AYUB 27:17 - ALLAH NIHYET MEM TUNGWATU NYA

¹⁷ yo di ingon sren minyeng tut perak kin sinsun dima yok hagom nok ide bu.

AYUB 27:17 ပူးပေါင်းရင်းမြစ်များ

ESTER 8:1

Njap dima ne Nibou Ndig Ahasyweros njei Haman de ndigban di nyeng tut nya hagom bak Sop Nibou Ndig Ester lewo Haman ne mben Yahudi ide nitok joti ri. Lene Ester pai sut bak nibou ndig bipia nitom rino Mordekhai a. Apino hon njap dima kwei lene nibou ndig kes nituti bak Mordekhai ba, mbro nok gino nibou ndig hig noni kwei bi lo, noni sindui sut ba, Mordekhai coi ug-coi kwei nyen biya ei noho bei bit leu nijoi sutti.

AYUB 15:29

Nide mun di nyeng tut nya mipror nyahan leu noni bibon niceti ei bi. Nide ndigban misar bingwig hak leu noni noyam kin ningwes di kigyei bisar bihigom.

AYUB 20:10

Lene suar nimunggwom bat nya ingkwei mun di noni pos leu yo di yuhui mbum nya hanyen biyok.

AYUB 20:18

Suar noni ngkwei nibittemti di tug ndei nya hagom hanyen. Noni gingat ningwes ei ndigban di noni tug ndei leu nide nitri-nibipek ndiyokti cem bi sren.

AYUB 27:16

Mbro nok gino yo di isibut inju perak bikui sur mpia ba, inju sinsun nya cem bijo-jo yam dip lo,

AYUB 3:15

Gi nok gima ne dibong kep dinghuisi mem njap di ammani noyam kin nibou ndig ipmot bat nya po inju mas kin perak bimpung kei ei ide ig pima lo, ikes hagom ei bimai leu su ba,

NIPINGOK NINGONTI 13:22

No di ningon kwes kei mibindei ba, nignyon bat nya iba yokep nide ndigban noro yo di ingon sren nya iba yokep ndigban di yo di ibon sisar inju ei mem yonti.

NIPINGOK NINGONTI 28:8

No di nyeng tut mitiei nindig bibor tug hon gino kak tut tungwatu nya ba, suar ikum ei mitiei nibitug nindig biborti lene no di ngondut nuhui mbum nya miba nokep no dima nide mitiei hagom.

NIBA NINGON SRIP HUKTI 2:26

Allah yai ningon kiti kin nintin kimboti kin ningon nggei-hi-nggeisi bak no di pwoi Allah ningona. Noro Noni cuk yo di ibon sisar nya igyai midyai ba, inggok njita bigyai ningat keyam kui ig gudan mem gima ikes bak no di pwoi Allah ningona. Gima hagom ne mun di bit bon dingon dorti tut kan bi rin ba, dem kep nok niyon igkep hou nimig.

ZEFANYA 1:11

Timiei minu ndig nite bijehei jen e, mpe di jimiap gima yok lene ma jipim ba, jibwos-bwos nyen. Lewo nitri-nipek mun cig nya kin yo di idahat mitiei ngwam bak hi ter nya itug ndei nimai hak tu!