AYUB 16:19 - ALLAH NIHYET MEM TUNGWATU NYA

¹⁹ Dikan tut bipia no di mbrap gau da ningat rin ei gwamti. Noni miya hacan bipai sut da bipia dibon sisar bi.

AYUB 16:19 ပူးပေါင်းရင်းမြစ်များ

NITRITI 31:50

Lene Laban binut bu “Gino anghek dipmisop bat cin ba, awak atnem bat hi kin bu lene mbro nok gino dikan tut gima bi lo, Allah rino ngig niyai kep sa bikan tut tu.

AYUB 16:18

Na di dihyei dini e, ma aku nibon munti di kinei bibor di cut igkep da leu da au. Ma akimut anda ser da tut dihyet ei mpe dino dahara nikei mem gima ba ningon srenti bimbus dingonti au.

AYUB 19:25

Dikan tut bipia No Di Mbrap Gau da no rinaha ei gwamti. Noni mikwei mem njap ningwig honti bimbrap gau da ei dihyeisi dini.

AYUB 31:2

Notou Allah Di Sindem Bibor bibon nye di tungwatu nya i? Noni ba mindei birop hanyen binye tut igyai munti nya i?

MAZMUR 113:5

Tou rinoyam kin ide tuhan Allah i? Noni kui bigwam ei Nide banggo mbrei dip ei mpia di anai.

MAZMUR 148:1

Jinggei sut tuhan! Jikwei ba, inggei sut tuhan! Je di gwamti e, ma jinggei sut tuhan! Je di jibong ei ginyo kug e, ma jinggei sut tuhan!

MAZMUR 89:37

Nide ninyeng tak kep limwa nyati mijo kikau bibou mpia com nimig bu bi ug e. Nide di intun noni him di bram yam nya migya luei nohoti binok nibou ndig bu sindam bijo ninno bijo kikau.

ROMA 1:9

Tirigi dingat nadi lene dingon prion ser je bi. Allah ngat bou niyai him bipia dipaisi dima ne nijit-jau ri. Noni ne Allah di diba dijoi biborti biyai kep Nide midyai nya tirigi ditri tut Nihyet Di Kei tut Nipmot ri.

ROMA 9:1

Kristus nyeng tut da ba, dipai jit bidibicum bi. Allah Ninnei di ninyeng tak kep dingon mien bindei ba, dingon ngkiem tirigi dipai bipia,

KORINTUS GI NICAN 1:23

Dikos tutti nya hagom jo nibreisi bou Allah niyai him. Noni kan tut dingon kanti nya hagom bikan tut bipia dihwou ngat je ei minu ndig Korintus bi leu binhyepo dibiyai jingon di buhun bi.

KORINTUS GI NICAN 11:31

Allah dino Tuhan Yesus Nicig kan tut bipia dibicum tut gima bi. Ma tungwatu nya ikon Allah ninyeng bijo ninno bijo kikau!

FILIPI 1:8

Allah ngat bou niyai him bipia dipai mingat bije mpe dino dipai bipia dingon ya mem je tug hon ningon ngakeisi di ntun Kristus Yesus Nonti ningon ngakei jeti him.

TESALONIKA GI NIGOM 2:10

Jingat bou jiyai him bipia tirigi ningat rin ei je di jingon jo kep nya jikieti lene nyende niyaijoti kwes-kwau cem ningon sren cem niyai mun tunggwei hi bi cem ba, Allah cem ngat gima bou niyai him.

TESALONIKA GI NIGOM 2:5

Jikan tut mungkun bipia niba ninsi di mmau biris bije ba, nibiti ninda binitindei kep jindati tut mun nyeng hi bi. Allah ngat gima brei bou niyai him.

SAMUEL GI NIGOM 12:5

Gima rino Samuel pai biyok “Njap di ammani ne tuhan kin nibou ndig di Noni ndo ei su yahacem imiap jibuhupti ba, jo nibreisi bipia dingon ngun.” Lene yo dima ibuhup “I, tuhan miap nyeni nihyet tu.”