AYUB 28:1 - ALLAH NIHYET MEM TUNGWATU NYA

¹ Tungwatu nya itig perak biyuum ei dihyei jou. Mpia di ikwen mas bibindei pwoi-pwau eisi cem no rinaha.

AYUB 28:1 ပူးပေါင်းရင်းမြစ်များ

NITRITI 23:15

“Nna ba mpia dima bon nibok ug ei mitiei nitig sratus bitai he lo, mitiei bon ninyeng mem sani bi. Ma atig atnem ningut eisi hak ug.”

NITRITI 24:22

Unta nya idut minyei bindei yok tu lene awak di Abraham de hit mbrawin ningat gom bipindur ei misop nuhwap jou leu api kus srak mas ningat can bikui ei ninda pangti.

NIBOU NDIG NYA GI NIGOM 10:21

Lene tukan nya iba mas bibon Salomo de mok di dut minyei eisi nya hagom. Lene iba mas bibon nide hot nya kin hot nggram nya cem hagom mem nide Ninsi Baham Libanon. Iba perak bibon mun nyeng hi bi lewo ei nijam Salomo lene perak bon ninyeng bi.

AYUB 27:23

Noni nang sindem noro sigau ttem-ttem nyen no ba, hou huk-huk nyen no bidem ninangti nya hagom.”

AYUB 28:2

Itig ngkimom nitu bigyai leu dihyei jou. Ibindei jet ngkimom-tembaga di srig tigti leu tig.

MAZMUR 12:6

tuhan pai “Siceu nya ico kep nikinei-kinau nya lene yo di inghuisi wei nya yahara kwop. Gima rino nogindini dikwei bindei ba, igyai nibong kei nigwam kei di igyok ingon mem dima.”

NIPINGOK NINGONTI 17:3

Tukan nya iba hum bibingon mas kin perak nitu noro tuhan binai sut tungwatu nya ingonti.

NIPINGOK NINGONTI 27:21

Tukan nya iba hum bibingon mas kin perak nitu noro tungwatu nya mingat mun di jo ei tungwagom ningonti brei ei mpe dino nindigsi nya inggei sut noni.

YESAYA 48:10

Diba ninghuisi wei di noyam kin hum bibingon je noyam kin perak di tukan kwen ei humti bibindei ba, pimbai kei.

ZAKHARIA 13:9

Timiei minu dini nittou nsi gom he rima ingwes ngun ug a. Ba, midibindei kwes yo dima noyam kin mas kin perak di iba hum bikwen di pimbai. Lene yoni ingat nadi biDa bidibuhup ighyet. Midipai biyok bipia yoni ne Ditde limwa nya rin ba yoni cem mipai jit bipia Dani ne ide tuhan Allah ri.”

PETRUS GI NIGOM 1:7

Ide nibingon jeti ndo bindo tut gino jiba jingon com Allah haigtu e, he bi e? Bit leu nok mas di nok mun di pror yon di tungwatu nya ikwen ei humti. Jide niba ningon comti bon ninyeng dor njiriek mas. Mun di buhun bingon jide niba ningon comti bindei ba, jiba jingon com Yesus Kristus mungkun kei. Gino jingon nddong kikau lene Allah nggei sut je bikon jinyeng cem leu api jiyai jinyeng jei ei njap dino Yesus Kristus ttau hanyen kwei.