AMOS 9:7 - ALLAH NIHYET MEM TUNGWATU NYA

⁷ tuhan pai “Je di mben Israel e, dehek tut mben Sudan noyam kin gi dehek tut jeni. Dibuwak mben Filistin kwei leu Mios Kreta lene midibuwak mben Siria kwei leu minu Kir noyam kin gi dibuwak je kwei leu minu Mesir.

AMOS 9:7 ပူးပေါင်းရင်းမြစ်များ

NIBOU NDIG NYA GI NICAN 16:9

Lene Nibou Ndig Tiglat-Pileser ce tut Ahas nahara noti leu api njei siceu ba, hwen minu ndig Damsyik leu lene yai ba, yati. Lene kat timiei minu ndig dima yahagom bikri yok ug ei Kir ba, isima lo, yai nimai bak ide Nibou Ndig Rezin.

NIBOHON MBEN ISRAEL GI NICAN 14:12

Lene Asa ngat nadi bikes leu api njei sut nide tentara timiei Yehuda nya bikon pran bit nimpung tentara Sudan di nindig bibor dima. Leu api tuhan bindei timek tentara Sudan nya yahagom. Gima rino yahagom itti kep inghim dip binang.

NIBOHON MBEN ISRAEL GI NICAN 14:9

Mpe di gom bu ne Zerah di nibou tentara Sudan gom ba nide nimpung tentara nya ibou juta gom bitut kroba pran sratus ningai ba, bihwen minu Yehuda. Ba, ikes yok kikau ug ei Maresa.

NEHEI LEUSI 12:51

Ei njap dima ne tuhan buwak mben Israel yahagom bingwes ngun leu minu Mesir.

YESAYA 20:4

Nibou ndig Asyur mikat timiei minu cin dima nok yo di isima di ingat ngu bikri yok ug ei ingkiaisi. Ndigpoi nya kin pilei nya yahagom miba ingat ngu bimbut ba, ijuk sinsun kin srop ser ingkek dip kin imig jou bi. Ba, ijou hangwang bijo hak apino ibiyai nimmai biyok.

YESAYA 22:6

Tentara Siria injei sut ide nimpung di ibri kuda kin gi ibri kroba pran kwei. Tentara Elam injei sut ide hampiap kin singau tibor di jo inda him nok-nok. Tentara Kir itin ei ide mun di ibipukep tibor ninggwenti nya di ibicuon ser igyaisi.

YESAYA 43:3

Lewo Dani ne tuhan ba, mben Israel ide Allah Di Kwes-Kwau ri. Diteu je bijingwes ngun. Ditri minu Mesir ba, dibipek je hanyen. Ditri minu Sudan kin Seba nya leu binhyepo jiya luei yohoti.

YEREMIA 13:23

Bon no di ningkek rom luei ningkek bitiei kei kan e? Bon macan kes ninta nibahai ei leu no kan e? Ningat ne hi nok gima bigyo sren. Nok gima cem tut je di jibon kep mun di kinei. Bit bon jibon mun di kei kan bi.

YEREMIA 47:4

Lewo tto bou dem mem gima siceu nya ibindei sar mben Filistin titut yam tu. Leu ba, hi dima dem mem gima mpu minu ndig Tirus kin Sidon bi. Da di tuhan midibindei sar mben Filistin di niken-ken di itimieisi leu Mios Kreta.

HOSEA 12:13

Yakub dino ide pung di intun him nang ug ei minu Mesopotamia leu api bon nonti nok awak mem tungwagom binyohou no dima nide domba nya ei minu dima leu binhyepo bitug ndei nitnem.

AMOS 1:5

Midinggek dimbou pmem ei ngug tig di bikrop ttai minu ndig Damsyik nya bidicok tut timiei Mbang Briep Awen bingwig leu itimieisi leu api midikuk nibou ndig mben Bet-Eden bidicug ninyeng di jei leu noni. Midibindei ba, ide siceu nya ikat mben Siria bikri yok kikau ug ei minu Kir.”

AMOS 2:10

Dibuwak je kwei leu minu Mesir leu api dibie tut je ei iggum ndigsi mem ari bingwam ningot bitai. Diyai mben Amori ide dihyei bije leu binhyepo jinyeng tak kep titut yam.

NINDAT KEP TUHAN NICUKTI NYA 2:23

Lene timiei Mios Kreta cem ikwei brim minu di jo sir Muk Hacan nintig dip hagom. Yoni ibindei sar mben Awi di ibong timiei ei minu dima yahagom. Leu api igyai minu ndig dima ba, igyati kikau bipek kin minu ndig Gaza nite bei mpia nibiho.)