AYUB 16:21 - ALLAH NIHYET MEM TUNGWATU NYA

²¹ Nnaba dingat nadi leu binhyepo no di mbrap gau da ei Allah Noho bei pima mbrap gau da noyam kin no di mbrap gau nide di ningon kieti.

AYUB 16:21 ပူးပေါင်းရင်းမြစ်များ

AYUB 13:22

Ambrap bibie leu api dibuhup hanyen biNa. Gi bi ne handei kon ba, dimbrap bibie leu api abuhup hanyen bida!

AYUB 13:3

Noro dijoi sut dimbrap tut ditde munhyet bit No Di Sindem Bibor bidimbrap gau danti tut munhyet di srou da ei Allah Noho bei.

AYUB 16:20

Disut bat nya iba ighyet bicig da bipa tut da cem. Diba nipim bisau ndam Allah ba, dahara Noni bimpu da.

AYUB 16:22

Ditde njap nikenti di jo yo mang bu bi su. Jei bi lene duug krau nohon keti bidingkwei hanyen bi sren.

AYUB 31:35

Tungwa hi ngig nitingou mem dihyet bi e? Diba neheng bipai bipia mun di tibim ei duhui him hagom ne nijit ri. Handei kon ba, Allah Di Sindem Bibor mibuhup dihyet. Gino no di tte tut da pas kep ditde nitunggweisi nya di noni pai kep da tut bidingat hagom bou diyai him lene,

NIBA NINGON SRIP HUKTI 6:10

Tungwatu nya ijem bibikwop mun di Allah pai tes nya hagom ninyeng tu. Nye di tungwatu ikan tut mun di bitut tungwatu. Lene ikan tut bipia bit bon isrep huk Allah di sindem njiriek nye kan bi.

YESAYA 45:9

Buhun bibor mem no di tte tut tuhan di pai tes noni. No dima noyam kin dibijig gom di srep tut no di bibon noni tu. Igtuyap hig ser noni “Aba da bibon mindei i?” Dibijig nso tut noni bipai “Angon mbum ba, abon da kan bi e?”

ROMA 9:20

He disut na e, nani ne tungwatu dihyeisi dini he ri! Ma ahap aji ba, abirop Allah nihyet au! Ma dibijig hig ser nibon dibijig cig “Nggon rino abon da bou anda him nok gini i?” E bi!