AYUB 22:9 - ALLAH NIHYET MEM TUNGWATU NYA

⁹ Agingondut kibom nya bi ba, aco kep moibihi nya cem.

AYUB 22:9 ပူးပေါင်းရင်းမြစ်များ

AYUB 24:21

Mun dima yok hagom cut igkep noni drek dip gico kep kibom nya lene gi ngondut sop di igyai imunggwom munggwom pinai bi nya cem bi.

AYUB 24:3

Yo dima imbrai keledai di moibihi nya ide binang tut. Lene ipos sapi di kibom nya ide mem gima ibiti ide ningwam bibou irop ningwam hanyen biyok ug e.

AYUB 31:21

Gino diyok dingon gom tut moibihi leu binhyepo noni micut ei nikei noho bei lewo dikan tut bipia nibou nya itti kin da lene,

AYUB 6:27

Gima he bi noro ako ba, abinggok tut mun di mipek kep mem munggwom moibihi. Noro aris mun leu asut ningat leu binhyepo abindei ba, anyeng bibor!

MAZMUR 10:15

Ma adahat kep yo di isibut kin yo di ingkek ndok nya ide nisindemti leu yok ba, akes hukum ei yok dip drek dip ide nibon munti nya kikau bibou ikes hon ug e.

MAZMUR 37:17

Lewo tuhan mipos yo di isibut nya ide nisindemti bingwig leu yok noro Noni minyohou yo di ingon sren nya.

MAZMUR 94:6

Igyai nimai bak kibom nya kin moibihi nya kin ngkiai nya di ikwei bong timiei ei minu dini cem.

YESAYA 1:17

Ma jita jibou ei gi jibon mun di igbitti. Ma jibrim jingkek mem ningon sren-srausi leu api jiciu ser gi tungwatu nya imbuk tut yam. Ma jibindei ba, tungwatu nya ibibon moibihi nya nok igbit. Ma jimbrap gau kibom nya ei nikei noho bei.”

YESAYA 1:23

Ade nibou nya yaham imbuk kep Da. Ihig isut bit ninggimang kep mun cig nya ba, ingon ya mem gima hi ngot kep yok. Ikou sut nimbrap gau moibihi nyati ei nikei noho bei ba, itingou nam ser kibom nya di yahara yok tut ide mun di buhun tak yok ighyet.

YESAYA 10:2

Tug hon nisinati dima lene jibigen ser yo di yuhui mbum nya leu ba, igitug ndei mun di idem mem gima itug ndei nya kin nikei nikos tutti di sren kei nya mem yonti cem bi. Jibipos kibom nya kin moibihi nya ide mun di inyeng tut leu yok cem.

YEREMIA 48:25

Minu Moab de nisindemti cut tu ba, ninyeng jeisi timek hak tu. Da di tuhan disimbot dat tu.”

YEHEZKIEL 22:7

Ade timiei nya hi di kuk no bibit nide ndigpoi nihyet bi sren. Aris mun bak ngkiai nya lene agingondut kibom nya kin moibihi nya di icut ei mun di buhun tak yokti cem bi.

YEHEZKIEL 30:22

Da di tuhan Di Dinyeng Jei Bibor dipai bipia nibou ndig minu Mesir de nitok riDani. Mididahat ninda pang hacem. Didahat ninda pang di sindem yo kin gi hi di dahat tu cem. Leu api singau simeda dima micut leu ninda hak.

MALEAKHI 3:5

tuhan Di Sindem Bibor pai “Jei bi ne midittau hak ei jikieti nok nikei di tri tut jide hukum. Leu api haninyai midibakilak yo di nung kui yok kin yo di icut tut hi ter nitnem kin yo di iris mun ei nikei noho bei kin niceu nya di igyem ide awak nya imuhup kin yo di ihwen bit kibom nya kin moibihi nya kin ngkiai nya ba, dibakilak yo di ikon dinyeng bi nya yahagom.”

MATIUS 23:14

Aye! Notou mem je di guru Puig Yahudi nicukti nya kin je di Farisi nya i? Jingon can yo! Lewo jiris sop kibom nya ba, jipos ide ig tut mun di joti nya hagom. Leu api jibiti ninda tut jingon srenti tug hon nadi di juhuk kikau. Gini yok hagom bindei dino mijitug ndei hukum nindig bibor!]

NINDAT KEP TUHAN NICUKTI NYA 27:19

‘Ma tuhan sigion no di pos ngkiai kin moibihi kin kibom ide mun di inyeng tak kep nya.’ Lene ma limwa nya yahagom ibuhup ‘Igbit ri!’