AMOS 9:14 - ALLAH NIHYET MEM TUNGWATU NYA

¹⁴ Midipindi Ditde limwa nya ba, ibong kei igwam kei hanyen. Yoni miwin ide minu di tti tu nya bibong ser ide ig cem. Ita ba anggur nghousi bidut ningei lene igyai miai leu api ipuk ningat bigyem kep inggum hanyen bu.

AMOS 9:14 ပူးပေါင်းရင်းမြစ်များ

MAZMUR 107:37

Yoni igyai miai nya ba, ita ba anggur nikioi nya eisi leu api hagom ngat ningat di kei bibor bu.

MAZMUR 53:6

Mbro nok gino mun di bindei ba, idigit bibor hi bi lo, yo di isibut nya mittin bibor. Lewo tuhan migimahap yo di igyon siceu ttai je nya injum a. Gima rino mijibindei timek yoni lewo Allah rok yoni ei su.

YESAYA 60:4

Ma amian ttai na ba, ayok ayai kep mun di sindi pek kep mem na! Ade limwa nya imbus yam ei su ba, sindi induk yam kwei ndam na. Apmot bat nya no ikwei leu minu ting kwei lene tungwatu nya yuusap apmisop bat nya kwei.

YESAYA 61:4

Nide limwa nya miwin minu di timek bingwig nya bikinding mpia ttou nsi nya di ha he bong hagom bikei hanyen.

YESAYA 65:21

Tungwatu nya mingot ide ig bibong kikau ser leu api yoni ita ba anggur nikioi bipuk ningat bigyem.

YEREMIA 12:15

Noro tirigi dibindei hei yok lene midingondut yok hanyen bu. Midibuwak bikwop ngkiai nya yahagom ba, midikes yok ei itimieisi hanyen.

YEREMIA 16:15

Noro yeheng bitug hon Da di Allah di diyaijo di dibuwak yok kwei leu minu gom ei nite bei mpia nijjai kin minu nindigsi nya di dibindei bintek gimahap ug eisi nya hagom. Midibuwak yok hanyen kwei ei idihyei di dikes bak idigup bat-idigai bat nya nipou su.”

YEREMIA 23:8

Noro iba Allah Di Niyaijo di buwak mben Israel kwei leu minu di jo ei nite bei mpia nijjai kin minu nindigsi nya hagom dijji yok ug eisi ninyeng beheng bu. Mpe dima lene yoni mibong ser itimieisi hanyen bu.”

YEREMIA 24:6

Midiya ser yok ba, dibuwak yok hanyen kwei ei itimieisi dini yo. Midiwin kep ingonti lene dinggek yok bi. Midita yok lene dohom yok bi.

YEREMIA 29:14

Igbit ri. Jikwei um Da leu api midibuwak je hanyen kwei ei jitimieisi. Midinduk je kwei leu bikwop ngkiai nya ikieti kin minu di dibindei ntek gimahap je bidicom je eisi. Lene dipindi je bijinok nitungwatu hanyen bu. Da di tuhan disimbot dat tu.”

YEREMIA 30:18

tuhan pai bu “Midingondut Ditde limwa di jeni. Midibindei ba, jibong kei jigwam kei ei jitimieisi hanyen. Mpe dima lene jiwin minu ndig Yerusalem hanyen bu lene jikinding ig nibou ndig nikineisi hanyen.

YEREMIA 30:3

lewo tto bou dem leu api midingkwei Ditde limwa mben Israel kin Yehuda hanyen ei ide nibong kei nigwam keiti nok gi nipou bu. Midibuwak yok kwei bidikes yok ei minu di diyai bak idigup bat-idigai bat nya hanyen leu api yoni igyai bigyati hanyen nok ide dihyei ninda rom. Da di tuhan disimbot dat tu.”

YEREMIA 31:23

tuhan di mben Israel ide Allah Di Sindem Bibor pai “Tirigi dibindei ba, Ditde limwa nya ibong kei igwam kei ei itimieisi hanyen lene timiei minu Yehuda kin minu mien nya ibohom ndat, ‘Nnaba tuhan njei mun di kei bak nungug tou di kwes-kwau ei minu ndig Yerusalem kin Nide nghim nsi di dia-diau kei.’

