AYUB 11:7 - ALLAH NIHYET MEM TUNGWATU NYA

⁷ Bit bon akan bidem tut Allah ningon bei kanti nya kan bi. Angon huk niti tut Nide nisindemti cem kan bi.

AYUB 11:7 ပူးပေါင်းရင်းမြစ်များ

ROMA 11:33

Allah nisingat tut nye di tungwatuti kei ngat kei! Ningon kiti cem tot buti! Noni kan tut mun nyeng hagom. Bit bon tungwatu nya igyok igyai kep Allah nikos tutti ba, ingon dorti tut Allah niyai kepti nya kan bi!

NIBA NINGON SRIP HUKTI 3:11

Noni bon nituti di kei mem mun di pek kep nya hagom. Noni bindei ba, illei sut gino ikan bidem tut mun di mipek kep ei nidipti bu noro bit bon nyeni ingon dorti tut Nide niyai kepti nya ei nimbie him kikau ug bipek ningwigsi kep kan bi.

MAZMUR 145:3

tuhan ninyeng jei bibor. Gima rino ma tungwatu nya inggei sut Noni nindig bibor. Bit bon nye di tungwatu ingon dorti tut ninyeng jeisi kan bi.

EFESUS 3:8

Allah de limwa nindigsi nya yahagom inyeng jei dor njiriek da lewo dibon dinyeng bi. Mbro nok gima lo, Allah ba ningon com da tut midyai di bon ninyeng. Midyai dima ne midyai nitri tut Nihyet Di Kei tut mun di bitut Kristus di bon nibok di bit bon ug hon nohonti kan bi bak ngkiai nya.

YESAYA 40:28

Mei! Jikan tut bijimiap tut bi e? tuhan ne Allah di niyaijo ninno bijo kikau ri. Noni pai tes dihyeisi dini titut yam. Ninghuisi wei ba, ninda mbris bi sren. Bit bon nye di tungwatu nya ikan bidem tut ningon kanti nya kan bi.

MAZMUR 77:19

Kru cut ba, nugwei bong. Kigyei ninjeng srei ba, dihyeisi dini ugwa-kwei bidigit tut cem.

AYUB 37:23

Ide Allah de nisindemti nindig bibor. Isindem mem gima idideu Noni bi. Ningon sren-srau lene ba ningon di gom bibon tungwatu nya bijo ninno bijo kikau. Noni co kep tungwatu nya bi sren.

AYUB 5:9

Allah de midyai nya hagom dor tunggwei bibor. Bit bon singon dorti tut kan bi. Bit bon sikwop kep Nide mindur nimangti kan bi lewo mindur dima ngwig hon nohonti kan bi.

KORINTUS GI NIGOM 2:16

Bit leu nok gi ipas ei Allah nihyetti, “Tou rikan bidem tut Tuhan ningon kanti i? Tou ringginau Noni bipingok ningonti i?” Noro nyeni imbun nikanti di noyam kin Kristus nikanti!

KORINTUS GI NIGOM 2:10

Noro Allah ndo ningon kanti di jo nding brei binye tug hon Ninnei. Allah Ninnei pigot bram mun nyeng hagom kikau ug bipek Allah ningon kanti di jo nding bibor cem.

MATIUS 11:27

Dicig yai mun nyeng hagom biDa tu. Dicig Nongkom kan igbit tut Nipmot ba, Nipmot kan igbit tut Nicig. Gino Nipmot ndo Nicig brei bak tungwatu nya lene yo dima cem ikan igbit tut Noni.

AYUB 26:14

Noro gima yok hagom ne mun di biyai hamem ingonti tut Nide nisindemti ri. Gima ne nahamuisi he di tibim ei nyeni itingou nsi ri. Nyeni ingon di huk niti tut Allah kin Nide nisindemti di nindig bibor poi mien bibor he!”

AYUB 22:12

Apo Allah gwam ei gwamti anai ba, tou kep nimo jug bingat ham mpia-bbed him ei gimu bi e?

AYUB 33:12

Ayub e, angon kanti dima tunggwei bibor. Lewo Allah nindig njiriek tungwatu leu gi simbot kep mun nyeng hi bit tungwatu nya.

AYUB 33:13

Nggon rino apai kep Allah bipia Noni gimiap tungwatu nya ighyet di ilua kwop bi i?

AYUB 36:26

Allah dia-diau jit ba, bit bon nyeni ingon dorti tut Noni kan bi. Bit bon ikwop Nide ari bingwam nimangti cem kan bi.

AYUB 37:5

Mindur nya pek kep bit Allah nicukti. Bit bon nyeni ingon dorti tut Nide mindur nya kan bi.

NIBA NINGON SRIP HUKTI 7:24

Tou rino ningon dorti tut tungwatu nya ide niyaijoti i? Munhyet dima jut bibor ba, dem mem gima ingon huk niti kan bi.

AYUB 27:11

Jisindui sut bidingginau je tut Allah nisindemti di nindig bibor. Midipai sut No Di Sindem Bibor ningon kanti di tin ei cem bije.

AYUB 35:5

Ma acap ug ei mpia-bbed him! Angig ayai kep bumbuhui di jo anai nya!

AYUB 42:3

Gi po ahig ser da “Na di aba ahyet hou cem ahyet di nok bu tan cem ahig bikiek dingon di ki e, anyeng tou i? Lene dibuhup ahyet bidipai dat mun di dingon kiowi tut kin mindur nya di bit bon dingon dorti tut kan bi.

MAZMUR 139:6

Bit bon dingon dorti tut angon kanti nya di bitut da kan bi lewo hagom jut bibor.

NIPINGOK NINGONTI 30:4

Tou rikui ug ei gwamti bijuk hanyen kwei su i? No dima kat hou nimig ei ninda bia bei tu e, he tau minyei binggai hagom ei nide sinsun nindati tu e, he kos tut dihyeisi dini nohon keti nya e? Gino akan tut no dima ninyeng kin nimunggwom bat nya inyeng ne tou yo i?