AYUB 21:31 - ALLAH NIHYET MEM TUNGWATU NYA

³¹ Hi di pai no di sibut kinei drek dip nibon munti nya bi. Hi di kes hukum ei noni dip drek dip nisibutti cem bi.

AYUB 21:31 ပူးပေါင်းရင်းမြစ်များ

NINDAT KEP TUHAN NICUKTI NYA 7:10

Noro Noni miba nihig ningon tut bisi bikes hukum ei yo di ingon mpo tut Noni dip.

GALATIA 2:11

Noro tirigi Petrus kwei ei minu ndig Antiokhia lene ditte tut noni bou yo di ingon jo kep nya igyai him drek dip nide niyai mun tunggweisi.

YAKOBUS 2:13

Gino tungwagom ngondut hiter bi ne mpe dino Allah mbus ningonti lene Noni mingondut no dima bi. Noro ningondut yamti sindem dor njiriek hukum!

ROMA 12:19

Disut bat jen, ma jingon nggrom kep yam au. Noro ma jibet jingon mem Allah di kes hukum ei tungwatu nya dip drek dip ide sisar nya. Lewo Allah Nihyet pai “Tuhan pai bipia Noni birop biyok tug hon hukum di kes ei yok dip.”

KISAH 24:25

Noro Paulus huk nihyet kikau bitri tut ningon srenti kin noom ningonti kin hukum di micut igkep tungwatu nya mem Njap Ningwig Honti cem. Feliks ningon ttin bibor bimbrua Paulus drek dip bipai “Cobi! Nogindini disindui sut ba, ambut hak ug. Mpe hi bu tirigi bon nikwesti mem da lene midihig na hanyen kwei.”

MARKUS 6:18

Gima hagom nok lewo Yohanes sok kep Herodes ninyen bipai “Ma abuwak akinjoi nitnem binok atnem au lewo gima ne sisar ri!”

YESAYA 59:13

Nikon Nani nok nyende tuhan bi ba, naham nimbuk kep Na binikou sut Na cem lene nikou sut gi nibit nyende Allah tu. Nico kep yo di hiter ba, nico tunggwei puig di nijit cem tu. Nikan-kan nyenti srawir ba, nisuglai munti hei leu nuhui him.

MAZMUR 50:21

Jiyai kep gima yok hagom lo, digwam nyahan leu. Gima rino jikan bipia Dani dinoyam kin jeni. Noro tini bu ne dinjei kep jeni ba, dibindei mun dima yok hagom bijo nibreisi mem je.

AYUB 41:11

Tou rihwen noni leu api ningwes ngun leu nuhui him i? Bitbon tungwatu bidem dihyeisi dini hagom ihwen noni bingwes ngun leu nuhui him kan bi.

AYUB 21:19

Jipai bipia “Allah kes hukum ei munggwom nya dip drek dip icig bat nya ide sisar.” Noro danti dipai bipia e bi! Suar Allah kes hukum ei yo di ibon sisar nya yonti dip. Leu binhyepo ingon huk niti bipia yonti ide sisar rino bindei di Allah kes Nide hukum ei yok dip a.

AYUB 21:30

Yoni ipai “Njap dino Allah ba nigga biborti bikes hukum ei tungwatu nya dip lene yo di isibut nya mingwes ngun.”

AYUB 21:32

Mpe dino ittei ningut ug ei nimai jui bikes ei jui nsi lene tungwatu nya inyohou nijui dip ba, igya ser.