AYUB 14:12 - ALLAH NIHYET MEM TUNGWATU NYA

¹² No pima cem mai bihyen hanyen kan bi. Hi miwin noni mem nijam di mpia-bbed him jo nijoti bi sren. Noni mikiju hanyen leu nibong maisi bi sren.

AYUB 14:12 ပူးပေါင်းရင်းမြစ်များ

AYUB 3:13

Gino dimai hak mem njap pima lene njap di ammani dibong kep dinghuisi ei jui dip,

AYUB 30:23

Dikan tut bipia akri da ug ei minu nimai ide. Gima ne mpia di mporo yo di yahagom midem yam eisi ri.

AYUB 7:21

Bit bon akos ser ditde sisar bi sren e? Dem tut gima adip tut ditde sisar bi sren e? Jei bi ne midiprion dingut ei jui nsi apino mporo anggok da lo, angat dingat bu bi sren.”

AYUB 7:9

Noyam kin bumbuhui di jun mpia lene pren hanyen ba, tungwatu nya cem mporo imai lene igingkwei hanyen kan bi. Yo di ikan tut noni nipou yo yahagom ibbwe ser noni bihigom. Igiyok ngon kep no dima bu bi.

MAZMUR 102:26

Nipou yo lene apai tes dihyeisi dini ba, mpia-bbed him cem anda ceti di abiyai ri.

MAZMUR 90:5

Lewo akri tungwatu nya ug ei jui nsi. Igyaijo nijeisi dem kep nok mumpriem gom ngat nijeisi. Nahagom ninok mintu-minta susti di bon nikioi mem njap bigyoti ba,

NIBA NINGON SRIP HUKTI 11:8

Gino ade njap kum eisi lene ma apai sigyo. Noro ma ayok ngon kep bipia mbro nok gino ayaijo jei bibor ei dihyeisi dini lo, ade nijam di angat rin ei minu nimai nya ide mijo ninno dor njiriek bu. Ba, mun di mipek kep mem nye ei niabiati bu jo ku. Bit bon ingon dorti tut mun dima yok kan bi.

NIBA NINGON SRIP HUKTI 12:5

Mpe dima lene gino akui ug ei mpia di jo anai bibor ne ayai minang ba, anyohou mbut cem. Mpe dima lene abou tiei ba, amig buhun cem. Mpe dima lene angut kanti nya mipren bingwig leu api angon pri kep ndiyok bu bi. Tungwatu nya yuug ei ibong kepti gi ningwigsi ba, tungwatu di ingon ngguk tut yok nya sindi ipim-pim nyen kak puigya.

YESAYA 26:19

Ade limwa di imai su nya migyai niyaijo hanyen ba, ingut di mai su nya mikiju hanyen. Yo di nitig yok tu nya mikiju hanyen bimbos-hi-mbos. Awin Ade limwa di imai mimbrek ngan tu nya ba, ayai niyaijo hanyen biyok noyam kin nggou di kwek dihyei ninghuisi.

YESAYA 51:6

Ma jicap mpia-bbed him bijitou kep dihyeisi. Mpia-bbed him mipror bidem hum mmup di brou lene dihyeisi dini mikinei bidem sinsun timiei. Timiei dihyeisi dini yahagom midem kep amihip di mai. Noro niteu ningwes ngunti di kwei leu Dani jo ninno bijo kikau. Ditde nibindei timek siceusi nya muug hon nohonti bi sren.

YESAYA 65:17

tuhan pai “Midipai tes dihyeisi kin mpia-bbed him di nijep bu leu api mun di pek kep mem tungwatu nya nipou su hagom mipror hanyen bipren leu ibou ngwakti.

YESAYA 66:22

Jide nintun him di bram yam nya kin jide keret ninyeng mijo bingkiem-kiau kikau noyam kin mpia-bbed him di nijep kin dihyei di nijep di jo ngkiem-kiau tug hon Ditde nisindemti.

DANIEL 12:2

Imang bibor di imai nipou su nya igyai niyaijo hanyen bu ba, bihi itug ndei niyaijo kikau lo, hiter bu itug ndei nimmai sut yonti bijo ninno bijo kikau.

MATIUS 24:35

Mpia-bbed him kin dihyeisi dini misar noro Da dihyet misar bi sren.”

KISAH 3:21

Suar Yesus gwam nyahan ei gwamti bibou jam dem mem gima Allah pai tes mun di hagom nijep-jau bu ug e. Gima hagom bit leu nok nihyet di Noni tri tut tug hon Nide nabi di ingon kwes-kwau nya mimbrek ngan tu.

ROMA 8:20

Lewo Noni sindui sut nipai testi hagom ba, nna ei. Nipai testi kos tut nok gima bi noro Allah kos tut nok. Mbro nok gima lo, Allah yok Ningon mem,

EFESUS 5:14

Lewo mun hagom di tungwatu nya ingat biput kei dima ne nipigati ngat ri. Gima rino tungwatu nya itri tut a He na di abong mai e, ma ada ayai ba, akiju leu nimai eisi! Kristus ninjeng mipiga digai na ri!

PETRUS GI NICAN 3:7

Noro Noni ba nicukti dima bibet mpia-bbed him kin dihyeisi dini ei mem hum di miyem bitimek bingwig ei njap ningwig honti. Mpe dima lene Noni mikes hukum ei yo di isibut nya dip ba, bindei sar yok bingwig hak ug.

NINGAT-HI-NGAT NYA 20:11

Gima ngwig leu lene dingat banggo mbrei nitiei di nindig bibor kin No di gwam dip. Dihyeisi kin mpia-bbed him pror hak leu No dima Noho bei ba, ingat gima yok bu bi sren.

NINGAT-HI-NGAT NYA 21:1

Gima ngwig leu lene dingat mpia-bbed him di nijep kin dihyei di nijep bu. Mpia-bbed him nitimiei kin dihyei nitimiei hacem pror bitut muk ngeisi cem ba, hagom sar bihigom.