AYUB 1:12 - ALLAH NIHYET MEM TUNGWATU NYA

¹² Lene tuhan pai bak Bilis “Nna ba abindei Ayub de mun di nyeng tut nya bit leu angon kanti noro ma angget nonti njem binggwen au.” Lene Bilis om no leu tuhan Noho bei bimbut.

AYUB 1:12 ပူးပေါင်းရင်းမြစ်များ

NITRITI 16:6

Lene Abram buhup “Nna ba noni ne ade awak rin ba, anyeng tak kep noni. Abon mun igbit angon kanti bitut noni hak ug.” Lene Sarai sibut tut Hagar nindig bibor apino Hagar nang leu.

NIBOU NDIG NYA GI NIGOM 22:22

Lene Allah hig ser noni ‘Aris bak noni notou i?’ Lene ninnei dima buhup ‘Duug ngat Ahab de nabi nya lene midibindei ba, yahagom iris mun.’ Lene Allah cuk noni ‘Aug ba, aris bak noni hak ug lewo ayai munti dima mingat ningat ug ri.’ ”

NIBOU NDIG NYA GI NIGOM 22:23

Lene Mikha pai ningwigsi biyok “Mun dini yok hagom pek kep mem je! Allah bindei ba, ade nabi dini yok yahagom iris mun bak na di Andigpoi. Lewo Noni kos tut mem gima mbigom na di Andigpoi atug midut ug ri!”

NIBOHON MBEN ISRAEL GI NICAN 18:21

Lene ninnei dima buhup ‘Dani midicoi ug ei Ahab de nabi nya yahagom ingonti lene dibindei ba, yahagom iris mun bak Ahab.’ Lene tuhan buhup ‘Angon kanti dima kei. Ma aug yai nok gima hak ug lewo ade nihwen ningon dima mipek kep mem yok ug ri.’ ”

AYUB 1:11

Noro gino apos mun di noni nyeng tut nya hagom bingwig leu noni lene mbigom nihyet miwer mpiahi tut Na di tuhan hak ug!”

AYUB 1:13

Mpe di gom bu tirigi Ayub nimunggwom bat nya ibon pesta ei nipmot mighumbou de ig leu api,

MAZMUR 76:10

Leu mpe dima lene ayai abou tut hukum di abikes ei tungwatu nya dip ba, ateu yo di ibiang mun di buhun ei dihyeisi dini bingwes ngun cem.

YESAYA 27:8

tuhan kes hukum ei Nide limwa nya dip tug hon gi com yok ug ei ingkiaisi. Noni ba hou sibut di cut kwei leu mpia nipriti bijji yoni.

YEREMIA 38:5

Lene Nibou Ndig Zedekia buhup “Nnaba jibibon Yeremia bit leu jingon kanti hak ug. Lewo bit bon disrep tut je kan bi.”

LUKAS 12:23

Lewo jiyaijoti bon ninyeng dor njiriek njita di jiyem. Jingut bon ninyeng dor njiriek sinsun di jijuk nya.

YOHANES 19:11

Yesus buhup “Gino Allah yai nisindemti dima bina bi lene bit bon angget Da kan bi. Gima rino no di kes Da ei andati bon sisar nindig bibor dor njiriek ade sisar.”

KORINTUS GI NIGOM 10:13

Mun nyeng hagom di bingon kep jingonti dima bingon kikep tungwatu nindigsi nya cem ingonti bikwop njap ngwa hagom. Noro bit bon Allah ngkwei hanyen leu Nide nipreu ei mem nyeti kan bi. Noni misindui sut Bilis bingon kikep jingonti dor njiriek leu jide nisindemti bi. Tirigi Bilis bingon je lene Allah mitin puig mem je leu binhyepo jingwes ngun tug hon nisindemti di Noni yai bije.

KORINTUS GI NICAN 12:7

Noro mun di biyai dinghuisi wei cut igkep da ser nhyema dingon jei drek dip mun di mipbor ngat di dingat bou diyai him au. Mun di bindei di dinghuisi wei tereu nok Bilis de awak di hwen bit da ser nhyema dingon jei au.