AYUB 23:10 - ALLAH NIHYET MEM TUNGWATU NYA

¹⁰ Mbro nok gima lo, Noni kan tut dimbutti kin dicoti nya hagom. Gino Noni bingon da dem kep nok tukan di ikinding mas pimbai kei lene mijo nibreisi bipia dingon kwes kei.

AYUB 23:10 ပူးပေါင်းရင်းမြစ်များ

NITRITI 18:19

Sidimig noni leu binhyepo noni micuk nimunggwom bat nya kin nide nintun him yamti di bram yam nya leu binhyepo ibit sihyet ba, igyai mun di igbit cem ingon sren cem. Gino igyai gima hagom nok lene misiyai bit leu nok gi sipreu ei mem noniti pima ri.”

SAMUEL GI NICAN 22:22

Dibit tuhan de nicukti nya ba, digikiek doho tai leu ditde Allah bi.

NIBOU NDIG NYA GI NICAN 20:3

“tuhan e, ma ayok ngon kep bipia diba dingon gom kin dingon sren biyai midyai nok awak mem Na kikau. Dibrim dingkek ba, dita dibou ei gima dibit angon kanti kikau.” Pai nok leu api ba ningon di ngguk bibor bipim nggruet.

AYUB 10:7

Ningat ne akan tut ba, angon huk niti cem bipia dibon mun di igbit he bidiyai mun tunggwei bi. Akan tut bipia bit bon hi dima sindem mem gima teu da leu anda nsi bidingwes ngun kan bi.

AYUB 23:7

Ditunggwei sut mun hi bi ba, bon dimbrap gau danti ei Noho bei leu api Noni mipai sut bipia dingwes ngun bihigom.

AYUB 23:9

Dinggok Noni ei nite bei mpia nijjai noro ndo Nonti brei bida bi. Dikiek da bei mpia nibiho bidinggok lo, dingat Ningat bi.

AYUB 31:4

Allah kan bidem tut diyai munti nya hagom. Noni ngig niyai kep dimbutti nya hagom.

AYUB 31:6

Disindui sut ba, Allah ba Nide kilo di igbit binai da leu api Noni mikan tut bipia dingon ngun yo.

AYUB 33:9

Apai ‘Dingonti pwoi ba, dibon nitunggweisi cem hi bi. Mun di kinei rap da bidibon mun tunggwei cem bi.

AYUB 6:29

Akes hon hak ug! Ma aba angon di sren bibon da! Ningat ne dibon mun tunggwei sut hi bi. Gima rino ma apai kep da au.

AYUB 7:18

Anggok tut nide niyaijoti bikwop njap tekti ba, abingon niyaijoti bikwop nituti hagom.

MAZMUR 1:6

Lewo tuhan bie tut yo di ingon sren nya binyohou yok noro yo di isibut nya no ikak puig di bie ndam nimai.

MAZMUR 11:5

tuhan gwam nok nikei mem yo di isingat kin yo di isibut yahagom lene ningon mpo tut yo di iba yoho rok nitin ei nimbukti.

MAZMUR 17:3

Tirigi ambus dingonti ba, akwei ngig ayai kep da mem mmun lene angat bipia dingon sren-srau. Ditto ei bidanti bipia midiyai mun tunggwei tug hon dihyet di tibim ei duhui him bi.

MAZMUR 66:10

Allah e, abingon nye noyam kin tukan nya ikwen perak nitu ei humti bibindei ba, pimbai kei.

MAZMUR 7:9

tuhan e, Nangkom di ambus tungwatu ingonti kan rin ba, akos tut mun di igbit bida. Lewo dibon mun tunggwei hi bi.

NIPINGOK NINGONTI 17:3

Tukan nya iba hum bibingon mas kin perak nitu noro tuhan binai sut tungwatu nya ingonti.

YEREMIA 12:3

Noro tuhan e, akan tut dani. Angat diyai munti nya ba, akan tut bipia dingon gom tut Na. Ma akri yo di isibut dima yok bit leu nok domba di ijem ug ei mpia di ibui nok mikwau kikep eisi. Aya ser yok kikau ug bipek njap ngon bou dima ibui yok dem ug e.

ZAKHARIA 13:9

Timiei minu dini nittou nsi gom he rima ingwes ngun ug a. Ba, midibindei kwes yo dima noyam kin mas kin perak di iba hum bikwen di pimbai. Lene yoni ingat nadi biDa bidibuhup ighyet. Midipai biyok bipia yoni ne Ditde limwa nya rin ba yoni cem mipai jit bipia Dani ne ide tuhan Allah ri.”

YOHANES 21:17

Yesus hig ser noni nimbiningai bu “Na di Simon di Yona nipmot e, angon ngakei Da e?” Petrus ningon ngguk drek dip Yesus nipaisi lewo Yesus hig ser noni mbiningai su. Gima rino noni buhup “Tuhan e, akan tut mun nyeng hagom ba, akan tut bipia dingon ngakei Na!” Lene Yesus pai binoni “Ma anyohou Ditde domba nya.

KORINTUS GI NIGOM 3:15

Gino hum dima yem ig di tungwagom ngot ei tig mma dip bitimek bingwig ne nimuhup sar. Noro Allah miteu noni tereu nok tungwagom di ningwes ngun leu ig di hum yem.

NINDAT KEP TUHAN NICUKTI NYA 8:2

Ma jiyok ngon kep notou tuhan di nok jide Allah bie tut je kak jimbutti di jei bibor mem ari bingwam nyatungwacan gi pini jug tu. Noni ba mun di buhun bibor bibingon je leu binhyepo kan tut jingon kanti nya bikan tut gino jibit nicuk jeti nya cem.

2 TIMOTIUS GI NICAN 2:19

Noro cou nipmem di Allah ta ei su dima nddong kei ba, bit bon tungwatu nya ikit-kit nyen kan bi. Srat bokti di jo ei cou nipmem dima dip pai “Tuhan kan igbit Nide limwa nya.” Ba, hi kin bu pai “Ma tungwa tou rino pai sut nonti bipia noni ne Allah de limwa rin mbres nonti leu mun di kinei hagom.”

IBRANI 11:17

Niba ningon comti bindei ba, Abraham ba nipmot bibon midut nindig mindhe titut ei humti tirigi Allah bingon ningonti. Mbro nok gino Allah preu ei mem Abraham tut yo di intun noni him tu lo, Abraham ce tut ba nipmot gom ngat bibon midut nindig noni kep humti.

YAKOBUS 1:12

Tungwa tou rino ningon nddong mpe dino mun di buhun cut igkep noni ne no dima ningon nggei-hi-nggei. Lewo niabiati noni ba ningon di cut leu bi buug bipek nipekti leu api noni miyai niyaijo nijep di jo kikau di Allah preu ei mem yo di ingon ngakei Noni.

PETRUS GI NIGOM 1:7

Ide nibingon jeti ndo bindo tut gino jiba jingon com Allah haigtu e, he bi e? Bit leu nok mas di nok mun di pror yon di tungwatu nya ikwen ei humti. Jide niba ningon comti bon ninyeng dor njiriek mas. Mun di buhun bingon jide niba ningon comti bindei ba, jiba jingon com Yesus Kristus mungkun kei. Gino jingon nddong kikau lene Allah nggei sut je bikon jinyeng cem leu api jiyai jinyeng jei ei njap dino Yesus Kristus ttau hanyen kwei.