggon rima ihig ser Da i?

YEHEZKIEL 14:7

Bikwop mpe dino mben Israel gom e, he ngkiai hi di bong timiei ei mben Israel ikieti gom mbres nonti minu ting leu Da bikuk no bak kwar nya leu api hara nabi hi mem gima pingok ningonti lene Danti midibuhup no dima nihyet.

YEHEZKIEL 6:9

ibong ei ingkiaisi. Tirigi igwam ei ingkiaisi lene yoni migyok ngon kep Da bingon huk niti bipia dikes hukum ei yok dip ba, dibinim kep yok cem drek dip gi ingon gom tut Dani bi ba, iba inghim biDa lene iba kwar di ikuk yok bak nya biluei Da cem. Leu api ingon him wei sut yonti njem hanyen tut mun nyeng hagom di kinei bibor kin gi suwok bibor di ibon tu nya.

MBEN ISRAEL IMBUT-MBUT NYEN 15:39

Sinsun bou mbu dima ne mun nibiyok ngon kep ri. Bikwop mpe di jingat gima yok lene ma jiyok ngon kep dicuk jeti nya hagom ba, jiyai igbit. Tug hon nisinati dima mijibbwe ser Dani leu ba, jibit jenti jingon kanti kin jingon pri kepti nya bi.

MATIUS 5:29

Gino jiyai igdo hi bindei ba, jicut ei sisarti lene ma jiket jiyai njep dima leu ba, jicom ug! Gi kei rino jingut ninggre hi sar hak leu gima jingut titut yam sar ei hum njengti a.