AYUB 29:14 - ALLAH NIHYET MEM TUNGWATU NYA

¹⁴ Diba ningon sren keisi bibon mun tut tungwatu nya ba, mun di kinei hi rap da bi. Diba dingon gom bimbus bikwop munhyet hagom kikau.

AYUB 29:14 ပူးပေါင်းရင်းမြစ်များ

YESAYA 61:10

Minu ndig Yerusalem pai “Dillei ngwig sut tuhan niyai munti nya. Noni ba sinsun nda di ninyeng rino niteu leu sisarti kin nibindei sar siceusi nya bijuk da noyam kin no di pinai kin no di sop di imau yonti mem midut niwak yamti.

YESAYA 59:17

Noni miba ningon sren-srausi kin niteu yok bingwes ngunti bijuk No dem kep sinsun pran kin topi yeng ngkuong di ngkiem kei. Noni mibrim ningkek bipui nihyet tut gima ngkwei mun di hagom bijo nijoti nok gi nipou noro buhup niyai munti di igbit bi nya hanyen.

MAZMUR 132:9

Abindei ba, Ade imam nya igyai munti nya bit leu nok angon kanti mem yok ba, Ade limwa nya iba ingon di llei bimbos-hi mbos.

EFESUS 6:14

Gima rino ma jitindei ser! Ma jiyai ningon di gom kin je nok bang di jibikri kep jintig boua. Ma jiyai jide ningon sren kin je nok sinsun pran di jijuk ser jingget a.

NINGAT-HI-NGAT NYA 19:8

Noni juk sinsun linen di jimjit.” (Sinsun dima ne Allah de limwa nya igyai munti di kei bibor nya ri.)

AYUB 27:6

Dimpig bou kep dingon srenti leu api midiluei dingonti tut hanyen bi sren. Dingon mien cem pwoi-pwau bikwop njap ngwa hagom.

TESALONIKA GI NIGOM 5:8

Noro ma nye di munggwom nipigati igyai nggrop nggan. Ma jingon jo kep Yesus Kristus ba, jingon ngakei yam. Ma jiyok jingon mem Allah di miteu nye leu dihyeisi dini biyai niyaijo kikau binye kikau ba, mun dini yok hagom tereu nok sinsun pran di ijuk tirigi ikon pran bit nidinditi.

KORINTUS GI NICAN 6:7

Niba nihyet di nijit-jau di nitri tut kin nisindemti di kwei leu Allah kin bindo bipia nyeni ne Allah de awak nya ri. Nikrau kep Allah ningon kanti tereu nok nikrau kep simeda. Nibihwen siceu nya ba, nibimbrap gau nyenti.

YESAYA 62:3

Ba, anok topi nibou ndig de di kei-kau ei tuhan nindati kin topi nibou ndig ninyeng tak kepti ei ade Allah nindati.

NINDAT KEP TUHAN NICUKTI NYA 24:13

Noro ma jingkwei nide sinsun dima hanyen binoni bikwop mmunti nipou tirigi mpia kimbas bigyo leu binhyepo juk ser nidigokti ei nibongti. Apino noni mipai sigyo hanyen bije leu api tuhan di nok jide Allah mijoi sut je.

ROMA 13:14

Noro ma ikrau kep Tuhan Yesus Kristus de minggwen nya lene ma jikes hon ba, jiba joho rok jingut kanti nya di ntun sisar him ba, jisindui sut jingut kanti nya bindei cut je bu au.

YESAYA 28:5

Tto bou midem leu api tuhan Di Sindem Bibor minok topi niba mitou binghau mem nide limwa nindigsi di ingwes ngun nya.

AYUB 27:5

Midipai ei duhui him bipia jibuhup bidati pima igbit bi sren. Midikrau kep dingon srenti kikau ba, duug bimai kep.

MAZMUR 119:121

Diyai munti nya sren kei bidiyai mun di igbit he. Ma akes da ei siceu nya inda nsi au.

ZAKHARIA 3:5

Noni cuk yo di igya kui no mem gima iba minghas di pwoi kei bingot Yosua nibou. Igyai igbit nipaisi leu api ijuk sinsun di nijep ei noti tirigi malaikati dima yok niyai kep yok tut.

AYUB 31:36

midiba dingon di llei bikes srat dima ei dinghat dip bidittin nok topi mas ei dibouti cem.