AYUB 2:3 - ALLAH NIHYET MEM TUNGWATU NYA

³ tuhan hig ser noni “Angig ayai kep Ditde awak di Ayub tu e? No dima ningon gom cem ningon kwes cem dor njiriek tungwatu dihyeisi dini hagom. Noni kuk no biDa bimbres no leu mun di kinei hagom cem. Mbro nok gino abrim angkek kep Da leu binhyepo disindui sut ba, abingon noni mikui-kausi pima lo, ningon gom tut Da kikau.”

AYUB 2:3 ပူးပေါင်းရင်းမြစ်များ

NITRITI 6:9

Ayat dini yok pui sut Nuh kin niyai munti nya. Nuh ningon sren ba, nongkom ningon kwes kin Allah mem nijam dima. Allah kin Nuh ingon ce yam bi.

SAMUEL GI NICAN 20:20

Lene Yoab buhup “Dijoi sut nok gima bi sren! Dijoi sut dinggek ade minu ndig dima ba, dibindei sar cem bi sren.

AYUB 1:1

Ayub bong ei Us. Noni kuk no bak Allah biningon gom tut Noni. Ayub ningon sren bimbres no leu mun di kinei hagom.

AYUB 1:11

Noro gino apos mun di noni nyeng tut nya hagom bingwig leu noni lene mbigom nihyet miwer mpiahi tut Na di tuhan hak ug!”

AYUB 1:6

Bitto bou dem mem mun di tuhan pai tes nya ei gwamti induk yam kwei bigya ei Noho bei. Lene Bilis cem ningat rima ei ikieti.

AYUB 1:8

tuhan hig ser noni “Angig ayai kep Ditde awak di Ayub tu e? No dima ningon gom ba, ningon kwes dor njiriek tungwatu dihyeisi dini hagom. Noni kuk no biDa bimbres no leu mun di kinei hagom cem.”

AYUB 13:15

Dingon cut leu su! Nna ug! Gino Allah kos tut mem gima yai nimai bida lene dikes danti ei nindati. Mbro nok gima lo, midimbrap gau dibon munti nya ei Noho bei.

AYUB 2:2

tuhan hig ser noni “Akwei leu hantou i?” Lene Bilis buhup “Diya-ya nyen binggi dihyeisi hagom.”

AYUB 2:4

Noro Bilis buhup “Niyaijoti kin ninghuisi kwesti nibok kak bibor dor njiriek ndigban nibok a. Tungwatu nya isindui sut ba, ide ndigban hagom sar bingwig leu yok leu binhyepo ibipek ide niyaijoti.

AYUB 9:17

Allah ba sigau bihwen da bidinem-nnai bikum ei dinghuisi wei mikui-kausi.

AYUB 9:20

Mbro nok gino dingon ngun lo, Allah mipai kep da drek dip nihyet di jo duhui. Noni mikiek dihyet bibindei ba, dihyet pai kep danti.

MAZMUR 26:1

Doia Daud. tuhan e, asimbot dat bipia dingon sren lewo diba dingon com Nani. Dihig dingon ei Nati poi mien cem bi.

MAZMUR 37:37

Ma jitou kep no di ningon singat kin no di ningon sren. No di ningon jo nyahan bon nide nintun him yamti di bram yam nya imang bibor.

MAZMUR 41:12

Gino ditde siceu nya ibindei timek da bi ne midikan tut bipia angon ngakei da.

NIPINGOK NINGONTI 11:8

tuhan teu no di ningon kwes kei leu mun di buhun di cut igkep noni biningwes ngun. Mun di buhun kriau noni leu api ndei no di sibut.

NIPINGOK NINGONTI 13:6

Yo di ingon kwes kei nya igwam coi ningon di sren keiti. Yo di ibon kep sisar iba ide mun di mbuk nya bindei sar yonti.

NIPINGOK NINGONTI 14:2

No di ningon gom ttin tut tuhan Allah binggei sut ninyeng noro no di ningon mang ningwes om Noni.

NIPINGOK NINGONTI 15:8

tuhan joi sut yo di ingon kwes kei nya ide nadi noro ningon mpo tut midut di yo di isibut nya ibon ei nimbar hum dokti nya.

NIPINGOK NINGONTI 16:17

No di ningon kwes kei mbres nonti leu mun di kinei nya. Noni cuon niyaisi tug hon gino sok kep nonti tut niyai munti nya.

YOHANES 9:3

Yesus buhup “Nide sisar bindei niyai di tu ba, nicig-nipmem nya ide sisar bindei niyai di tu cem bi. Gi niyai tu dima bon nikwesti mem tungwatu nya ingat Allah de nisindemti di bindei ba, noni kei hanyen.

FILIPI 3:12

Tut danti ne duug pek nipekti bidikei-kau cem bigyo. Noro dita dibou ei nibinang ndam nipekti leu binhyepo dibitug ndei mun di kei di Noni bet ei mem da. Ba, mun dini yok hagom bicim tindei Kristus Yesus ningon kanti mem da tirigi Noni bindei ba, dijem diceu bit Noni.

YAKOBUS 1:12

Tungwa tou rino ningon nddong mpe dino mun di buhun cut igkep noni ne no dima ningon nggei-hi-nggei. Lewo niabiati noni ba ningon di cut leu bi buug bipek nipekti leu api noni miyai niyaijo nijep di jo kikau di Allah preu ei mem yo di ingon ngakei Noni.

PETRUS GI NIGOM 1:7

Ide nibingon jeti ndo bindo tut gino jiba jingon com Allah haigtu e, he bi e? Bit leu nok mas di nok mun di pror yon di tungwatu nya ikwen ei humti. Jide niba ningon comti bon ninyeng dor njiriek mas. Mun di buhun bingon jide niba ningon comti bindei ba, jiba jingon com Yesus Kristus mungkun kei. Gino jingon nddong kikau lene Allah nggei sut je bikon jinyeng cem leu api jiyai jinyeng jei ei njap dino Yesus Kristus ttau hanyen kwei.

PETRUS GI NIGOM 5:10

Noro niabiati jiyai ninghuisi wei di jo jei bi leu su lene Allah di singat tut je mipindi je hanyen bu. Noni miyai jingon nddong cem misindem tut je cem mibindei bijiba jingon com Noni kikau cem. Lewo Noni dimig je leu binhyepo jipriet kin Nide nikei-kau-keisi drek dip gi jinok gom kin Kristus.