AYUB 1:3 - ALLAH NIHYET MEM TUNGWATU NYA

³ Noni nyeng tut domba nya ningut sribu muhwindacan kin unta nya ningut sribu ningai kin sapi nya ningut sribu gom kin keledai nya ningut sratus muhwi. Nide awak nya cem imang bibor. Gima rino Ayub nyeng tut ndigban nindig bibor dor njiriek yo di nindigsi di ibong ei hanjop bei mpia nipriti nya yahagom.

AYUB 1:3 ပူးပေါင်းရင်းမြစ်များ

NITRITI 12:16

Lene nibou ndig Firaun ningon kei sut Abram drek dip Sarai leu api njei mun di kei di nok awak pinai nya awak sop nya domba nya kin kambir nya kin sapi nya kin keledai nya kin unta nya hagom bak.

NITRITI 12:5

Noni buwak nitnem Sarai kin nikinjoi nipmot Lot bitut nide ndigban kin awak nya di noni nyeng tut ei minu Haran ba, hei sut yok biyuug ei minu Kanaan. Niabiati yahagom yuug krau minu Kanaan tu lene,

NITRITI 13:6

Apino bit bon hanjop nsi dima bon nibresti bitut mintu-minta nok gi dem mem yo cin dini kin ide mindhe-ndhe nya ibong eisi kan bi.

NITRITI 24:35

tuhan njei mun di kei nindig bibor bak andigpoi ba, noni nyeng bibor. tuhan yai mun nyeng hagom binoni nok domba nya kin kambir nya kin sapi nya kin unta nya kin keledai nya kin perak kin mas cem nindig bibor kin awak pinai nya kin sop nya hagom cem.

NITRITI 25:6

tirigi nide njap ngwig hon bigyo lene noni njei munkwas mang bibor bak nipmot bat nindigsi nya di nitnem mien nya igwam tut yok. Lene noni cuk nipmot bat nindigsi dini yok yahagom ug ei hanjop nite bei mpia nipriti ei minu ting leu nipmot Ishak niyati.

NITRITI 29:1

Lene Yakub mbut kikau ei minu Kanaan ug ei nite bei mpia nipriti.

NITRITI 32:14

Noni dimig kambir niwek ningut sratus can kin nikre ningut ningot can kin domba nya niwek ningut sratus can kin nikre ningut ningot can,

NITRITI 34:23

Jei bi lene ide mindhe-ndhe nya kin ide ndigban hagom mitug hon nyeni bu. Gima rino jikwei ba, ice tut puig di yoni indo binye leu binhyepo yoni mipek hanjop nsi srig nyeni ikieti.”

SAMUEL GI NICAN 12:2

Gi hi di nyeng dima ninyeng tak kep sapi nya kin domba nya mang bibor.

NIBOU NDIG NYA GI NIGOM 4:30

Ningon ki dor njiriek yo di ingon ki di ibong bidem hanjop nite bei mpia nipriti nya kin yo di ingon ki di ibong ei minu Mesir cem ba, hi di ningon ki bibor dor njiriek noni bi.

NIBOU NDIG NYA GI NICAN 15:20

Puig di Menahem nggok di biyai mitiei dima rino bidip huk timiei Israel di inyeng tut ndigban. Suar bikwop tungwagom-gom hit mitiei perak ningot muhwi biyai nimui bak. Gima rino Pul kiju bijo leu minu ndig dima bingkwei hanyen ug ei nitimieisi.

NIBOU NDIG NYA GI NICAN 3:4

Ei nijam dima ne Mesa di nok nibou ndig mem mben Moab hyen kep nide domba nya. Noni ba domba pmot ningut sribu sratus gom kin ninta leu domba nikre ningut sribu sratus gom bigo belasten bak nibou ndig mben Israel bikwop ari bingwam kikau.

NIBOHON MBEN ISRAEL GI NICAN 26:10

Bitut ig di bon ninggre di jo-jo yam dip anai mem gima ibiya ser iggum ndigsi cem. Noni bon bak minyei ngot ei iggum ndigsi dima lewo nide mindhe-ndhe nimuhup tu nya mang bibor. Ba, mindhe-ndhe dima yok bihi no ya ke yam ei nungug tou nya lene bihi no ya ke yam ei mbang briep nite bei mpia nicutti. Lene Uzia ba limwa nya imang bibor biyai miai biei anggur nghousi ei nungug tou nya lene ba yok biyai miai nya bidem dihyei nnumti nya hagom lewo noni ngat ningwes ei midyai niyai miaiti.

NIBOHON MBEN ISRAEL GI NICAN 32:29

Ter leu niyai munti dima yok bu lene ngot minu ndig mang-mang cem. Allah njei ndigban nindig bibor ba, mpung bipias hagau bak noni. Lene gima bindei ba, nyeng tut ndigban nindig bibor.

AYUB 1:10

Anyohou noni kin nide bat nya bitut nide ndigban hagom cem bikwop mmun-njap. Asindem tut noni mem nide midyai nya hagom ba, ayai mindhe-ndhe nok gi dem mem ikieng kep minu nisurti-nipekti binoni tu.

