AYUB 14:18 - ALLAH NIHYET MEM TUNGWATU NYA

¹⁸ Mimbrek-mimbrek lene nungug nya hagom mitti bingwig. Bor ngug di nddong kei nya cem hagom mison leu nijoti.

AYUB 14:18 ပူးပေါင်းရင်းမြစ်များ

AYUB 14:17

Mporo ma akos ser ditde sisar nya leu api acom hagom ba, aciu ser mun di diyai tunggwei di nipou nya hagom bingwig.

AYUB 14:19

Minyei di biam sindem micit tig bingwig ba, biget di mbras sindem mibiam tut dihyei. Nok gima cem abindei ba, mun di tungwatu nya igyok ingon mem nya timek bingwig.

AYUB 18:4

Ade niggati dima bindei ba, angon sibui apino atug ndei ninghuisi wei. Suar dihyeisi dini bitut tungwatu di ibong niti nya isar hak ba, nungug nya son leu nijoti lene gima bindei ba, angon cut hon e?

YESAYA 40:12

Tou risindem mem gima tau muk ngei ei ninda bia bei ba, nai nibuhunti i? Tou risindem mem gima ba ninda ninyanti bibinai mpia-bbed him nijeisi i? Tou risindem mem gima ba mok bitau dihyei ndung titut yam i? Tou risindem mem gima kon nungug him kin nungug tou nya ei kiloti bibinai nibuhunti i?

YESAYA 54:10

Mbro nok gino mbigdip nya kin nungug tou nya ugwa-kwei bitti bingwig lo, midingon ngakei na bidingon kwes kin na bit leu nok dipreu ei mem nati bijo ninno bijo kikau.” Nihyet dima tibim kwei leu tuhan di ningon ngakei na nuhui him.

YESAYA 64:1

tuhan e, ma abindei ba, mpia-bbed him rik hacan leu binhyepo akinyon kwei ei dihyeisi dini. Abindei ba, nungug nya ugwa-kwei ei Aho bei,

YEREMIA 4:24

Diyai bong kep nungug tou kin mbigdip di anai nya bidingat lo, hagom ugwa-kwei nindig bibor.

MATIUS 27:51

Ban mbrawin di ipindur ei Tuhan De Ig rik hacan bipek guhu bipek gimu. Dihyei mun brim ba, hak cem ki hacan.

NINGAT-HI-NGAT NYA 20:11

Gima ngwig leu lene dingat banggo mbrei nitiei di nindig bibor kin No di gwam dip. Dihyeisi kin mpia-bbed him pror hak leu No dima Noho bei ba, ingat gima yok bu bi sren.

NINGAT-HI-NGAT NYA 6:14

Mpia-bbed him cem pror hak nok srat di ikijum ba, nungug nya kin mios nya hagom son leu nijoti.

NINGAT-HI-NGAT NYA 8:8

Tirigi malaikati gi nican miep nide pun mbrei lene mun di nindig krop dem kep nungug ttou di ninjeng cig-cai cut ug ei muk ngeisi mu bibindei ba, muk ngeisi nittou nsi gom dem kep nggrom noro nittou nsi can jo.