AYUB 18:15 - ALLAH NIHYET MEM TUNGWATU NYA

¹⁵ Tini bu ne hiter bong ser nide prak meng nsi lene niabiati iba aspal ngei bigimahap mpia dima ba, ibidip tut no di nggwen nibongti.

AYUB 18:15 ပူးပေါင်းရင်းမြစ်များ

NITRITI 19:24

Lene tuhan kes hum kin belerang di cig-cai kros leu mpia-bbed him kep Sodom kin Gomora.

AYUB 15:34

No di sibut mibon nide nintun him yamti di bram yam nya bi. Gino ba mitiei nibingot kep tungwatu nyati biwin ig lene hum miyem ig dima bitimek bingwig.

MAZMUR 11:6

tuhan ba mun di buhun bibor kin hum kin aspal nggei kin hou di dut bibor di yem yok binggus bikes hukum ei yo di isibut bibor nya dip.

YEREMIA 22:13

Buhun bibor mem no di ba ningon di gom bi bingot nide ig lene ba ningon di sren bi bibindei ig dima bres. Buhun bibor mem no di cuk yo di ninttig-tta nya bigyai midyai lo, kwas imuhup tut yok bi a.

YEREMIA 49:18

tuhan mibindei sar minu Edom noyam kin gi Noni bindei sar minu ndig Sodom kin Gomora bitut minu mien ngot di jo ttai nya. Hi di bong ei mpia dima bu bi. Da di tuhan disimbot dat tu.

ZAKHARIA 5:4

tuhan Di Sindem Bibor pai bipia nisigionti dima micut igkep bikwop ninggimang mun cig kin neheng ugwai-gwai tug hon Nonti ninyeng cig ide ig a. Nisigionti dima micut igkep ig dima yok kikau bitimek biwer igkum kroi kep.”

LUKAS 17:29

noro njap di Lot nang leu Sodom ne hum kin belerang cut kros leu gwamti biyem nindigsi nya yahagom bingwig.

NINDAT KEP TUHAN NICUKTI NYA 28:24

tuhan mikes biget minyei di but kwei bi noro mikes niyap kin iggum di mbras noyam kin biget bibihwen je kikau ba, jibisar kep.

NINDAT KEP TUHAN NICUKTI NYA 29:23

Jide miaisi nya hagom mporo wer iggum ndigsi di belerang kin nsim ut kep. Dem mem ita mun eisi bi lene minta cem hei ei sirima bi. Jide minu midem kep minu ndig Sodom Gomora nya kin Adma Zeboim nya di tuhan bindei sar tirigi nigga biborti cig-cai.

NINGAT-HI-NGAT NYA 19:20

No di bri bigwam kuda nitiei dip kat mindhe di niten-pos dima kin nide nabi nitrowai di bon mindur nya ei mindhe noho bei. (No dini ba nide mindur nya biris yo di igyai mindhe di niten-pos de nitak bukti kin yok kin yo di ikuk yok bak nide kwar.) No di bri bigwam kuda nitiei dip com mindhe di niten-pos kin nabi nitrowai tut igyaisi ug ei muk hum belerang di cig-cai.

NINGAT-HI-NGAT NYA 21:8

Noro yo di ingwes ttin kin yo di itri Da kin yo di irom ndok kin yo di ihwen mun kin yo di icut tut yam kin yo di inda dut kin yo di ikuk yok bak kwar nya kin niris kep mun cig nya yahagom mitug ndei hukum ei muk hum belerang di cig-cai ba, gini ne nimai gi nican ri.”