AYUB 1:4

Ayub nipmot bat nya ibou muhwindacan ibon pesta sindam bibikwop ide ig bit leu nok igyai kepti ba, induk ikindig bat ikinjoi bat nya kin ikwohop bat nya ibou ningai pima yahagom ba, igyem pesta bit yam.

AYUB 21:28

Ba, jihig yam “No di ninyeng jei di ninyeng tak kep tungwatu po ba ningon di sibut bibon mun pima nide ig jo tirigitou i?”

AYUB 29:25

Dittei nibou tut gi dikos tut mun nyeng hagom mem yok. Dibie tut yokti noyam kin nibou ndig di ningat rin ei nide tentara nya ikieti ba, dibiwin kep ingonti ei mpe di ningon nggukti buhun tak yok.

AYUB 31:25

Dingon jei sut ndigban kin mitiei di dinyeng tut nya bi sren.

AYUB 31:37

Midipai jit ditde niyai munti nya hagom bak Allah. Midinggei ngwig sut danti drek dip bidibrim dingkek kep Noni tirigi diya ei Noho bei.

AYUB 42:10

Niabiati Ayub ngat nadi tindei nisut bat ibou ningai pima tu lene tuhan bindei ba, Ayub nyeng tut ndigban hanyen bu. Noni yai ndigban nok gi nipou pima mbican bram yam bak Ayub.

AYUB 42:12

tuhan bindei ba, Ayub ningon nggei-hi-nggei nindig bibor ei ningwigsi dor njiriek ningon di nggei-hi-nggeisi nipou pima. Tini bu ne noni nyeng tut domba ningut sribu simnaibrimigtai kin unta ningut sribu muhwindagom kin sapi ningut sribu can kin keledai ningut sribu gom.

NIPINGOK NINGONTI 10:22

Tungwatu nya inyeng tut ndigban tug hon ningat di kei di tuhan njei bak yoni. Bit bon nicom nahanggwap tut midyaisi bindei ningat di kei kum eisi bi.

YEREMIA 49:28

tuhan pai sut keret Kedar bitut hanjop di Hazor ninyeng tak kep nya di Nebukadnezar di nibou ndig minu Babel yai di yati tu nya “Nebukadnezar e, ma anjei siceu lene ahwen keret Kedar ba, abindei sar yo di ibong nite mpia nipriti!

MBEN ISRAEL IMBUT-MBUT NYEN 23:7

Lene Bileam tri tut Allah ningon kanti bipai “Balak di nibou ndig mben Moab buwak da kwei leu Aram di jo nungug him bei mpia nipriti leu binhyepo diya luei nohoti ba, dimbriom mben Israel.

NIJAM NIKEI NYA 6:3

Tirigi igyai miai lene mben Midian kin Amalek kin ngkiai nya di ibong bidem iggum ndigsi yahagom ikwei hwen bit yok.

NIJAM NIKEI NYA 6:5

Yo dima ijem ide mindhe-ndhe nya kwei ba, yohok ide prak meng nya mang bibor bingwig kep mben Israel ide hanjop nsi dem kep nok hai ceng nya di ingwig kep dihyei nisurti-nipekti hagom. Bit bon hi kwop tungwatu nya kin ide unta nya imangti kan bi. Lene ibindei ba, mben Israel ide hanjop dima hagom kinei bibor.

NIJAM NIKEI NYA 7:12

Lo bi lene mben Midian kin Amalek kin ngkiai nya di ibong bidem iggum ndigsi yahagom ikieng kep mbang briep dima dem kep nok hai ceng nya di igyem mpia ei dihyei ninjek dip. Ide unta nya cem imangti noyam kin iggum ei muk nipimat nimangti.

NIJAM NIKEI NYA 8:10

Mpe dima lene nibou cin Zebah kin Salmuna pima kin ide tentara yahagom yuug krau Karkor tu. Ide tentara ne pinai nya leu ngkiai nya di ibong bidem iggum ndigsi pima rin lo, imangti ibou sribu simnaimuhwidip he lewo nindigsi nya ibou sribu sratus gom ba, sribu ningot can imai biwer nimbiam tu.

SAMUEL GI NIGOM 25:2

Mpe dima lene Nabal di pinai gom leu Kaleb ninsi de ningat rin ei minu ndig Maon. Nabal de dihyei di hyen kep mindhe-ndhe nya eisi no jo dideu minu ndig Karmel. Noni nyeng bibor ba, hyen domba ningut sribu ningai kin kambir ningut sribu gom. Nabal nitnem Abigail ningon ki ba, sop ubbu cem. Noro Nabal ne mbuk bibor ba, ningon prinder. Mpe di gom lene Nabal ya kep domba nide nya bikos inta leu ei Karmel.

SAMUEL GI NIGOM 27:9

Tirigi Daud ya kep bihwen yok lene noni yai nimai bak pinai nya kin sop nya yahagom bipos domba nya kin sapi nya kin keledai nya kin unta nya bitut sinsun nya cem. Leu api ngkwei sut hanyen ba, ug ngat Akhis.