YEREMIA 31:28

Bit leu nok gi po dinyohou yok leu api disrep tut nibou ndig nya cem dinggek tut ide ninyeng tak kep limwati nya bingwig cem dibindei sar yok cem ei niabiati bu tu pima lene midinyohou ta yok binddong kei bidiwin yok hanyen.

YEREMIA 31:5

Mpe dima lene jiyai miai ba anggur ngat ei nungug him minu Samaria leu api je di jiyai miai dima mijipuk ningat bijiyem nok gi nipou.

YEREMIA 32:15

tuhan Di Sindem Bibor di Allah Israel pai bipia ei nidipti bu ne nitri-nipek ig kin dihyei kin miai ba anggur nghousi mikieng kep minu dini bu yo.”

YEREMIA 32:37

Midinduk mben dini leu minu hagom di dibindei ntek gimahap yok ug eisi nya drek dip gi digga yok bibor ba, diba yo bicom yam hanyen. Dibuwak yok kwei bidikes yok hanyen ei mpia ttou nsi dini bidisindui sut ba, ibong kei igwam kei eisi.

YEREMIA 33:11

Noro nihyet niyai nilleisi kin ningon di nggei-hi-nggeisi kin nihyet nibon pesta niwak yamti mitibim hanyen kwei leu mpia dini yo. Doia di tibim leu yo di ibon midut nibipai sigyo ei Ditde Ig yuhui him cem mitibim yo. Yoni mipai, “Ma jipai sigyo bak tuhan Di Sindem Bibor lewo Noni singat kei ba, ningon ngakeisi jo ninno bijo mimpui.” Midibindei ba, nibong kei nigwam keisi kieng kep minu dini noyam kin gi nipou pima. Da di tuhan disimbot dat tu.”

YEREMIA 33:7

Midibindei timiei Yehuda nya kin mben Israel ba, iwer yok mipbor ngat nok gi nipou pima bu. Yoni mikiju bigya nok Ditde limwa nya hanyen bu.

YEHEZKIEL 16:53

tuhan pai bak minu ndig Yerusalem “Midibindei ba, minu ndig Sodom kin Samaria bitut ide minu mien nya mibong kei migwam kei hanyen. Gima leu api dibindei ba, nani cem abong kei agwam kei hanyen.

YEHEZKIEL 28:26

Yoni mibong kei migwam kei ei minu dima bingot ide ig nya ba, ibiyai ide miai ba anggur nghousi nya cem. Midikes hukum ei yo di ngkiai di ibong ttai yok di ighyet wer mpiahi tut yok nya yahagom dip. Leu api mben Israel mibong nyahan ba, mun hi binggek yok bi. Mpe dima lene ikan tut bipia Dani ne ide tuhan Allah ri.”

YEHEZKIEL 37:21

Lene ma apai biyok bipia Da di tuhan Di Dinyeng Jei Bibor miditeu Ditde limwa nya yahagom leu ngkiai nya ikieti leu api midimbus yok keyam bidibuwak yok hanyen kwei ei itimieisi.

YEHEZKIEL 39:25

tuhan Di Ninyeng Jei Bibor pai “Noro tini bu ne midingondut Ditde limwa Israel di intun Yakub him. Midibindei ba, mun di isuar nya hagom midem mem yok. Dinyohou dinyeng tug hon nisinati dima leu binhyepo ikon dinyeng kikau.

AMOS 5:11

Jico kep nuhui mbum nya bijipos ide gandum ngan cem leu yok. Gima rino mijibong ser ig di kei bibor kei di jingot mem jenti bijidut ba anggur ngei leu miai ba anggur nghousi nya di jita mem jenti cem bi sren.

ZEFANYA 1:13

Siceu nya mipos ndigban di ide nya bigya kep ig di ide nya cem bitimek. Timiei minu ndig dima ingot ig noro igibong kep ig dima bi ba, inyohou miai ba anggur nghousi lo, igidut ba anggur ningat ningei bi.”

ZEFANYA 2:7

Timiei minu Yehuda di ingwes ngun nya migyai jide minu dima bigyati. Yoni inyohou mindhe-ndhe nimuhup tu di ide nya ei mpia dima bijem mindhe-ndhe nimuhup tu di ide nya leu api icoi ug ei ig di mben Askelon ide nya mem mmun bibong niti. Lewo ide tuhan Allah minyohou yok bibindei ba, ibong kei igwam kei hanyen bu.