AYUB 2:12 - ALLAH NIHYET MEM TUNGWATU NYA

¹² Tirigi igya ei minu ting bingat Ayub lene ingat igbit noni bi. Noro tirigi ingat igbit noni tu rino ipim kep ba, igyai nggwei kibor birik ide sinsun ei yo him cem lene ikam dihyei ndung ba, igimahap hi kui lene ikes hi ei ibou nggram him cem. Igyaisi dima bindo bipia ingon ngguk bibor.

AYUB 2:12 ပူးပေါင်းရင်းမြစ်များ

NITRITI 27:34

Tirigi Esau miap nicig nipaisi nok rino ba ningon di ngguk bibor bicot tut lene hara nicig bipai “Arig e, suar anjei mun di kei hi bidani cem!”

SAMUEL GI NICAN 13:36

Pai nok bikes nihyet leu lene Daud nipmot bat nya icoi kwei ei ig bei. Leu api ipim ba, Daud kin nide awak nya cem iba ingon di ngguk bibor bipim.

EZRA 9:3

Tirigi dimiap ipaisi dima lene dingon kei sut gima bi bibor. Gima rino dirik sinsun di jo dingkekti bidibrim dibou nta kin duhui nta cem leu api digwam hak jug ba, dingon kinei-kinau kei.

NEHEMIA 9:1

Ug ei njap gi ningot can ba, bitai ei bed dima lene mben Israel yahagom induk yam kwei bisindui njita mem nituti poi ba, ijuk sinsun kron cem yahap dihyei ndung ei ibou nggram him cem di bindo bipia ittin ser ide sisar.

ESTER 4:1

Mpe di Mordekhai miap tut mun di buhun di tau kep yok dima lene rik nide sinsun di jo ningkekti rok him bijuk sinsun kron di bindo tut ningon di ngguk. Lene kam atriem bigimahap nibou leu api hwou ug ei minu ndig pmem Susan lene ningon ngguk bibor bipim kui jei sut,

AYUB 1:20

Lene Ayub kiju birik nide sinsun ei no him gi bindo bipia ningon ngguk bibor. Noni kak nibou nta leu api tti ug ei dihyeisi biba ningwak bikik dihyei,

AYUB 19:14

Dide bat nya kin dingon kieti nya yahagom yoom yo leu da ba, ingon prion ser da.

NIBWOS-BWOS NYENTI 2:10

Ndigpoi ndig nya igwam bbwe ei dihyeiti ba, ikam dihyei ndung bikes ei ibou nggram himti lene ijuk sinsun kron di bindo tut ingon di ngguk o! Sop gwam nitta pilei ningat nya cem igwam biyuhuk bou lene iba ingwak bikik dihyei o!

YEHEZKIEL 27:30

Ibipim tut mun di cut igkep nani lene iba ingon di ngguk bibor binso-nso nyen bipim nggruet cem. Ikam dihyei ndung bibigimahap ibou nggram him ba, irim bitoi atriem cem nok bindo tut ide ningon nggukti.

YOSUA 7:6

Lene Yosua kin nibou Israel nindigsi nya ingon ngguk bibor apino irik ide sinsun rok yo him drek dip leu api ikuk yok biba ingwak bikik dihyei ei bei tuhan De Brua Gi Preu nuhui him mem njap jei dima kikau bimmun kep ba, ikam atriem bigimahap ei ibousi nok bindo tut ingon di ngguk cem.

NINGAT-HI-NGAT NYA 18:19

Ikam dihyei ndung ba, ibigimahap ei ibousi cem ipim cem ingon ngguk bibor cem ba, yahara “Ayo! Ayo! Notou mem minu ndig di ninyeng jei dima i? Kiten kibar nya yahagom igyai mitiei nindig bibor tug hon ndig ban di nibok kui di itri bibipek mun ei minu ndig dima. Noro ndigban di minu ndig dima nyeng tut nya hagom sar mem jam gom ngat he!”

NIJAM NIKEI NYA 2:4

Niabiati malaikati dima pai biyok ne mben Israel yahagom ipim kui jei sut nihyet.

SAMUEL GI NIGOM 11:4

Lene yo di intek tut nihyet dima ikwei krau Gibea po Saul de minu pima. Tirigi itri tut mun di buhun dima lene timiei yahagom ingon cut leu bipim kui jei sut.

SAMUEL GI NIGOM 30:4

Apino noni kin nide tentara nya ingon ngguk bram yok nindig bibor bipim kui jei kikau ba, inghuisi mbris bram yok.

SAMUEL GI NIGOM 4:12

Lene tungwagom di nimbier kim keret Benyamin dor kikau kwei leu mpia po tentara ikon pran bit yam pima bikwei krau Silo ei njap gom ndia. Lene noni rik nide sinsun birik-ta bikam dihyei ei nibou nggram him nok bindo bipia ningon ngguk bibor.