AYUB 12:14 - ALLAH NIHYET MEM TUNGWATU NYA

¹⁴ Bit bon hi ngot mun di Noni nggek bingwig hanyen kan bi. Bit bon hi kwek no di Noni bindei sima hanyen leu ig bui nsi kan bi.

AYUB 12:14 ပူးပေါင်းရင်းမြစ်များ

NITRITI 7:16

Ba, hagom bit leu nok Allah nicuk Nuhti leu api tuhan Nonti nggam mbou ei Nuh ninghim dip.

AYUB 11:10

Gino Allah kat na ug ei nikei noho bei lene tou ribrim ningkek bibigen ser No di yai nibou tut mun dima i?

AYUB 16:11

Allah kes da ei yo di isibut nya indati. Lene bicut da ei yo di ibon mun hacican indati cem.

AYUB 19:10

Noni bui kikep da ei dite hi ei dite hi. Noni hom mun di diyok dingon mem nya hagom dem kep nok no di hom njita kioi tut nigau nya bikes ei ba, jei bi ne mui ri.

AYUB 37:7

Tug hon nisinati dima ne Allah bindei ba, tungwatu nya ikes hon bigyai kep ide midyai nya bi. Leu binhyepo ingon hukti bipia ninda no jo kep midyai di yai nya.

NIBA NINGON SRIP HUKTI 7:13

Ma abisrip huk Allah de midyai nya. Tou rima pu mun di Allah bindei ba, koi su bisren hanyen i?

YESAYA 14:23

Midibindei minu Babel binok dumti di hapug bong ser. Midicok tut mben Babel nipwoi a. Da di tuhan Di Dinyeng Jei Bibor disimbot dat tu.”

YESAYA 22:22

Noni miyai nisindemti titut yam ei nibou ndig di ntun Daud him ninda behei. Noni mikrau kusin mem minu ndig dima ninyeng tak kepti cem. Gino noni kau leu lene bit bon hi dima nggam kep kan bi. Lene gino noni nggam ser lene bit bon hi dima kau leu kan bi.

YESAYA 25:2

Abindei timek minu ndig nya ba, anggek tentara nibousi di igya coi nya bisinsiou cem tu. Ig nibou ndig di ngkiai nya iwin dima sar hak. Lene iwin hanyen bu bi bijo ninno bijo kikau.

YEREMIA 51:58

Midibindei timek minu Babel de ngug tig di sindem bibor nya ba, sur yam kin dihyei ninjek dip ri. Dindig dimbou pmem di jei ndig krop nya hagom ningwig a. Ngkiai nya icom yahanggwap mikui-kausi he. Lewo hum miyem midyai di icom yahanggwap tut nya hagom yo. Da di tuhan Di Disindem Bibor disimbot dat tu.”

YEREMIA 51:64

Ba, abipai ‘Gima ne mun di bindo tut hukum di micut igkep minu Babel ri. Mun di buhun di tuhan kes ei minu Babel dip mibindei sar minu dini ei minyei jou ba, bit bon piar hanyen kan bi.’ ” Yeremia nihyet di pai nya nohonti ndia ri.

YEHEZKIEL 26:14

Gi ndi dikes ei rino tig bou ngwak gom ngat he. Ba, gima nok mpia di nipos kep wau cig nya idis kep ide jala nya eisi ri. Hi dima miwin minu ndig dima hanyen bu bi. Da di tuhan Di Dinyeng Jei Bibor disimbot dat tu.”

MALEAKHI 1:4

Gino yo di intun Esau him icuk yam bipai “Ide minu dini timek bingwig su noro jikwei ba, iwin hanyen bu.” Leu api tuhan buhup “Nnaba iwin ide minu hanyen hak ug leu api dibindei ba, hagom timek bingwig hanyen bu. Tungwatu nya mijem minu dima ‘Minu Di Kinei’ kin ‘Mben di itug ndei tuhan ningon sibui sut yokti bijo ninno bijo kikau.’ ”

ROMA 11:32

Lewo Allah nggam tungwatu yahagom ba, isima noyam drek dip gi ibit nihyet bi. Ninggam yokti dima bon nikwesti mem Noni ngondut yahagom.

NINGAT-HI-NGAT NYA 3:7

“Apas srat dini bak malaikati di buhup tut mbusyamei ei minu ndig Filadelfia. Nipas kepti dini kwei leu No di kwes-kwau di ningon gom. Noni krau kusin di Daud krau. Gino Noni kau dimbou ne bit bon hi nggam mbou hanyen kan bi. Gino Noni nggam mbou ne bit bon hi kau dimbou dima hanyen kan bi.

SAMUEL GI NIGOM 17:46

Njap di ammani ne tuhan mikes na ei dindati bibindei ba, acut bak dani leu api midirop abou leu ug ri. Lene midikes angut kin tentara Filistin ingut ei mem ha nya bipuk lene mindhe nya bibriug. Leu api tungwatu dihyeisi dini hagom mikan tut bipia nye di mben Israel nibon nyende Allah di nikuk nye bak.

SAMUEL GI NIGOM 24:18

Leu api pai bak Daud “Dwai! Angon sren lo, dibon mun tunggwei sut na. Mbro nok gino dimbuk tut na lo, aba angon di nggriu bibirop bida.

SAMUEL GI NIGOM 26:8

Lene Abisai pai bak Daud “Allah kes ade siceu ei andati mem mmun dini tu. Ma ace tut bidiba nonti nide micim bidat ningut bikus nite hi leu ba, tibim dihyeiti hak ug. Didat noni mbican bram yam bi noro mbigom ngat bimai hak ug.”