AYUB 24:20 - ALLAH NIHYET MEM TUNGWATU NYA

²⁰ Nipmem cem bbwe ser noni. Njingwoi pio ningut bingwig. Hi yok ngon kep ninyeng bu bi. Noni nggun noyam kin biei ut di tti tu.

AYUB 24:20 ပူးပေါင်းရင်းမြစ်များ

AYUB 17:14

Midijem dijui ‘Nani ne dicig ri.’ Midijem njingwoi di ipio dingut nya ‘Jeni ne dipmem kin dikwohop bat nya ri.’

AYUB 19:10

Noni bui kikep da ei dite hi ei dite hi. Noni hom mun di diyok dingon mem nya hagom dem kep nok no di hom njita kioi tut nigau nya bikes ei ba, jei bi ne mui ri.

AYUB 19:26

Mbro nok gino dingkek dip bok-ba ba, nggos cem lo, midingat Allah bou diyai him mem nijam di dibon dingut dini.

AYUB 21:26

Mbro nok gima lo, iprion yahagom ei nimai jui nsi bibong ei mpia dima leu api njingwoi kin adihyeisi ingwig kep yahagom ingut a.

AYUB 3:13

Gino dimai hak mem njap pima lene njap di ammani dibong kep dinghuisi ei jui dip,

MAZMUR 34:16

tuhan nyohou yo di ingon sren bingig nitingou mem ighyet tirigi yahara Noni.

NIPINGOK NINGONTI 10:7

Tungwatu nya mikan kep yo di ingon kwes kei nya ide nibon munti nya ba, ibbwe ser yok bi. Noro ibbwe ser no di sibut haninyai hak.

NIBA NINGON SRIP HUKTI 8:10

Mpe hi ne dingat lo, yo di isibut nya imai leu api itig yok. Noro tirigi ingkwei hanyen leu jui dip biyuug ei ig bei lene ikon yo di isibut dima inyeng ei ide minu ndig di nok mpia di igyai kikep ide mun di sibut eisi pima. Bit bon dingon dorti tut gima cem kan bi.

YESAYA 26:14

Yo dima imai bihigom tu ba, ingwes mikiju hanyen bu bi. Lewo abindei yok bisar ba, aciu ser niyok ngon kep yokti leu tungwatu nya intin tu.

YESAYA 49:15

Gima rino tuhan buhup, “Bon gima sop hi ningon prion ser nimunggwom e, he ngondut no di noni srek tut bu bi e? Mbro nok gino sop hi ningon prion ser nimunggwom lo, midingon prion ser je kan bi sren.

DANIEL 4:14

Noni ba nihyet nindig bibor bahara ‘Ma awim biei dima ba, ape ninda cem. Asrop nimeng ba, apuk ningat lene acom hagom hak ug. Ma ajji mindhe-ndhe di ibong nibehei nya kin ha nya di itot yaham ei ninda-nda nyati bingwig ug.

MATIUS 3:10

Hi tin ei mem gima wim biei nya nitriti. Noni miwim bikwop biei di ngat ningat di kei hi bi nya leu api ndig hagom kep hum.