AYUB 1:5 - ALLAH NIHYET MEM TUNGWATU NYA

⁵ Mpe di igyem pesta ba, ngwig binjap kep lene Ayub kiju mem ha yausi leu api bon midut nibiyai ningon kwesti mem nimunggwom bat nya bibindei ba, ingon kwes kin tuhan. Lewo noni kan bipia hi rima simunggwom gom bon sisar ba, nihyet wer mpiahi tut Allah e? Sikan tut bi.

AYUB 1:5 ပူးပေါင်းရင်းမြစ်များ

NITRITI 22:3

Njap bigyoti bu lene Abraham kiju birop biei mem gima ndig ei nimbar hum dokti bikes ei keledai gom dip leu api buwak Ishak kin nide awak nya ibou can ba, yuug ei mpia di Allah mbot kep binoni tu.

NITRITI 6:5

Tirigi tuhan ngat lo, tungwatu dihyeisi dini yahagom imbuk bibor ba, ingon kanti titut yam kinei bibor kikau lene,

NITRITI 8:20

Lene Nuh dingug tig nindig bijo-jo yam dip bibingon nok nimbar hum dok leu api bui mindhe-ndhe kin ha di map kui bi nya hi gom hi gom bidigo leu api ndig hagom bak tuhan eisi.

NIBOU NDIG NYA GI NIGOM 18:31

Noni bei tig nindig nindak simnaibrimigcan. Tig nindak gom mem bibikwop Yakub po tuhan jem ninyeng Israel pima nipmot bat nya lene nok.

NIBOU NDIG NYA GI NIGOM 21:10

Lene ma jikes jihyet bak yo di imbuk nya ibou poi leu binhyepo ipai kep noni drek dip gi nihyet wer mpiahi tut Allah kin nibou ndig. Lene ma jikri noni ug ei minu ndig nisai bijiba tig biyai nimai bak drek dip nihyet di wer mpiahi dima.”

NIBOU NDIG NYA GI NIGOM 21:13

Lene yo di imbuk nya ibou poi ipai kep Nabot bipia nihyet wer mpiahi tut Allah kin nibou ndig. Gima rino ikri noni ug ei minu ndig nisai lene iba tig biyai nimai binoni hak ug.

NEHEMIA 12:30

Imam nya kin Lewi nya dima yok ibon midut nibindei pwoi yonti nipou ug e leu api ibindei pwoi limwa nya kin dimbou pmem nya kin ngug tig ttai minu ndig dima cem.

AYUB 1:11

Noro gino apos mun di noni nyeng tut nya hagom bingwig leu noni lene mbigom nihyet miwer mpiahi tut Na di tuhan hak ug!”

AYUB 1:4

Ayub nipmot bat nya ibou muhwindacan ibon pesta sindam bibikwop ide ig bit leu nok igyai kepti ba, induk ikindig bat ikinjoi bat nya kin ikwohop bat nya ibou ningai pima yahagom ba, igyem pesta bit yam.

AYUB 2:9

Lene nitnem hig ser noni “Nggon rino angon gom tut Allah kikau i? Ambriom Noni hak leu binhyepo amai ug!”

AYUB 27:10

Nikeisi rima suar noni ningon ya mem ningon di nggei-hi-nggei di Allah tin ei mem no lene ba nimbris biborti bingat nadi bak Noni bi.

AYUB 41:25

Tirigi noni kiju lene yo di isindem bibor nya ingwes mien ba, inghuisi jet cem.

AYUB 42:8

Nogindini ma jijem sapi nikre ningut muhwindacan kin domba nikre ningut muhwindacan ba, jijem bak Ayub. Lene ma jibui mindhe dima hagom bijindig kep hum ei nimbar hum dokti drek dip jide sisar. Ayub mingat nadi tindei je lene midibuhup nihyet. Mbro nok gino jiji kipa tut Da bijipai mun di igbit bi lo, midibinim kep je ba, suar jibiang jipai munti nya nibuhunti bi. Noro Ayub pai mun di igbit tut Da.”

AYUB 6:14

Mbro nok gino diba dinghim bak Allah Di Sindem Bibor tu e, he bigyo e lo, disuar disut ningat dima mpu da tirigi ninghuisi wei dini hwen da.

AYUB 8:4

Mpaba amunggwom bat nya pima ibon sisar tut Allah apino bitig dino Noni kes hukum ei yok dip ug a.

MAZMUR 5:3

Ditde Nibou Ndig kin ditde Allah e, amiap kep dihyet di dahara Nati dini ba, ampu da.

