AYUB 29:3 - ALLAH NIHYET MEM TUNGWATU NYA

³ Noni mpu kep dani bikwop mmun-njap. Mpe di dimbut mem nidinditi lene nide nipigati piga digai dimbutti nya.

AYUB 29:3 ပူးပေါင်းရင်းမြစ်များ

AYUB 11:17

Ade niyaijoti mipiga kei dor njiriek mpia huk pijum nipigati. Nijam di ade niyaijoti wer dindi-kai mipiga dem kep mpia di pri mem njap tekti.

AYUB 18:6

Ninjeng di piga ei yo di isibut ide prak mengti midindi ba, mini njeng di piga digai ninsi ninjeng mipiga bu bi.

AYUB 21:17

Apo yo di isibut nya imai urung ba, mun di buhun bibor hi cut igkep yok tu e? Apo Allah ba niggati bikes hukum ei yok dip cem tu e?

AYUB 22:28

Ningat mang bibor mintun him ade midyai di abrim angkek tut nya kikau ba, nipigati mipiga digai ambutti nya hagom.

MAZMUR 112:4

Nipigati piga ei nidinditi mem no di singat kin ningon sren cig kin ningondut cig kin ningon ngakei cig.

MAZMUR 18:28

Ateu yo di yoom kep ingonti bingwes ngun noro acut yo di ingon jei nya.

MAZMUR 18:29

Ditde tuhan Allah e, atin ditde mini njeng binjeng kei ba, Ade ninjeng piga ditde nidinditi.

MAZMUR 23:4

Mbro nok gino dikes da kak puig di dindi-kai lo, mididigit tut bi lewo Na di tuhan angat rin bit da. Aya srak ko hagau da noyam kin gembala di ba tom kin biap tindak binyohou domba nya.

MAZMUR 27:1

Doia Daud. tuhan ne nipigati di piga digai da kin No di teu da leu sisar biyai niyaijo nijep bida cem ri. Gima rino dittin tut tungwa hi bi. Noni ne tentara nibousi di diya coi. Gima rino dinghuisi mpig sut mun nyeng hi bi sren.

MAZMUR 4:6

Ma jibui mindhe-ndhe bijindig ei nimbar hum dokti nok gi igbit ba, jibikuk je bak tuhan. Ma jiba jingon com Noni.

MAZMUR 84:11

Gino dicem kep Ade Ig mem njap gom ngat he lene gima kei dor njiriek gi dingat rin ei mpia ttou nsi hiter mem mmun-njap sribu gom a. Dijoi sut gi di ya ser dimbou pmem ei Allah De Ig leu gima dibong kei digwam kei bit yo di isibut nya.

NIPINGOK NINGONTI 13:9

Yo di ingon sren nya inok njeng mbrei di sieng kei. Yo di isibut nya inok njeng mbrei di mu leu su.

NIPINGOK NINGONTI 20:20

Gino ahyet wer mpiahi tut acig bat-apmem bat nya ne ayaijo mingwig hon nohonti dem kep nok njeng mbrei di mu ba, piga digai nidinditi bu bi.

NIPINGOK NINGONTI 24:20

Lewo ibon ide nijam di kei hi ei nidipti bu bi ba, igyok ingon mem nidipti mikui-kausi he.

YESAYA 2:4

Noni migwam nok nikei mem ngkiai nya bidem dihyeisi dini hagom leu api mikos tut ide munhyet nya. Yoni mitug ide simeda nya hagom binok ngkimom nitu di ibiwim dihyei. Yoni miprin ide tigtug nya hagom binok singau koi. Mpe dima lene mben dihyeisi dini nya mikon pran bit yam binjei siceu bu bi sren.

YOHANES 12:46

Dikwei ei dihyeisi dini nok nipigati leu binhyepo no di ba ningon com Da gwam ei nidinditi bi.

YOHANES 8:12

Lene Yesus pai bak yo di imang bibor dima hanyen bu “Dani ne nipigati mem dihyeisi dini ri. No di bit Da mbut mem nidinditi bi noro yai nipigati di niyaijo nijep.”

EFESUS 5:14

Lewo mun hagom di tungwatu nya ingat biput kei dima ne nipigati ngat ri. Gima rino tungwatu nya itri tut a He na di abong mai e, ma ada ayai ba, akiju leu nimai eisi! Kristus ninjeng mipiga digai na ri!

EFESUS 5:8

Nipou ne jingat rin ei nidinditi. Noro tini bu ne jinok Tuhan de limwa nya bijingat rin ei nipigati. Gima rino ma jiyai kepti nya noyam kin munggwom di intun nipigati him igyai kepti nya.