AMOS 9:8 - ALLAH NIHYET MEM TUNGWATU NYA

⁸ Da di tuhan Di Dinyeng Jei Bibor diyok diyai kep je di mben Israel di jibon sisar leu api midibindei ba, jitimek bijingwig leu dihyei njek dip. Noro dibindei ba, yo di intun Yakub him yahagom imai bingwig bi. Da di tuhan disimbot dat tu.

AMOS 9:8 ပူးပေါင်းရင်းမြစ်များ

NITRITI 6:7

Gima rino Noni pai “Siciu ser tungwatu di sipai tes nya bitut mindhe-ndhe nya kin ha nya hagom hak ug lewo singon ngkwei leu gi po sipai tes yok pima.”

NITRITI 7:4

Lewo njap muhwindacan bu lene midibindei ba, mpia but mbras ug ei dihyeisi kikau mem mmun-njap ningot bitai apino mun di dipai tes nya hagom sar tut niyaisijo.”

NIBOU NDIG NYA GI NIGOM 13:34

Nibon munti di kinei-kinau dima bindei ba, yo di intun noni him itug ndei hukum di buhun bibor ba, ibisar bihigom.

NIPINGOK NINGONTI 15:3

Mun di pek kep bidem mpia ttou nsi hagom jo nibreisi bou tuhan niyai him. Noni yok ngon kep niyai munti di kei kin gi kinei nya hagom.

NIPINGOK NINGONTI 5:21

tuhan ngat bidem tungwatu nya igyai munti nya hagom. Noni ngig niyai kep imbutti nya hagom.

YEREMIA 30:11

Midihwou teu je bijingwes ngun ba, dibindei sar ngkiai nya di dibindei ntek je ug eisi nya yahagom. Noro dibibon je nok gima bi. Ningat ne mijingwes ngun leu hukum bi. Noro hukum di dikes ei jeni dip dima ne hukum di tug hon Ditde ningon gomti rin ba, dem igbit nikos tutti di jo tu. Da di tuhan disimbot dat tu.”

YEREMIA 44:27

Midibindei ba, jitug ndei mun di buhun ba, jibong kei jigwam kei bi kikau bibou jahagom jimai ningwig ug e. Jimai ei pranti ba, jimai tug hon nsuwer ajar cem.

YEREMIA 46:28

Je di Ditde limwa nya e, ma jittin au. Midikwei teu je bijingwes ngun. Midibindei sar ngkiai nya di dibindei ntek gimahap je ug eisi nya yahagom hak ug. Noro midibindei sar jeni bi. Ningat ne mijingwes ngun leu hukum bi. Noro midikes hukum di igbit di dem mem dikes ei jeni dip hak ba, bit leu dikos tutti. Da di tuhan disimbot dat tu.”

YEREMIA 5:10

Midicuk siceu nya ba, inggek yo dini ide ba anggur nghousi nya lo, inggek bisar ningwig hak bi. Midicuk siceu dima yok ba, ikos yo dini ide ba anggur ninda leu. Lewo ninda dima yok ne Ditde bi.

HOSEA 1:4

lene tuhan pai bida “Ma ajem ninyeng Yizreel lewo jei bi ne midikes hukum ei nibou ndig Israel dip drek dip nidigup Yehu de mun di yai tunggwei tirigi noni hwen tungwatu nya ei minu ndig Yizreel. Dikos dat bipia midibindei ba, yo di intun Yehu him yahagom imai bingwig.

HOSEA 1:6

Jei bi lene Gomer srek tut nipmisop ba, nok nimunggwom gom kin bu. Leu api tuhan pai bida “Ma ajem ninyeng ‘No Di Hi Ngondut Bi’ lewo dingondut mben Israel bidikos ser ide sisar bu bi.

YOEL 2:32

Noro tuhan miteu bibikwop tungwagom-gom di hara Noni leu api yai niyaijo nijep. Bit leu nok Noni pai ‘Timiei minu ndig Yerusalem di didimig ei su nya mingwes ngun.’ ”

AMOS 3:12

Bit leu nok gembala di yai domba di singa ham nikien cin kin nitingou meng gom he ba, gima bindo tut mben Israel di ibong kei-kau ei ibongti di nggriu-nggrop kei ei Samaria ba, ibou poi he mingwes ngun.”

AMOS 7:17

Gima rino tuhan pai bina di Amazia atnem minok sop di nibou buwei di hwou-hwou nyen bidem simpak ei minu dini. Amunggwom bat nya mitug ndei nimai ei pranti ba, ade siceu nya mikwas ade minu dini tut yam. Mporo nanti ayaijoti ug hon nohonti ei angkiaisi. Leu api siceu nya mikat mben Israel bikri yok ug ei ingkiaisi ei ting bibor leu itimieisi.”

AMOS 9:10

Ditde limwa nya di ibon kep sisar ipai biyam ‘Allah misindui sut ba, mun di buhun bibor micut igkep nye bi.’ Noro ningat ne yoni mitug ndei nimai ei pranti.”

AMOS 9:4

Gino ide siceu nya ikat yok ug ei ingkiaisi ne midibindei ba, igyai nimai biyok. Dita dibou ei gima dibindei timek yok bingwigti lene dimpu yok bi.”

NINDAT KEP TUHAN NICUKTI NYA 4:31

Lewo tuhan Allah ne jide Allah di ngondut tungwatu nya nindig bibor ri. Noni mikes je bihigom ei bi ba, mihwen je bijingwig bi. Gima cem ningon miprion ser mun po Noni preu ei mem jidigup bat-jidigai bat nya pima bi.

NINDAT KEP TUHAN NICUKTI NYA 6:15

Gino jikuk je bak nung nya lene tuhan di nok jide Allah ningon misibui sut je apino mijimai bijingwig. Lewo tuhan di nok jide Allah di ningat rin ei jikieti kou sut gima jikuk je bak nung nya.