AYUB 1:8 - ALLAH NIHYET MEM TUNGWATU NYA

⁸ tuhan hig ser noni “Angig ayai kep Ditde awak di Ayub tu e? No dima ningon gom ba, ningon kwes dor njiriek tungwatu dihyeisi dini hagom. Noni kuk no biDa bimbres no leu mun di kinei hagom cem.”

AYUB 1:8 ပူးပေါင်းရင်းမြစ်များ

NIBOU NDIG NYA GI NICAN 23:25

Nibou Ndig Yosia ba ningon titut bibit nikos tutti ei Srat Musati tug hon gi ba nide niyai munti nya kin nisindemti bikuk no bak tuhan nok gi kei bibor dor njiriek nibou ndig mben Israel di nipou nya kin gi igya abia kep noni cem yahagom.

NEHEMIA 5:15

Nibou hanjop di igyai midyai nipou tirigi diyai midyai bram yo bigyo dima yahagom ikes mun di buhun ei limwa nya inghat dip bibrim mitiei perak ningot bitai bikwop njap-njap mem njita kin ba anggur ngei leu yok. Lene yo di igya kui nibou pima yok cem ico kep limwa nya. Noro dittin tut Allah bidikuk da bak. Gima rino diyai bram igyaisi dima bi.

AYUB 1:1

Ayub bong ei Us. Noni kuk no bak Allah biningon gom tut Noni. Ayub ningon sren bimbres no leu mun di kinei hagom.

AYUB 12:4

Mbro nok gino dibon mun di igbit ba dingon kwes lo, disut bat nya kin dingon kieti nya ipa ndip da. Nipou ne Allah buhup ditde nadi mpe dino dahara Noni.

AYUB 2:1

Bitto bou dem mem mun di tuhan pai tes nya ei gwamti induk yam kwei hanyen bigya ei Noho bei. Lene Bilis cem ningat rima ei ikieti.

AYUB 2:3

tuhan hig ser noni “Angig ayai kep Ditde awak di Ayub tu e? No dima ningon gom cem ningon kwes cem dor njiriek tungwatu dihyeisi dini hagom. Noni kuk no biDa bimbres no leu mun di kinei hagom cem. Mbro nok gino abrim angkek kep Da leu binhyepo disindui sut ba, abingon noni mikui-kausi pima lo, ningon gom tut Da kikau.”

AYUB 34:14

Gino Allah brim tungwatu nya innei leu yok lene biyai ninnei niyaijo hanyen leu yok,

AYUB 8:20

Noro Allah gikes yo di ingon gom ei bi sren. Noni gimpu yo di ibon mun di kinei bibor bi sren.

MAZMUR 18:23

Dibit Nide nikos tutti nya hagom. Digitunggwei sut nicukti nya bi.

MAZMUR 34:14

ma noni pijuk nidwep ser nhyema pai tungwatu nya kinei biris mun au.

MAZMUR 36:1

Doia Daud di tuhan de awak mem no di bie tut doia nimpung.

MAZMUR 37:27

Jimbres jenti leu sisar lene ma jiyai kep jiyai munti di kei nya leu api jide nintun him yamti di bram yam nya mibong kei migwam kei ei idihyei bijo ninno bijo kikau.

MAZMUR 84:11

Gino dicem kep Ade Ig mem njap gom ngat he lene gima kei dor njiriek gi dingat rin ei mpia ttou nsi hiter mem mmun-njap sribu gom a. Dijoi sut gi di ya ser dimbou pmem ei Allah De Ig leu gima dibong kei digwam kei bit yo di isibut nya.

MAZMUR 89:20

Ambot kep bak ade awak di ingon gom nya tug hon ningat-hi-ngat mimbrek ngan tu “Dimpu tentara di ninyeng jei gom. Dita no di didimig leu ditde limwa nya ikieti ei banggo mbrei tu.

NIPINGOK NINGONTI 8:13

Nikon tuhan ninyengti noyam kin ningon mpo tut mun di kinei. Dingon mpo tut yo di ingon jei nya kin yo di illei-lau sut yonti kin yo di igyai kep mun di sibut kin yo di iris mun igkei yahagom.

YESAYA 1:16

Ma jibon midut di bindei ba, jingon tiei kei. Ma jikes hon ba, jibon sisar bu au. Igbit ri! Ma jibon sisar bu au!

YESAYA 42:1

tuhan pai “No dini ne Ditde awak rin ba, dahati tut noni bididimig noni ei cem ba, dingat dingwes ei noniti. Midikes dinnei ei noni dip leu api noni mitri tut ningon sren-srausi bak ngkiai nya gom-gom ei dihyeisi dini hagom.

YEHEZKIEL 40:4

Bipai bida “Na di tungwatu di ayaijo kikau bi e, angig atingou mem dihyet mungkun kei ba, angig ayai kep mun nyeng hagom di dindo bina. Lewo Allah buwak na kwei mem gima atri tut mun nyeng hagom di angat bou ayai him bak mben Israel.”

MBEN ISRAEL IMBUT-MBUT NYEN 12:3

Tut Musa ne noni ba nibou coi mem tungwatu nya nindig bibor dor njiriek tungwatu dihyeisi dini hagom.

YOHANES 1:47

Yesus ngat Natanael di kwei ndam Noni lene pai sut noni “Jingat i! No dini ne mben Israel ningat-ngat rin ba, niris mun bak tungwatu nya jo ei Noniti bi.”

YOSUA 1:2

“Ditde awak di Musa mai su. Ma nani kin mben Israel jahagom jitin ei mem gima jisigon Minyei Yordan leu binhyepo jicoi ug ei minu di midiyai biyok.

YOSUA 1:7

Ma angon nddong ba, abrim angkek cem lene ata abou ei nicukti po Ditde awak Musa yai bije pima titut yam. Ma jikrau tunggwei puig di dicuk je tut nya au. Gi nok lene jide niyai munti nya hagom mingat ningat di kei bibor.