AYUB 26:7 - ALLAH NIHYET MEM TUNGWATU NYA

⁷ Allah kieng mpia-bbed him gau muk ningwa dip. Noni pindur dihyeisi dini ei mpia-bbed him ningwakti lo, mun nyeng hi hati bi.

AYUB 26:7 ပူးပေါင်းရင်းမြစ်များ

AYUB 38:6

Mindei ribindei dino cou nipmem di hati dihyei nipmem ninjek dip nya hagom nddong kei i? Tou riprion tig nibiyok ngon kepti ei dihyeisi dini nuhuisi i?

AYUB 9:8

Allah sindem mem gima prion mpia-bbed him ba, hi dima mpu Noni bi. Noni co kep mindhe naga di bong muk jou bidram ninghim cem.

MAZMUR 24:2

Noni kes dihyeisi nikiou bijo ei muk ngwa dip. Noni tig cou nipmem nya binok dihyeisi nitriti ei minyei jou.

MAZMUR 89:12

Anyeng tak kep mpia-bbed him kin dihyeisi dini lewo apai tes hacem bitut mun di joti nya cem.

MAZMUR 89:13

Apai tes minu di jo nite bei mpia nijjai kin mpia nibiho cem. Nungug Tabor kin Nungug Hermon iba ingon di llei bimbos-hi mbos dem kep nok tungwatu nya.

YESAYA 40:21

Mei! Akan tut ba, amiap tut bi e? Hi pai brei bina habiei leu nipou kwei bi e? Mei! Angon dorti tut nimbie him tirigi po hi pai tes dihyeisi dini bigyo pima e?

YESAYA 40:22

No di gwam ei Nide banggo mbrei di jo anai dihyeisi dini bijo mpia-bbed him nuhu kwei pai tes dihyeisi dini. Tungwatu dihyeisi dini inok ako di bigbibor bou niyai him. Noni prion mpia-bbed him dem kep nok no di dis sre kin no di hok prak meng mem gima bong eisi.

YESAYA 40:26

Ma acap ser mpia-bbed him ba, ayok ayai kep! Tou ripai tes ham mpia-bbed him nya i? No di nyohou dimig ham hagom bidem kep nok tentara kan bidem tut nimangti jem inyeng bibikwop hagom! Bit bon ham gom pror kan bi lewo tuhan sindem mem gima nyohou ham nya hagom!

YESAYA 42:5

tuhan Allah pai tes mpia-bbed him biprion ei anai. Noni pai tes dihyeisi dini kin mun di hei bidem ninjek dip hagom. Noni yai niyaijo kin ninnei bak tungwatu nya yahagom. Nogindini tuhan pai bak Nide awak,

ZAKHARIA 12:1

Gini ne tuhan nihyet di sok tut Israel ri. tuhan di prion mpia-bbed him bipai tes dihyeisi biyai niyaijo bak tungwatu pai,