AYUB 13:15 - ALLAH NIHYET MEM TUNGWATU NYA

¹⁵ Dingon cut leu su! Nna ug! Gino Allah kos tut mem gima yai nimai bida lene dikes danti ei nindati. Mbro nok gima lo, midimbrap gau dibon munti nya ei Noho bei.

AYUB 13:15 ပူးပေါင်းရင်းမြစ်များ

AYUB 10:7

Ningat ne akan tut ba, angon huk niti cem bipia dibon mun di igbit he bidiyai mun tunggwei bi. Akan tut bipia bit bon hi dima sindem mem gima teu da leu anda nsi bidingwes ngun kan bi.

AYUB 13:18

Ditin ei mem gima dimbrap gau munhyet di bitut danti. Dikan tut bipia bit bon Allah pai kep da drek dip kan bi!

AYUB 13:3

Noro dijoi sut dimbrap tut ditde munhyet bit No Di Sindem Bibor bidimbrap gau danti tut munhyet di srou da ei Allah Noho bei.

AYUB 16:17

Noro diba nisibutti bibon mun hi bi. Jo nibreisi bipia diba dingon sren bingat nadi bak tuhan.

AYUB 16:21

Nnaba dingat nadi leu binhyepo no di mbrap gau da ei Allah Noho bei pima mbrap gau da noyam kin no di mbrap gau nide di ningon kieti.

AYUB 23:10

Mbro nok gima lo, Noni kan tut dimbutti kin dicoti nya hagom. Gino Noni bingon da dem kep nok tukan di ikinding mas pimbai kei lene mijo nibreisi bipia dingon kwes kei.

AYUB 27:5

Midipai ei duhui him bipia jibuhup bidati pima igbit bi sren. Midikrau kep dingon srenti kikau ba, duug bimai kep.

AYUB 40:8

Abingon mem gima acuon ser Ditde ningon sren-srausi e? Ambrap gau nanti angon di sren lo, anjei mun di kinei kep Dani e?

AYUB 7:6

Diyaijoti ne mikui-kausi rin bimbut sindem ndam ningwig honti. Nimbut sindemti dima dor tunggwei mong naham di tukan minghas bindei mbut bibien minghas a.

MAZMUR 23:4

Mbro nok gino dikes da kak puig di dindi-kai lo, mididigit tut bi lewo Na di tuhan angat rin bit da. Aya srak ko hagau da noyam kin gembala di ba tom kin biap tindak binyohou domba nya.

NIPINGOK NINGONTI 14:32

Yo di isibut igyai munti di kinei nya bindei ba, isar noro yo di ingon kwes kei nya igwam coi ide ningon srenti.

YUNUS 2:1

Tirigi Yunus gwam ei wau ninghopti lene noni ngat nadi bak tuhan di nide Allah bipai,

HABAKUK 3:18

midingon llei bibor kikau lewo Na di tuhan Allah ateu da bidingwes ngun.

YOHANES GI NIGOM 3:20

Gino ingon mien paisi pai kep nyenti lene ma igyok ngon kep bipia Allah sindem njiriek ingon mien paisi dima ba, Noni kan tut mun nyeng hagom.