AYUB 23:12 - ALLAH NIHYET MEM TUNGWATU NYA

¹² Dibit Allah nicuk dati nya bikwop mmun-njap. Digibit mun di diyok dingon mem nya bi leu binhyepo dibit Nonti ningon kanti nya.

AYUB 23:12 ပူးပေါင်းရင်းမြစ်များ

AYUB 15:11

Nggon rino akou sut gima Allah win kep angonti i? Nyeni niba noom ningon kin nihyet nggriu-nggrop cem bimbrap bit na tug hon Allah ninyeng.

AYUB 22:22

Ace tut Allah de ningginau nati nya ba, apwoi gima yok hagom ei angonti.

AYUB 23:13

Allah giluei ningonti bi sren. Bit bon hi di hwen bit Allah kan bi. Noni bon mun bit leu Nonti ningon kanti.

AYUB 33:9

Apai ‘Dingonti pwoi ba, dibon nitunggweisi cem hi bi. Mun di kinei rap da bidibon mun tunggwei cem bi.

AYUB 6:10

Niyai munti dima migwam ser dingon apino midiba dingon di llei bipri-pri nyen drek dip dinghuisi di wei. Dibit Allah Di Kwes-Kwau nicukti nya ba, ditimbe tut bi sren.

MAZMUR 119:103

Ahyet ui-gwang kei ba, nyop kei dor njiriek ahwei lon ningei cem!

MAZMUR 119:11

Dipoi Ade ningginausi ei dingonti leu binhyepo dibon sisar tut Nani bi.

MAZMUR 119:127

Dingon ngakei Ade nicukti nya dor njiriek mas di pimbai kei.

MAZMUR 33:11

Noro ningon kanti nya kin nikos tutti nya ngkiem kei bijo ninno bijo kikau.

NIPINGOK NINGONTI 30:8

Ma asindui sut ba, diris ei tungwatu nyati bidoom ser au. Lene ma asindui sut ba, dinyeng bibor ba, duhui mbum bibor cem au. Ayai mun di dindwau sut he bida lene ma abikum eisi au.

YEREMIA 15:16

Ambrap bit da leu api dimiap kep ahyet hagom. tuhan Allah Di Sindem Bibor e, diceu riNani. Gima rino ahyet bindei ba, dingon kei bibor bidingon nggei-hi-nggei.

LUKAS 12:42

Yesus buhup “Tou rinok awak di ningon gom ba, ningon ki cem di niceu ndo noni nok nibou mem awak nindigsi nya leu binhyepo kwas njita tut yok igbit nok jam di noni preu ei su i?

LUKAS 12:46

Gima rino niceu mittau hak kep noni hanyen mem nijam di ningon ya mem nikweisi bi kin njap dino noni kan tut bi. Leu api niceu mikos noni kukiau leu api noni mitug ndei hukum bit yo di ibit Allah nihyet bi nya.

YOHANES 4:32

Noro Yesus buhup “Diyem njita hi di jikan tut bi tu.”

YOHANES 4:34

Lene Yesus pai biyok “Gino dibit Allah di cuk Da kwei ningon kanti bidiyai Nide midyai nya cem biput lene gima ne njita di diyem ri.

YOHANES 8:31

Gima rino Yesus pai bak mben Yahudi di iba ingon com Noni “Gino jibit Ditde ningginausi lene jeni ne yo di itti kin Da nijit-jau ri.

KISAH 14:22

Yoni ibiwin kep yo di ingon jo kep nya ingonti ei minu ndig dima yok leu binhyepo igya ngkiem ba, iba ingon com Yesus kikau. Yoni ingginau timiei nya ei minu ndig dima yok bit leu nok Yesus nipaisi “Mun di buhun mang bibor cut igkep nye di ikak puig di bie ug ei Allah Ninyeng Tak Kepti.”

PETRUS GI NIGOM 2:2

Ma jibingon nok munggwom ngwoi di sindi srek ba, jingon rai Allah nihyet di nok do ngei di pimbai kei. Tug hon nisinati dima rino jimahan bijiyai niteu leu sisarti kin niyaijo nijep.

YOHANES GI NIGOM 2:19

Yo dini inok gom kin nye di mbusyamei bi. Gima rino ikes nye ei bimbut leu nye tu. Gino inok gom kin nye di mbusyamei ne igwam bit nye kikau kwei bipek ammani kep. Noro ikes nye bimbut leu nye tu ba, gini bindo bipia inok gom kin nye bi.