AYUB 2:11 - ALLAH NIHYET MEM TUNGWATU NYA

¹¹ Tirigi mun di buhun bibor di cut igkep Ayub tibim ei nisut bat nya Elifas di timiei minu Teman kin Bildad di timiei minu Suah kin Zofar di timiei minu Naamah itingou nsi lene ibicom yam mem gima yuug gwam ser ningona.

AYUB 2:11 ပူးပေါင်းရင်းမြစ်များ

NITRITI 25:2

Lene Ketura gwam tut nipmot bat nya ibou muhwindagom bak Abraham ba, inyeng rino Zimran kin Yoksan kin Medan kin Midian kin Isybak kin Suah.

NITRITI 36:11

Lene Elifas nitnem yai nipmot bat nya ibou muhwi binoni ba, inyeng rino Teman kin Omar kin Zefo kin Gaetam kin Kenas.

NITRITI 36:15

Ayat dini yok pui sut mben nya di intun Esau him. Nipmot mighumbou Elifas nok pung di mben Teman kin Omar kin Zefo kin Kenas,

NITRITI 36:34

Tirigi Yobab niyaijo ngwig hon tu lene Husyam leu Teman ya luei nohoti bu.

NITRITI 37:35

Nipmot bat nya kin nipmisop bat nya yahagom igwam ser ningon noro noni kou sut bipai “Dingon ngguk bibor tut dipmot nimaisi kikau ba, duug bimai kep.” Lene noni pim kui jei sut nipmot kikau.

NIBOHON MBEN ISRAEL GI NIGOM 1:32

Abraham nitnem ndrim ninyeng Ketura. Abraham yai nipmot bat di Ketura srek tut yok nya di inyeng rino Zimran kin Yoksan kin Medan kin Midian kin Isybak kin Suah. Yoksan yai nipmot bat nya ibou can di inyeng rino Syeba kin Dedan.

NIBOHON MBEN ISRAEL GI NIGOM 1:45

Husyam di kwei leu minu Teman.

NIBOHON MBEN ISRAEL GI NIGOM 7:22

Icig Efraim ningon ngguk bram yok bidem njap ngwa hagom apino nikindig bat nya kin nikinjoi bat nya ikwei gwam ser ningon a.

AYUB 11:1

Leu api Zofar buhup “Hi dima mibuhup no di nikibou bei mbrai dini nihyet bi e? Aji di nggan bibor dima bindei ba, angon ngun e?

AYUB 13:4

Lewo jiba niris mun biku jide ningon mbumti. Jidem kep dokter nitrowai nya di ibindei ba, hi kei hanyen bi.

AYUB 15:1

Leu api Elifas sok kep Ayub bipai “Mun di asimbot dat dima yok bon ninyeng bi ba, ahyet nok bu tan! No di ningon ki hi gi simbot dat nok gima bi. Ba, noni miba nimbrapti di bon ninyeng bi dima bimbrap gau nonti bi.

AYUB 16:20

Disut bat nya iba ighyet bicig da bipa tut da cem. Diba nipim bisau ndam Allah ba, dahara Noni bimpu da.

AYUB 18:1

Leu api Bildad buhup “Ayub e, apig bu api akes ahyet ba, ambrap bu bi i? Gino agwam nyahan ba, amiap kep nyeni nihyet lene bon ipai ighyet biyam kan.

AYUB 19:19

Tirigi disut bat di ningon ce yam bi nya ingig igyai kep da lene idigit tut. Yo di dingon ngakei yok dor njiriek nindigsi nya iba ingha bak dani.

AYUB 19:21

He disut bat jen! Ma jingondut da o! Lewo Allah ba ninda bibui da.

AYUB 4:1

Lene Elifas pai,

AYUB 42:11

Ayub nikindig bat-nikinjoi bat nya kin nikwohop bat nya ikwei cem kep noni ba, yahagom ibon pesta nindig bibor. Yoni indo ingon di ngguk tut mun di buhun bibor di tuhan bindei di cut igkep Ayub hagom leu api igwam ser ningona. Lene bikwop tungwagom-gom yai mitiei kin siban mas bak noni.

AYUB 42:7

Niabiati tuhan mbrap bit Ayub tu lene Noni pai bak Elifas “Dingon sibui sut nani kin asut bat cin dima yok lewo jiji kipa tut Da bijipai mun di igbit bi. Noro Ditde awak di Ayub nipaisi rinok jipaisi dima bi.

AYUB 42:9

Elifas kin Bildad kin Zofar igyai hagom bit leu nok tuhan nicuk yokti leu api Noni buhup nadi di Ayub ngat kep yok.

AYUB 6:14

Mbro nok gino diba dinghim bak Allah Di Sindem Bibor tu e, he bigyo e lo, disuar disut ningat dima mpu da tirigi ninghuisi wei dini hwen da.

AYUB 6:19

Nimpung di ibri unta nya kwei leu minu Syeba kin Tema inggok minyei dima ba, ingon ya mem gima idut kep inggobiausi,

AYUB 8:1

Leu api Bildad buhup Ayub nihyet bipai “Apig bu api akes ahyet tut gi ambrap nok gima i? Ambrapti dima yok dem kep hou di bong biei mengti di nibimbi bong he.

NIPINGOK NINGONTI 17:17

Yo di ingon ce yam bi nya ingon gom tut yam. Noro adig-ajoi nya impu yam tirigi mun di buhun cut igkep yok.

NIPINGOK NINGONTI 18:24

Asut di ningon gom bi no rinaha noro no di jem nisut bit na bon ninyeng dor njiriek ade adig-ajoi nya.

NIPINGOK NINGONTI 27:10

Ma angon hou ser asut bat nya kin acig nisut bat nya au. Gino mun di buhun cut igkep na lene ma ahara ade bat hi kwei mpu na au. Yo di anttig-tta di ibong dideu na idem mem gima impu na nindig bibor dor njiriek ade bat di ibong minu ting bibor leu na.

YESAYA 51:19

Mun nyeng di buhun can cut igkep na. Pran di cut bindei ba, ade minu timek bisar lene limwa ade nya imai inggum cem. Hi di ngondut na bigwam ser angon bi.

YEREMIA 49:7

tuhan Di Sindem Bibor pai sut mben Edom “Mben Edom ipmem bat nya imiep ingon ba, ingon ki bi cem e? Bit bon yo di ipingok kep ingonti ipingok ingonti bu kan bi e? Ide ningon ki pror leu yok tu e?

OBAJA 1:9

Nikon pran cig nya ei minu ndig Teman yahagom ingon ttin bibor lene tentara mben Edom yahagom mimai nimbiam ningwig a.”

YOHANES 11:19

mben Yahudi imang bibor ikwei gwam ser Marta kin Maria ingon tut ikijam di mai leu yok tu.

ROMA 12:15

Ma jiyai nillei bit yo di ingon llei nya ba, jingon ngguk bit yo di ingon ngguk nya.

KORINTUS GI NIGOM 12:26

Gino nimbumbati gom ninghuisi wei lene wei bitut nindigsi nya cem ba, yahagom inghuisi wei. Gino hi nggei sut nimbumbati gom lene bitut nindigsi nya cem bibindei hagom ingon llei bibor bit.

IBRANI 13:3

Ma jiyok ngon kep yo di isima ei ig bui nsi tereu nok jisima bit yok. Ma jiyok ngon kep yo di igyai ninghuisi wei tereu nok jiyai ninghuisi wei bit yok.