AYUB 19:13 - ALLAH NIHYET MEM TUNGWATU NYA

¹³ Allah bindei ba, dikindig bat-dikinjoi bat nya yahagom imbres yonti leu da lene disut bat nya yahagom ikan bipia dani ne ngkiai.

AYUB 19:13 ပူးပေါင်းရင်းမြစ်များ

AYUB 16:20

Disut bat nya iba ighyet bicig da bipa tut da cem. Diba nipim bisau ndam Allah ba, dahara Noni bimpu da.

AYUB 16:7

Na di Allah abindei ba, dinghuisi sindem bi. Asindui sut ba, ditde ig bei nsi nya yahagom isar tu.

AYUB 42:11

Ayub nikindig bat-nikinjoi bat nya kin nikwohop bat nya ikwei cem kep noni ba, yahagom ibon pesta nindig bibor. Yoni indo ingon di ngguk tut mun di buhun bibor di tuhan bindei di cut igkep Ayub hagom leu api igwam ser ningona. Lene bikwop tungwagom-gom yai mitiei kin siban mas bak noni.

AYUB 6:15

Noro disut bat jen, bit bon diba dingon com je ba, dibram kui je kan bi. Lewo jinoyam kin mbang tirimpoi di pingge drek dip biget di but bi pimo.

AYUB 6:20

igyok ingon mem minyei noro ide niyok ningon memti dima pren hanyen tirigi ikwei krau mbang tirimpoi di nok nggileng dip hak.

MAZMUR 31:11

Diyai munti nya ngwig ei dinghuisi weisi ba, ditde njap cem mbut ei ninso-nso nyenti ba, dilua tut cem. Ditde nibon mun di kinei biborti bindei ba, nisindemti cut-cut nyen leu da bidinjum nya cem binggun.

MAZMUR 31:12

Ditde siceu nya kin yo di dinttig-tta nya yahagom ingwes pri gau da. Tirigi disut bat nya yuum da puig sinon lene inang lewo idigit tut da.

MAZMUR 38:11

Dingon digit-digoi ba, nisindemti ngwig hak leu da tu ba, diyai cem dindi.

MAZMUR 38:12

Dinggwenti bindei ba, disut bat nya imbres yo leu da. Adig-ajoi nya cem yoom yonti ei minu ting leu da.

MAZMUR 41:9

Ipai biyam “Nggwen buhun bibor. Bit bon noni kiju hanyen kan bi.”

MAZMUR 69:20

Akan tut bipia ditde siceu nya ighyet tigut da ba, inim kep da bico kep dinyeng cem. Angat ditde siceu dima yok tu.

MAZMUR 69:8

Lewo tungwatu nya inim kep da binjei mun nyeng mang bibor kep da drek dip anyenga.

MAZMUR 69:9

Dikindig bat-dikinjoi bat nya ibibon da nok ngkiai. Dide bat nya ibibon da noyam kin ibibon yo di hi ter nya.

MAZMUR 88:18

Ade nigga biborti dem kep minyei di su biyon ttai da bipukep ser bei doho bei cem ba, bikrop ttai da cem bijo njap jei.

MAZMUR 88:8

Angon sibui sut dati tak kep da bibor ba, agga da biborti tak kep da bidinnem-nnai.

NIBWOS-BWOS NYENTI 1:19

Dijem tentara di itti kin da pima yok lo, yaham imbuk kep da o! Imam nya kin nibou mien nya yahagom inggok njita mem gima igyem bibahati tut igyaisi noro imai kak simpak bidem minu ndig dini tu o!

NIBWOS-BWOS NYENTI 1:2

Ningon ngguk bipim mmun jei lene niyai nggwei kibor bisilipti ningyoi. Nisut bat di ningon kieti nya inang leu su ba, hi di joi sut gwam ser ningon bi. Nisut bat nya yaham imbuk kep noni ba, iba nitok bak cem.

MATIUS 26:56

Noro suar mun dini yok hagom pek kep mem nye leu binhyepo nabi nya ide nipas kepti ei Allah Nihyetti midem igbit.” Leu api yo di igya kui Yesus yahagom ikes Noni binang leu.

2 TIMOTIUS GI NICAN 4:16

Tirigi dimbrap gau danti ei nikei noho bei nipou ngig-ngat lene hi ya kui da bi noro yahagom ikes da binang leu da. Handei kon ba, ma Allah birop hanyen biyok drek dip igyai munti dima au!