AYUB 30:25 - ALLAH NIHYET MEM TUNGWATU NYA

²⁵ Apo dipim tut yo di yuum mun di buhun bibor bi e? Apo dingondut yo di imati kin igyemti dem bi nya bi e?

AYUB 30:25 ပူးပေါင်းရင်းမြစ်များ

ROMA 12:15

Ma jiyai nillei bit yo di ingon llei nya ba, jingon ngguk bit yo di ingon ngguk nya.

YEREMIA 13:17

Gino jikou sut nimiap kep dihyetti ne midipim mmuti. Diba ningon di ngguk bibor bipim tut jide ningon jeisi dima. Diyai nggwei mikibor drek dip siceu nya di ikat tuhan de limwa nya bikri yok ug ei ingkiaisi.

KORINTUS GI NICAN 9:9

Bit leu nok ipas ei Allah nihyetti, “Allah njei munkwas bak nuhui mbum nya ba, nisingat tut tungwatu nyati jo ninno bijo kikau.”

YOHANES 11:35

Lene Yesus cem pim kep Lazarus.

LUKAS 19:41

Tirigi Yesus ttau dideu Yerusalem bicap minu ndig dima lene Noni pim biniyai nggwei kibor tut,

DANIEL 4:27

Gima rino na di Andigpoi e, ma ace tut ba, abit dipingok nati. Abon sisar bu au. Noro ma aba angon di kwes biyai mun di kei-kau ba, angondut yo di yuhui mbum nya cem. Mpaba tug hon nisinati dima ne mporo ma abong kei agwam kei bijo ninno.”

YEREMIA 18:20

Niba gi kinei birop niyai munti di kei ne igbit rin e? Noro yo dima itig ndep jui ser da ba, imem kep ser nituti tirigi dicut eisi. Ma akan kep mpe di dimbrap bit Na bidiya hacan mem yok ser nhyema Ade ningon sibui bibor tut yokti micut leu yok.

NIPINGOK NINGONTI 28:8

No di nyeng tut mitiei nindig bibor tug hon gino kak tut tungwatu nya ba, suar ikum ei mitiei nibitug nindig biborti lene no di ngondut nuhui mbum nya miba nokep no dima nide mitiei hagom.

NIPINGOK NINGONTI 19:17

Gino angondut nuhui mbum nya ba, ampu yok lene gima nok ade ningwam di jo bak tuhan. Noni mirop ningwam dima hanyen bina.

NIPINGOK NINGONTI 17:5

No di ba yo di yuhui mbum nya bikek nim kep Allah di pai tes yok. No di ningon kei kep hiter tut mun di buhun bibor di cut igkep yok nya mitug ndei hukum.

NIPINGOK NINGONTI 14:31

No di ngondut nuhui mbum nya kuk no bak Allah noro no di hwen bit nuhui mbum nya nihyet tigut Allah di pai tes yok nya.

NIPINGOK NINGONTI 14:21

Gino ajoi sut angon di nggei-hi-nggei lene ma angondut yo di yuhui mbum nya leu gino angwes om kep yok lene sisar ntun him.

MAZMUR 12:1

Doia Daud mem no di bie tut doia nimpung di ibrim leu doia gi nimuhwindaningai.

AYUB 24:4

Ibigen ser ba, nuhwap mbum nya itug ndei mun di suar itug ndei nya bi. Igyai munti dima bindei ba, nuhui mbum nya inang biku yok.

AYUB 29:12

Lewo dimpu kep nuhui mbum nya tirigi itindei dindati tut munkwas bidimpu kep moibihi nya di bihi ingondut yok bi cem.

AYUB 29:16

Dibon danti bidinok yo di yuhui mbum nya icig lene dimbrap gau mben ngkiai cem.

AYUB 31:31

Ditde awak nya di igyai midyai mem da yahagom ikan tut bipia dicigit ngkiai nya kui ig bit leu nok diyai kepti.