NEHEI LEUSI 18:12

Lene Yitro jem mindhe-ndhe nya kwei bindig bihi kep hum titut yam lene srat bihi hacan ei nimbar hum dokti bak Allah. Lene Harun kin nibou mben Israel nindigsi nya yahagom induk yam kwei bigyem njita bit Yitro bou Allah niyai him.

NEHEI LEUSI 19:10

Nogindini ma aug ngat yo dima ba, acuk yok bipia njap di ammani kin njap di hyep cem suar itin ei mem gima ikuk yok biDa. Suar yahagom itot ide sinsun bipwoi,

NEHEI LEUSI 24:5

Lene noni cuk pinai pilei nya ibou poi leu api igyai nibon midut nindig mindhe titut kep humti bak tuhan. Lene ibui sapi nikre hi kin bu mem nibon midut nibiyai ningon kwes kin Allahti.

NIBA NINGON SRIP HUKTI 9:10

Ma ata abou ei ade midyai nyati sri lewo tungwatu nya igyai midyai cem ikan-kan nyen cem ingon dor niti cem ingon ki cem ei minu nimai nya ide bu bi. Ba, mporo ador ug ei sirima.

YEREMIA 4:14

Je di timiei minu ndig Yerusalem e, ma jicom jide mun di kinei bibor leu jingonti leu binhyepo jingwes ngun. Jiku jide nikan-kan nyenti di kinei bibor dima ei jingonti ug bipek apig bu i?

YEHEZKIEL 14:14

Mbro nok gino Nuh kin Danel kin Ayub nya ibong ei mpia dima lo, ibou ningai dima ide nibon munti di kei teu yonti njem innei he ba, ingwes ngun. Da di tuhan Di Dinyeng Jei Bibor disimbot dat tu.

LUKAS 1:75

noro ingon kwes-kwau ba, sren-srau cem bou niyai him kikau ug bipek igyaijo ningwig honti.

LUKAS 18:7

Gi nok ne Allah cem mimbrap gau Nide limwa nya di yahara Noni bikwop mmun-njap bi e? Noni miba nikou bimpu yok e?

YOHANES 11:55

Mpe dima ne tto bou mem mben Yahudi ide Njap Ndig Paskah dideu su. Gima rino tungwatu nya imang bibor induk yam leu ide minu mien nya bikwei ei minu ndig Yerusalem leu binhyepo icoi ei midut nipiap nonti bipwoiti nipou tirigi njap ndig dima tau kep yok bigyo.

KISAH 21:26

Njap di hyep bu lene Paulus ug buwak ibou bitai dima ba, yahagom ibon midut ningon kwes kin Allahti. Ba, icoi ug ei Tuhan De Ig bipai igbit njap nimangti di yoni ikes honti tirigi ingon kwes hanyen bu. Lewo mpe dima lene imam nya mibui mindhe tut ninggrom bibikwop yok.

KISAH 8:22

Gima rino ma attin ser angon kanti di kinei dima leu ba, angat nadi bak Allah leu binhyepo Noni kos ser angon kanti di kinei dima hak ug!

KORINTUS GI NIGOM 4:5

Gima rino ma jikos tut tungwatu nya ide niyai mun tunggwei si haninyai au. Lewo tto bou dem bigyo. Ma jibet jingon ei mem Tuhan nikwei hanyenti. Noni mimbot kep tut mimun di jo ei nidinditi bipiga digai ingon kanti di jo nding ei ingon bei hagom yo. Mpe dima lene Allah mikos tut mun di kei bak bikwop tungwagom-gom di dem mem gima.

KORINTUS GI NICAN 11:2

Dingon ya mem je nindig bibor noyam kin gi Allah Nonti cem ningon ya mem je. Lewo jinok dikwohop nigwam nitta pilei. Diyok wab kep je mem tungwagom ba, No dima ne Kristus ri.

EFESUS 6:18

Ma jiyai mun dini yok hagom ba, jibingat nadi bak Allah leu binhyepo Noni mpu je. Ma jiba jiyai ngkiemti kin jingon cut leu bisi bingat nadi bidem nituti kin nikwesti hagom bit leu nok Allah Ninnei nibie tut jeti. Mpe dino jimut jiyai ne ma juhuk nadi mem jisut bat yo di Kresten yahagom.

SAMUEL GI NIGOM 16:5

Lene noni buhup “I, dingon kwes kin je lo, dikwei mem dibon midut nindig mindhe kep hum bak tuhan. Ma jibon midut nipiap jenti bipwoi leu api jikwei bit da.” Lene noni cuk Isai kin nipmot bat nya cem bipia ibon midut nipiap yonti bipwoi leu api hig yoni cem ikwei bit nibon midut nindig mindhe kep hum bak tuhan dima.