AYUB 22:22 - ALLAH NIHYET MEM TUNGWATU NYA

²² Ace tut Allah de ningginau nati nya ba, apwoi gima yok hagom ei angonti.

AYUB 22:22 ပူးပေါင်းရင်းမြစ်များ

NIBOHON MBEN ISRAEL GI NICAN 33:13

Lene Allah buhup nadi di Manasye ngat dima leu api bindei ngkwei noni hanyen kwei ei minu ndig Yerusalem leu binhyepo ninyeng tak kep timiei Yehuda nya hanyen bu. Tug hon mun di cut igkep noni dima lene ba ningon com bipia tuhan ne Allah ri.

AYUB 23:12

Dibit Allah nicuk dati nya bikwop mmun-njap. Digibit mun di diyok dingon mem nya bi leu binhyepo dibit Nonti ningon kanti nya.

AYUB 6:10

Niyai munti dima migwam ser dingon apino midiba dingon di llei bipri-pri nyen drek dip dinghuisi di wei. Dibit Allah Di Kwes-Kwau nicukti nya ba, ditimbe tut bi sren.

MAZMUR 119:11

Dipoi Ade ningginausi ei dingonti leu binhyepo dibon sisar tut Nani bi.

NIPINGOK NINGONTI 4:21

Ma acom dihyet ei au. Noro ma apwoi dihyet ei angonti.

NIPINGOK NINGONTI 4:4

dicig ngginau da bipai “Ayok ngon kep ditde nipingok nati nya lene ma abbwe ser au. Abindei mbut ditde nipingok nati nya leu binhyepo ade niyaijoti mpung tut ningon nggei-hi-nggeisi.

YEREMIA 15:16

Ambrap bit da leu api dimiap kep ahyet hagom. tuhan Allah Di Sindem Bibor e, diceu riNani. Gima rino ahyet bindei ba, dingon kei bibor bidingon nggei-hi-nggei.

YEHEZKIEL 3:10

Allah binut bu bipai “Na di tungwatu di ayaijo kikau bi e, ma angig atingou mem dihyet ba, akan kep mun di disok ei na dip hagom.

MATIUS 12:35

Ningat di kei ntun no di ningon kwes him lewo ningon kanti hagom kei. Lo, ningat di kinei ntun no di ningon rom him lewo ningon kanti hagom kinei.

MATIUS 13:52

Lene Yesus pai “Bikwop guru Puig Yahudi nicukti di coi bit Allah Ninyeng Tak Kepti rinok nibou ig bei gom di cat mun di nijep kin mun di nitimiei leu nide ig gudanti.”

LUKAS 2:19

Noro Maria pwoi mun dima yok hagom ei ningonti lene ba ningon bisrip huk.

LUKAS 2:51

Leu api Yesus bit yok bingkwei hanyen ug ei minu ndig Nazaret lene kuk No mem ighyet. Maria pwoi mun di pek kep mem yok dima hagom ei ningonti.