AYUB 27:16 - ALLAH NIHYET MEM TUNGWATU NYA

¹⁶ Mbro nok gino yo di isibut inju perak bikui sur mpia ba, inju sinsun nya cem bijo-jo yam dip lo,

AYUB 27:16 ပူးပေါင်းရင်းမြစ်များ

NIBOU NDIG NYA GI NIGOM 10:27

Ei nijam di Salomo ninyeng tak kep lene perak jo sinsiou ei minu ndig Yerusalem dem kep nok tig ei dihyei ninjek dip lene buom Libanon hei bidimbun kei ei minu dima dem kep nok biei ara di kieng kep nungug tou nya ei Yehuda.

ESTER 8:1

Njap dima ne Nibou Ndig Ahasyweros njei Haman de ndigban di nyeng tut nya hagom bak Sop Nibou Ndig Ester lewo Haman ne mben Yahudi ide nitok joti ri. Lene Ester pai sut bak nibou ndig bipia nitom rino Mordekhai a. Apino hon njap dima kwei lene nibou ndig kes nituti bak Mordekhai ba, mbro nok gino nibou ndig hig noni kwei bi lo, noni sindui sut ba, Mordekhai coi ug-coi kwei nyen biya ei noho bei bit leu nijoi sutti.

AYUB 15:29

Nide mun di nyeng tut nya mipror nyahan leu noni bibon niceti ei bi. Nide ndigban misar bingwig hak leu noni noyam kin ningwes di kigyei bisar bihigom.

AYUB 20:10

Lene suar nimunggwom bat nya ingkwei mun di noni pos leu yo di yuhui mbum nya hanyen biyok.

AYUB 22:24

Acom ade mas di pimbai kei nya leu na. Anjei mas dima ug ei mbang nijou di minyei biam eisi bi.

AYUB 27:15

Nimbier kimti nya di ingwes ngun nya mimai tug hon nsuwer ajar apino bon nituti mem kibom di imai leu yok nya igipim tut yok bi.

AYUB 27:17

yo di ingon sren minyeng tut perak kin sinsun dima yok hagom nok ide bu.

AYUB 3:15

Gi nok gima ne dibong kep dinghuisi mem njap di ammani noyam kin nibou ndig ipmot bat nya po inju mas kin perak bimpung kei ei ide ig pima lo, ikes hagom ei bimai leu su ba,

NIPINGOK NINGONTI 13:22

No di ningon kwes kei mibindei ba, nignyon bat nya iba yokep nide ndigban noro yo di ingon sren nya iba yokep ndigban di yo di ibon sisar inju ei mem yonti.

NIBA NINGON SRIP HUKTI 2:26

Allah yai ningon kiti kin nintin kimboti kin ningon nggei-hi-nggeisi bak no di pwoi Allah ningona. Noro Noni cuk yo di ibon sisar nya igyai midyai ba, inggok njita bigyai ningat keyam kui ig gudan mem gima ikes bak no di pwoi Allah ningona. Gima hagom ne mun di bit bon dingon dorti tut kan bi rin ba, dem kep nok niyon igkep hou nimig.

HABAKUK 2:6

Noro yo di icut bak tentara dima yok iba ighyet bicig yok lene iba yok bikek bipai biyok “Mijitug ndei nisigion jeti lewo jipos mun di jinyeng tut bi nya! Apig api mijibindei ba, jinyeng tut mitiei nindig bibor tug hon nikak tut yo di ibon ningwam bije birop hanyen bijeti i?”

ZEFANYA 1:11

Timiei minu ndig nite bijehei jen e, mpe di jimiap gima yok lene ma jipim ba, jibwos-bwos nyen. Lewo nitri-nipek mun cig nya kin yo di idahat mitiei ngwam bak hi ter nya itug ndei nimai hak tu!

ZAKHARIA 9:3

Minu ndig Tirus win tentara nibousi di igya coi nya binju mas kin perak mang bibor bikui sur mpia eisi apino mas kin perak dima nimangti noyam kin mun nitu nok iggum ndung kin igkrop di yem mpia ei puigsi.

MATIUS 6:19

“Ma jimbus ndigban kin mitiei keyam mem jenti ei dihyeisi dini au. Leu gima yok awam mikkin ba, prap yem lene yo di imbrai nya minggek dimbou binggimang cem.

YAKOBUS 5:2

Jide ndigban di jinyeng tut nya hagom mpiei ba, cipo kkin jide sinsun nya cem tu.